Spitali Amerikan, Author at American Hospital

Disfonia nga Dr. Andrea Palmieri

Kirurgu ORL Dr.Andrea Palmieri tregon për rastin e Avniut, një pacienti duhanpirës që vuante nga një disfoni (ulje e zërit) dhe ndjente praninë e një mase të huaj në fyt.

Pas vizitës së parë kirurgu i mirënjohur italian i këshilloi një biopsi të kordave zanore dhe rezultati tregoi praninë e një tumori malinj, shumë i shpeshtë te pacientët duhanpirës. U vendos terapia më e përshtatshme për të, një kordektomi lazer në mikrolaringoskopi, teknikë me të cilën trajtohen shumë mirë tumoret fillestare të laringut duke ruajtur njëkohësisht të paprekur këtë organ dhe me pas radioterapi.

Kjo mënyrë ka një përqindje të lartë, thuajse 75%, mundësi shërimi total. Dr.Andrea Palmieri thotë se të gjitha gjasat tregojnë që rasti i Avniut do të shkojë mirë, ai nuk pi më duhan, gjë që është shumë e rëndësishme. 99% e pacientëve që preken nga këto patologji, janë pothuajse të gjithë duhanpirës, ashtu si Avniu.

Për këtë arsye, përmes kësaj videoje, Dr.Andrea Palmieri këshillon të paraqiten menjëherë te mjeku të gjithë personat sapo ndjejnë një ulje të zërit, sidomos nëse janë duhanpirës, sepse një diagnostim i hershëm shpëton jetë.

Për më shumë informacion ose vizitë me Dr. Andrea Palmieri kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Kanceri kolorektal

By Spitali Amerikan - Të Reja

Dr.Sc.LINDITA SHOSHA

M.D.PhD General Surgeon

Consulent Colorectal Surgeon

Consulent Trauma Surgeon

Amerikan Hospital 1

“Locus praeventioni melior quam rememdium” më mirë të parandalosh se të kurosh…

Marsi kudo në botë është muaj sensibilizimi kundër kancerit kolorektal, apo tumorit të zorrës së trashë. Për të gjashtin vit radhazi Spitali Amerikan i bashkohet Colorectal Cancer Alliance, USA, në një fushatë informuese, ndërgjegjësusese, sensibilizuese, diagnostikuese, për të përcjellë informacionin e duhur në popullatë për moshat e rezikuara në mënyrë që sëmundja të diagnostikohet në kohë të hershme, e plotësisht të kurohet.

Por çfarë është kanceri i zorrës së trashë?

Kanceri kolorektal është formacion tumoral me qeliza atipike që ritet në murin e zorrës së trashë, dhe duke u zhvilluar prek gradualisht të gjithë murin e saj, duke u përhapur lokalisht dhe në distancë në organe të tjera të trupit. Gjenetikisht është vërtetuar që kanceri i kolonit dhe ai i rektumit janë të njëjtë. Kjo ndodh për shkak të mutacioneve gjenetike kryesisht në genin APC, TGF-b, DCC, TP53, të cilat e shndërrojnë adenomën në karcinomë. Është sëmundja e tretë më e diagnostikuar ndër sëmundjet tumorale dhe zë vendin e dytë për vdekjet nga tumori në burra dhe gratë, ndërsa kanceri anal përbën rreth 4% të rasteve të diagnostikuar me kancer të zorrës së trashë. Incidenca rritet me rritjen e moshës dhe është pak më e lartë tek meshkujt se femrat.

Sipas Statistikave Përmbledhëse 2018/Albania Burimi: Globocan 2018, Incidenca mesatare vjetore e kancerit kolorektal në Shqipëri, me një popullsi në total 2.934.345 popullsi, është rreth 9.7 për 100. 000 persona, ndërsa në rrethin e Tiranës, është 13.6 për 100.000. Kanceri Kolorektal është në vendin e 8 me incidencë 8.4% dhe vdekshmëria 3,7%. Është konstatuar që ka reth 188 raste të reja me Kancer Rectum, Kancer Koloni 186 raste të reja/vit, Kanceri Anal 28 raste të reja/vit, numër total të kancerit anokolorectal rreth 402 raste të reja në vit.

