Dermatologji

Dermatologji

Në specialitetin e Dermatologjisë ky spital ofron një tërësi shërbimesh mjekësore të një niveli të lartë, të krahasueshme me shumë qendra spitalore prestigjioze në Evropë.

Diagnostikimi dhe trajtimi:
Sëmundjet e lëkurës janë të shumta, por vetëm disa prej tyre detyrojnë pacientët që të paraqiten tek mjeku dhe të marrin mjekim. Kjo ndodh edhe për faktin se duke u nënvlerësuar ato, ose mjekohen keq duke krijuar rezistenca ndaj medikamenteve dhe kalojnë në patologji kronike, ose nuk trajtohen dhe evoluojnë deri në gjeneralizim të tyre.
Në spitalin tonë ne diagnostikojmë dhe ndjekim në vazhdimësi trajtimet e kartelizuara të pacientëve për patologjitë dermatologjike të moshës pediatrike, sëmundjet kronike, diagnostikimin e patologjive malinje, trajtimin e patologjive të thonjve, flokëve, mukozës në gojë dhe infeksioneve gjenitale.

Praktika klinike bashkëvepron tërësisht me ekzaminimet laboratorike të një niveli të lartë dhe konsultat e mjekëve të specialiteteve të tjera për të arritur një diagnostikim dhe trajtim adekuat.

Dermopatologjia
Këtu kryhen procedurat e marrjes së biopsisë në lëkurë dhe nëpërmjet një personeli tërësisht të kualifikuar dhe aparaturave laboratorike moderne kryhet ekzaminimi dhe interpretimi i tyre duke përcaktuar me saktësi detajet e ndryshimeve patologjike në nivelin mikroskopik. Më pas konfrontimi me planin klinik dhe konsultat me mjekun dermatolog e bëjnë më të thjeshtë diagnostikimin dhe mjekimin e duhur të pacientit.
Laboratori dermopatologjik është pjesë e një departamenti të tërë ku kryhen të gjitha testet dhe analizat më specifike.

Procedura të veçanta
Injeksionet intralezionale
Injeksionet intralezionale janë të nevojshme për trajtimin e sëmundjeve si Alopecia areata (humbja e lokalizuar e flokëve) ose prania e keloideve. Ky injeksion kryhet direkt në vendin e lokalizimit të patologjisë dhe ndihmon për përshpejtimin e proceseve rigjeneruese të lëkurës dhe marrjen e një përgjigjeje më të shpejtë e kombinuar gjithsesi dhe me një mjekim tjetër etiologjik ose simptomatik.

Kirurgjia dermatologjike
Procedurat e mëposhtme kryhen në ambiente bashkëkohore, duke respektuar të gjitha rregullat e asepsisë dhe në bashkëpunim me specialistët e kirurgjisë plastike.

  • Ekzicion të lezioneve malinje dhe beninje;
  • Trajtimi me krioterapi i shumë patologjive të lëkurës;
  • Trajtimet invazive të pacientëve me akne të gradës së dytë dhe të tretë.

Dermatologjia kozmetike

  • Piling kimik;
  • Injeksionet e Botox;
  • Injeksione me fillër të ndryshëm;
  • Skleroterapi për teleangiektazitë dhe venat e vogla.

Terapia me laser
Laseri është një nga teknologjitë më të përparuar që duke u rinovuar në vazhdimësi ka bërë të mundur trajtimin me sukses edhe të shumë patologjive specifike në dermatologji duke dhënë efikasitet maksimal dhe efekte anësore të pakonsiderueshme.

Ndër patologjitë që trajtohen me shumë sukses, por jo të vetmet, janë:

  • Shenjat që mbeten nga aknet;
  • Rigjenerimi i lëkurës në regjionin e qafës, kraharorit dhe duarve;
  • Melasma;
  • Lezionet e pigmentuara të lëkurës të lokalizuara kudo në trup;
  • Heqje tatuazhesh;
  • Rrudhëzat përreth syve;
  • Çikatricat kirurgjikale;
  • Keratozat aktinike, etj.

More Doctors From : Dermatologji

Dr. Irena Savo

Dr. Irena Savo

Dermatolog
Dr. Amarda Gica

Dr. Amarda Gica

Dermatolog