Zbulimi i hershëm dhe ekzaminimi i kancerit duhet të shihet si një mjeti kryesor i kujdesit shëndetësor, gjithashtu sepse investimi në programin e screening mbron më të dobëtit në popullatë, zvogëlon barrën sociale të kancerit dhe zvogëlon të gjitha llojet e kostove të kujdesit shëndetësor, përfshirë ato për operacionin radikal, shtrimin në spital me ditë qëndrime të zgjatura, dhe aplikimin e kimioradioterapisë. Incidenca e CRC në Shqipëri rezulton më e ulët në krahasim me vendet e tjera evropiane, por Shqipëria duhet të aplikojë programin kombëtar të screening për të diagnostikuar më shumë kancer të hershëm dhe për të parandaluar këtë sëmundje para se të shkojnë në fazat e përparuara metastatike. Në vendet ku programet e screening u krijuan dy ose tre dekada më parë, u konstatuan uljet e niveleve të vdekjeve dhe ulje të shpenzimeve që lidheshin direkt me kostot e ndërhyrjeve kirurgjikale. Më shumë akses në kolonoskopinë dhe zbulimin në fazën e hershme, si dhe teknikat e përmirësuara kirurgjikale, radioterapinë, kimioterapinë, terapinë e personalizuar dhe kujdesin paliativ, do të kontribuojnë në uljen e numrit të vdekjeve për shkak të kancerit kolorektal.

Reth 72 % te rasteve i përkasin kancerit të kolonit dhe 28% atij anorektal. Reziku i zhvillimit të këtij kanceri gjatë jetës është mesatarisht një në 20 persona (5-6%), reth 1;22 meshkuj dhe 1;23 femra, por kjo e fundit në fakt varet dhe nga faktorët e riskut individual.

Çdo vit në botë diagnostikohen mbi 1 milion raste të reja dhe vdesin rreth 600.000 njerëz.

Por reth 20% e pacientëve në kohën që diagnostikohen kanë metastaza në distancë dhe 25% e tyre kanë metastazë solitare potencialisht të rrezikueshme në mëlçin e zezë, e cila duhet të hiqet pasi e rrit mbijetesën e këtyre pacientëve. Në Shqipëri në momentin kur pacientët diagnostikohen, përqindja e tumorit metastatik është më e lartë dhe shkon mbi 50%. Kjo për faktin se pacientët vijnë vonë, nuk ka program kombëtar të screening për kancerin kolorektal, i cili është i detyrueshëm mbi moshën 50 vjeç siç e kanë shumë prej vendeve të zhvilluara, dhe se konsulta për këtë kategori pacientësh akoma është tabu dhe konsiderohet e sikleteshme. Sigurisht ndikon dhe fakti që Shqipëria ka numër të pakët specialistësh të profilizuar në kirurgjinë kolorektale, të cilët kanë më tepër eksperiencë në diagnostikimin dhe trajtimin adekuat të kësaj patologjie.

Më tepër se 80% e kancerit të zorrës vjen nga polipet adenomatoze të cilat identifikohen nga kolonoskopia, dhe nëse ato kapen 2-3 vjet para se të shfaqet kanceri simptomatik, vdekjet nga tumori ulen deri në 60%.

Kryerja e testit imunologjik të enzimës M2-PK, biomarkeri kyç në kancerin kolorektal dhe polipet, e cila lidhet me metabolizmin tumoral dhe jo prezencën e gjakut në feçe ndihmon në diagnozën e tij të hershme. Kjo bëhet me anë të ekzaminimit të feçes, dhe nëse është pozitive, atëherë pacienti i nënshtrohet kolonoskopisë.

Reth 95% e rasteve të kancerit kolorektal janë adenokarcinoma dhe pjesa tjetër limfoma dhe karcinoma skuamoze qelizore. Adenokarcinoma e merr origjinën nga epiteliumi glandular i mukozës së zorrës. Në varësi të arkitekturës glandulare, pleomorfizmit dhe mukosekrecionit, adenocarcinoma ka tre shkallë të diferencimit që janë; e mirë diferencuar, mesatarisht e diferencuar dhe e padiferencuar.

Në zorrën e trashë zhvillohen lloje të ndryshme polipesh por është adenoma që njihet si prekancerozë, ato janë të shpeshta sidomos në meshkujt mbi 50 vjec.

Nën moshën 40 vjeç, zhvillohen më pak se 2% e kancereve të zorrës së trashë. Duhet të përjashtohet predispozicioni gjenetik i trashëguar si polipozat adenomatoze familjare, ose kancerin jopolipoz të trashëguar që është vetëm në 4% e kancereve kolorektalë.Testet gjenetike laboratorike të gjakut janë shumë ndihmëse për të parë se cili pjesëtar i familjes është i rrezikuar dhe ndihmojnë në përcaktimin e riskut. Vitet e fundit konstatojmë që në Shqipëri është ritur numri i rasteve me tumor të zorrës së trashë nën moshat 50 vjeç, madje dhe nën moshat 40 vjeç, sikundër kemi diagnostikuar dhe trajtuar raste dhe nën moshat 30 vjec.

Nga mosha 50 -75 vjeç rekomandohet të bëhet;

Çdo vjet fece gjak okult, sigmoidoskopy çdo 5 vjet, kolonoskopy çdo 10 vjet. Në rastet me rezik të lartë ekzaminimi duhet të fillojë pas moshës 40 vjeç. Pas moshës 75 vjec kontrollet rekomandohen në varësi të situatave problematike që mund të paraqiten.

Kolonoskopia, sigmoidoskopia fleksibile, fece gjak okult, ndihmojnë në diagnostikimin e hershëm të polipeve dhe formacioneve potencialisht displazike. Sot aplikohet dhe kolonoskopia virtuale via CT, por kjo e fundit ka kosto më të lartë, ka rrezatim nga skaneri, dhe nuk mund të bëjë polipektomitë që i realizon kolonoskopia standarte.

OBSH në studimet që kanë bërë sygjerojnë që nga ekzaminimi çdo dy vjet ose çdo vit të feçes, pas 10 vjetësh, mund të ketë një reduktim deri në 20% në vdekshmërinë e kancerit kolorektal. Parandalimi ofron strategjinë më të sigurtë dhe afatgjatë për kontrollin e kancerit. Politikat dhe programet kombëtare duhet të zbatohen për të rritur ndërgjegjësimin, për të zvogëluar ekspozimin ndaj faktorëve të rrezikut të kancerit dhe për të siguruar që njerëzit të kenë informacionin dhe mbështetjen që ata kanë nevojë për të adoptuar mënyra jetese të shëndetshme.

Faktorët kontribues

Pse është ritur nr i kancerave tek të rinjtë?

Nuk dihet pse ka ndryshuar gjenetika, mbase stili dhe mënyra e ushqyerjes, konsumimi me tepricë i mishit të kuq dhe produktetve të zgarës, obeziteti, jeta sedentare, alkoli dhe duhani janë faktorët kontribues të këtyre tumoreve.

Aktiviteti fizik, faktorët dietetik, mbipeshë

Aktiviteti fizik i rregullt dhe mbajtja e një peshë të shëndetshme të trupit, së bashku me një dietë të shëndetshme, zvogëlojnë dukshëm rrezikun e kancerit.. Ekziston një lidhje midis mbipeshës dhe obezitetit ndaj shumë llojeve të kancerit, si ezofagut, kolorektumit, gjirit, endometrit dhe veshkave. Ushqimi i lartë në fruta dhe perime te pasura me fiber mund të ketë një efekt mbrojtës të pavarur kundër kancerit të zorës së trashë. Sikundër konsumimi i mishit të kuq është akuzuar si faktor kontribues në zhvillimin e kancerit kolorektal.

Alkooli

Është një faktor rreziku për shumë lloje të kancerit duke përfshirë kancerin e gojës, faringut, laringut, ezofagut, mëlçisë, kolorektumit dhe gjirit. Rreziku i kancerit rritet me sasinë e alkoolit të konsumuar. Për disa lloje të kancerit, pirja e alkoolit të rëndë të kombinuar me përdorimin e duhanit rrit ndjeshëm rreziqet e kancerit. Në vitin 2010, kanceret që i atribuohen alkoolit vlerësoheshin të jenë përgjegjës për 337,400 vdekje në mbarë botën, kryesisht në mesin e meshkujve

Duhani

Në mbarë botën, përdorimi i duhanit është faktori më i madh i shmangshëm i rrezikut për vdekshmërinë e kancerit dhe vret rreth 6 milionë njerëz çdo vit, nga kanceri dhe sëmundjet e tjera. Tymi i duhanit ka më shumë se 7000 kimikate, të paktën 250 janë të njohur të jenë të dëmshme dhe më shumë se 50 janë të njohur për të shkaktuar kancer. Pirja e duhanit shkakton shumë lloje të kancerit, duke përfshirë kancerin e mushkërive, ezofagun, laring gojën, fytin, veshkën, fshikëzën, pankreasin, stomakun dhe qafën e mitrës

Ndotja e ajrit, ujit dhe tokës

Kimikatet kancerogjene kontribuojnë në ngarkesën e kancerit në nivele të ndryshme varësisht nga mjedisi gjeografik. Ndotja e ajrit në natyrë është klasifikuar si kancerogjen, ose kancer-shkaktuar, për njerëzit. Ekspozimi ndaj kancerogjenëve gjithashtu ndodh nëpërmjet kontaminimit të ushqimit, siç janë aflatoksinat ose dioksinat. Në vendin tonë duhet një kontroll më i rreptë ushqimor nga strukturat shtetërore mbi produktet e konsumimit nga popullata në drejtim të përdorimit brenda normave të përcaktuara nga komuniteti europian sidomos në drejtim të përdorimit të OMGJ. Ka mendime kontraverse mbi përdorimin e tyre.

Ka studime që lidhin rreziqet e OMGJ-ve në shëndetin e njeriut, kryesisht me çrregullime metabolike, diabeti, reaksione alergjike, komprimim të imunitetit të njeriut, rezistencë ndaj përdorimit të antibiotikëve, dhe sëmundjet tumorale. Ekspertët në vende të ndryshme mendojnë që duhet.

Moratorium mbi përdorimin e OMGJ-ve në bujqësi dhe industrinë ushqimore. Këshillohet konsumimi i sa më shumë produkteve bio, fruta dhe perime, por jo gjithmonë të gjindshme nëpër markete. Ajo që duket e bukur, jo gjithmonë është e dobishme për shëndetin. Një grup shkencëtarësh nga 13 vende kanë mbështetur thirrjet për një moratorium për bllokimin e ushqimeve të modifikuara gjenetikisht pas miratimit të hulumtimeve të pabotuara që kanë ngritur frikën e rreziqeve të mundshme shëndetësore. Qeveria britanike ka qenë nën presion për të vepruar, pas një njoftimi nga 22 shkencëtarët që hulumtimi i kryer nga Dr. Arpad Pusztai në Institutin e Kërkimeve Roëett në Aberdeen të Britanisë se Madhe, kishte gjetur prova të ndryshimeve të sistemit imunitar dhe dëmtimit të organeve në minjtë të ushqyer me ushqim të modifikuara gjenetikisht. Eksperimentet dhe debatet në këtë pikë janë të nxehta dhe vazhdojnë në shumë vende të botës, në të dy krahët.

Diagnoza e hershme

Diagnoza e hershme e kancerit rrit gjasat për trajtim të suksesshëm duke u fokusuar në zbulimin e pacientëve simptomatikë sa më shpejt që të jetë e mundur. Diagnoza e hershme ka për qëllim zvogëlimin e përqindjes së pacientëve të cilët janë diagnostikuar në fazën e vonshme. Pasojat e kujdesit të vonuar të kancerit mbartin gjasat më të ulëta për mbijetesë, morbiditet më të madh të trajtimit dhe kosto më të lartë të kujdesit, duke rezultuar në vdekje të shmangshme dhe paaftësi nga kanceri. Diagnoza e hershme përmirëson rezultatet e kancerit duke siguruar kujdesin në fazën më të hershme të mundshme dhe prandaj është një strategji e rëndësishme e shëndetit publik në të gjitha mjediset. Agjensia Ndërkombëtare për Hulumtime mbi Kancerin (IARC) ka arritur në përfundimin se përfitimet e depistimit me testet e përcaktuara aktualisht të bazuara në jashtëqitje (testi i gjakut okult guaiac fekal ose testi imunokimik i feceve) dhe egzaminimet endoskopike (sigmoidoskopia ose kolonoskopia) jane shume te vlefeshme. Prandaj, testet e jashtëqitjes, të cilat janë të lira dhe të lehta për tu realizuar, janë më praktike në shumë zona të botës, përfshirë edhe Shqipërinë. Programet e screening nuk rekomandohen në shumë vende me indeks të ulët të zhvillimit me incidencë të ulët, kështu që këto nisma janë të pakta në Afrikë, Azi dhe Amerikën e Jugut. Shqipëria ende nuk ka një program kombëtar screening për parandalimin e kancerit kolorektal. Mbijetesa është shumë më e lartë kur kanceri kolorektal zbulohet në një fazë të hershme; sidoqoftë, më pak se gjysma e rasteve diagnostikohen herët, madje edhe në vendet e zhvilluara, kryesisht për shkak të niveleve të kontrollit suboptimal. Për shembull, vetëm rreth 40% e kancerit kolorektal diagnostikohen në një fazë të hershme në Kanada, Danimarkë dhe Mbretërinë e Bashkuar, më shumë se 50% e rasteve kur vijnë në spitale në Shqipëri janë tashmë faza të përparuara metastatike.

Trajtimet moderne të kancerit kolorektal perfshijne protokollet e trajtimit kirurgjikal i cili realizohet me kirurgji tradicionale të hapur, laparaskopike (me sonde) dhe kirurgjinë robotike e cila është shumë efikase sidomos në tumoret e rektumit. Trajtimit kirurgjikal i bashkangjitet trajtimi neoadjuvant (para operacionit) me kemioradioterapi në varësi të vlerësimit bashkarisht me mjekun onkolog, dhe trajtimi postoperator me kemioradioterapi, po përsëri në konsulencë me mjekun onkolog. Trajtimi i kancerit kolorektal është trajtim multidisiplinar, dhe përfshin disa specialistë të fushës, si kirurg, onkolog, radiolog, gastroenterolog, anatomopatholog, staf për kujdesin ndaj kolostomisë dhe rehabilitimit të pacientit etj. Shoqëria shqiptare ka nevojë për ndërgjëgjësim të vazhdueshëm, informim me të gjitha burimet e informacionit, aplikimin e planit kombëtar të kontrollit të detyrueshëm kolonoskopik mbi moshën 50 vjeç, për parandalimin në kohë të sa më shumë rasteve potencialisht tumorale me një kosto të rënduar financiare si për shtetin ashtu dhe për individin, përgjatë proçesit të trajtimit.

”Protegas sanitas, diutius vivere” mbroni shëndetin, të jetoni gjatë.

Për më shumë informacion ose vizitë me kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Ulni rrezikun nga infektimi me Corona Virus

By Spitali Amerikan - Të Reja

Ulni rrezikun nga infektimi me Corona Virus:

Lani shpesh duart me solucion me bazë alkoli, me sapun dhe ujë.

Kur kolliteni dhe tështitni, mbuloni gojën dhe hundën me parakrah ose me shami hundësh.

Evitoni kontaktin me persona që janë me temperaturë ose me kollë.

Në gatim zjejeni më shumë se zakonisht mishin dhe vezët.

Evitoni kontaktin me kafshë të egra ose ferme.

Mbroni veten dhe të tjerët

Lani duart

Mbasi kolliteni ose tështini
Mbasi jeni kujdesur për një të sëmurë
Para, gjatë dhe mbas përgatitjes së ushqimit
Para së të hani
Mbasi keni qënë në tualet
Kur i keni duart të pista
Kur keni prekur kafshë ose jashtëqitje kafshësh

Qëndroni të shëndetshëm në vendin e punës

Lani duart shpesh

Kur kolliteni dhe tështitni, mbuloni gojën dhe hundën me parakrah ose me shami hundësh- hidheni menjëherë në një kosh të mbyllur dhe lani duart.

Spitali Amerikan, përqafoje jetën!

Trajtimi i ambliopisë te adultët

By Spitali Amerikan - Të Reja

Dr. Teuta Haveri

Në praktikën tonë të punës si mjeke okuliste, situata të tilla kur gjatë një egzaminimi rutinë, duke mbyllur njërin sy për të provuar shikimin pacienti zbulon rastësisht se me syrin tjetër nuk shikon ose konstaton shikim të dobët, nuk janë të rralla. Më shpesh kjo gjë konstatohet gjatë vizitave për marrjen e patentës ose check-up rastësor. Çfarë ka ndodhur?

Shkaku më i zakonshëm në një sy në dukje të shëndetshëm është egzistenca e Anisometropisë, diferenca në refraksion (numra të syzeve) midis të dy syve. Diferenca të vogla në refraksion prej 0,25 ose 0,5 D janë të zakonshme, por anizometropi klinikisht e rëndësishme quhet diferenca prej më shumë se 2 Dioptri. Në një situatë të tillë, nga secili sy, në tru përcillen dy imazhe me cilësi të ndryshme. Ai që vjen nga syri me numër më të madh, i deformuar dhe jo i qartë dhe një imazh tjetër korrekt në formë, cilësi dhe madhësi nga syri i shëndetshëm ose me numër më të vogël. Korteksi cerebral, në të cilin përpunohet imazhi viziv dhe analizohet pamja binokulare, nuk mund të mbivendosë dy imazhe të tilla kaq të ndryshme dhe për pasojë, imazhi i përcjellë nga syri me numër më të madh suprimohet duke çuar në ulje definitive të shikimit. Syri bëhet ambliopi ose dembel. Anisometropia kur zbulohet në moshë të vogël, 4-5 vjeç, trajtohet me syzat e duhura dhe okluzionin (mbylljen me fasho) të syrit të shëndetshëm dhe nuk sjell prapambetje definitive të shikimit. Nëse zbulohet në moshë madhore, mbi 18 vjeç, situata është pak më e komplikuar. Korteksi dhe rrugët e pamjes, kanë arritur pjekurinë rreth moshës 10 vjeçare dhe terapia e okluzionit nuk mund të ndikojë më. Kontrollet e detyrueshme të fëmijëve, të kërkuara rutinë në moshat shkollore dhe parashkollore, para regjistrimit në ciklin mësimor, janë të vetmet që mundësojnë evidentimin dhe trajtimin në kohë të anisometropisë dhe ambliopisë së shkaktuar prej saj. Megjithatë raste të anisometropisë të neglizhuara në të shkuarën dhe me pasojë ambliopi të instaluar janë serish prezente tek adultët.

Ç’mund të bëhet në këto raste?

Ambliopia (dembelizmi) në varësi të fuqisë së mbetur të shikimit klasifikohet në 3 grupe:

E lehtë (me Visus mbi 5/10)
E mesme (me Visus 1/10 – 5/10)
E thellë (me Visus më të ulët se 1/10)

Hap i parë dhe më i rëndësishëm është diagnostikimi i saktë i shkakut të ambliopisë. Pacienti i nënshtrohet një egzaminimi oftalmologjik të kompletuar që përfshin përcaktimin e Visus (pamjes) së pakorrigjuar (uncorrected visual acuity) dhe asaj të korrigjuar maksimalisht (best corrected visual acuity), matja e tensionit intraokular, egzaminimi i kujdesshëm i retinës dhe nervit optik për të përjashtuar patologjitë bashkëshoqëruese të këtyre strukturave (glaukoma, katarakta, patologjitë degjenerative retinale etj), matja e refraksionit me cycloplegji.

Egzaminime komplementare mund të jenë të nevojshme për të precizuar diagnozen si p.sh egzaminim i topografisë korneale për të përjashtuar sëmundjen e keratokonsit, egzaminimi i OCT (Optical Coherence Tomography) për të përjashtuar sëmundjet e makulës (qendrës së shikimit).

Në rastet e ambliopisë refraktive të pastër, për shkak të anisometropisë (differences në numra midis dy syve) evidentohet syri ambliop dhe përcaktohet me kujdes best corrected visual acuity (mprehtësia më e mirë e pamjes që mund të arrihet nga korrigjimi me numrin përkatës të syzeve). Pacientit i rekomandohet korrigjimi përkatës me syza apo lente kontakti. Në diferenca refraksioni me shumë se 3 Dioptri midis syve, preferohet korrigjimi me lente kontakti, sepse korrigjim me syze me diferencë të theksuar në numra, mund të bëhet shkak për mostolerancë, difuzion dhe dhembje koke.

Në mundësi optimale trajtimi në këto raste paraqet kirurgjia refraktive, operacionet për eleminimin definitive të refraksionit (numrit) të syrit të prekur. Duke realizuar korrigjimin definitiv të numrit, nëpërmjet saj, arrihet maksimalizimi i fuqisë reziduale të shikimit të syrit ambliop (dembel). Bazuar në eksperiencën konkrete të trajtimit të shumë rasteve të tilla, pacienti pas këtyre operacioneve rikuperojnë deri në 2/10 më tepër fuqi shikimi sesa me korrigjimin syza/lente.

Në varësi të numrit që duhet korrigjuar, pacienti mund t’i nënshtrohet kirurgjisë së ablacionit me laser të kornesë (LASIK,LASEK,PRK). Për numrat sferike më të mëdhenj se 10 D ose astigmatizmat më të mëdhenj se 5 D, kryhen operacione me lente intraokulare të llojeve të ndryshme (të kamerës anteriore, posteriore, torike, ICL,piggy back lens etj)

Përzgjedhja e llojit të interventit bëhet në bazë të numrit që ka syri ambliop, refraksionit subjektiv më të përshtatshëm për pacientin (best corrected visual acuity) si dhe karakteristikave strukturale të syrit të pacientit. Këto të fundit përcaktohen në bazë të egzaminimeve specifike sidomos topografisë korneale, biometrisë, ekografisë okulare dhe Optical Coherence Tomography ( OCT) e segmentit anterior.

Parametrat më të rëndësishëm në të cilët mjeku mbështetet për të ofruar kirurgjinë refraktive dhe zgjedhjen e llojit të saj janë : refraksioni (BCVA), refraksioni me cycloplegji, trashësia korneale centrale dhe minimale (pakimetria korneale), thellësia e kamerës anteriore, përmasat e këndit të dhomës anteriore të syrit, vlera e rrezeve korneale, keratometrite, matja e gjatësisë aksiale, biometria okulare.

Eleminimi definitive i numrit të syrit ambliop nëpërmjet kirurgjisë refraktive, rrit fuqinë e shikimit të syrit dembel, por edhe zgjeron fushën e pamjes dhe kontribon në cilësinë e pamjes binokulare.

Për më shumë informacion kontaktoni në numrin e telefonit 042 35 75 35 ose klikoni në: rezervime.spitaliamerikan.com
Spitali Amerikan, përqafoje jetën!

Kujdesi përgjatë shtatzënisë!

By Spitali Amerikan - Të Reja

Një shërbim i interguar dhe sipas standarteve aktuale.

Një artikull i punuar nga Prof. As. Dr. Rustem Celami

Kujdesi përgjatë shtatzënisë, sikurse njihet ndryshe kujdesi antenatal ose kujdesi prenatal, ka të bëjë me shërbimin mjekësor të ofruar që nga konceptimi deri në lindje, por në fakt në këtë shërbim shpesh përfshihen edhe kujdesi para konceptimit (përpara ngjizjes sikurse njihet në termin më të thjeshtë për njerëzit) dhe periudha post-partum (periudha e lehonisë që është deri në 6 javë pas lindjes).

Përgjatë dekadave, që pas ridimensionimit të sistemeve shëndetësore pas luftës së dytë botëore, ka patur zhvillime pozitive në kujdesin e nënës dhe fëmijës, ku në fokus ka qënë ofrimi i një shërbimi për një popullatë sa më të gjerë nën varësinë direkte të shërbimeve kombëtare të secilit shtet dhe rritjes së standarteve të këtij kujdesi shëndetësor në mënyrë progresive. Këto politika, rajonale, kombëtare e shpesh të dirigjuar në nivel global, ka patur si synim rritjen e masës së popullësisë të mbuluar nga shërbimet shëndetësore, uljen e sëmundshmërisë dhe vdekshmërisë së nënës dhe fëmijës në total.

Shqipëria si një vend më të ardhura minimale në krahasim me vendet e rajonit, gjithnjë ka patur tendenca për të ofruar një shërbim sa më adekuat në raport me infrastrukturën, buxhetin dhe burimet njerëzore, ku në fakt duhet përmendur që në vitet 1980 ka patur të dhëna positive dhe pas viteve 1990, apo në vitet 2000 pati ndryshime akoma më rrënjësore duke ulur sëmundshmërinë dhe vdekshmërinë e nënës dhe fëmijës në nivele të krahasueshme me vendet e rajonit. Përgjatë këtyre viteve, ka pësuar ndryshime edhe sistemi arsimor i personelit mjekësor, ku dikur quhej personel ndihmës dhe ofrohej edukim i mesëm profesional apo trajnime të përshpejtuara për të patur personel mjekësor të mjaftueshëm për popullatën tonë dhe specifikisht për kujdesin mjekësor të nënës dhe fëmijës. Infermiere/mamitë e lagjeve, apo fshatrave kryenin një depistim të admirueshëm të popullatës në raport me kushtet dhe mjetet e punës dhe infrastrukturën në tërësi. Me zhvillimet e reja, të edukimit në nivel universitar të stafit mjekësor infermieri/mami pas viteve 2000, ku tashmë ato janë profesione të rregullta dhe të liçesuara, si dhe nga ana tjetër, me ofrimin e shërbimeve private të plota të kujdesit maternal dhe fetal, ky shërbim ka pësuar një dinamike interesante, që ka ofruar mundësi shërbimi zgjedhje dhe duke përmisuar ndjeshëm kujdesin e shëndetit të nënës dhe fëmijës.

Në vazhdim, kemi edhe një rritje të teknologjisë së informacionit dhe aplikimi i saj në mjekësi, si dhe me ofrimin e mjeteve diagnostikuese sikurse është ekzaminimi ekografik që prodhon imazhe të cilësisë së lartë, bën që të ofrohet një diagnozë më e saktë, e hershme dhe rrjedhimisht një shërbim më cilësor ndaj pacientit (nënës dhe fëmijës).

Gjithësesi, kujdesi prenatal/antenatal ose sikurse njihen në gjuhën më të thjeshtë kujdesi përgjatë shtatzënisë, kërkon një përqasje multidisiplinare dhe një ndarje e roleve të këtij kujdesi më qartësisht, duke rritur gamën e shërbimeve që ofrohen, por edhe duke shfrytëzuar siç duhet kapacitetet e burimeve njerëzore (mjekë, infermirë/mami, shërbimin e laboratorit, dietologun, psikologun/sociologun, fizioterapistin, mjekun pediatër-neonatlog dhe mjekët e specialiteteve të tjera sipas nevojës).

Shtatzënia është një gjendje fiziologjike dhe nuk konsiderohet patologji (sëmundje), por nga ana tjetër përgjatë shtatzënisë mundet që sëmundje të ndryshme të aktivizohen ose riaktiviziohen ose sëmundje të reja predispozuese që shfaqen dhe në këtë kontekst kërkon një vlerësim të hershëm të gjendjes shëndetësore maternale në mënyrë që të ofrohet një kujdes sa më cilësor.

Kujdesi përgjatë shtatzënisë në vendin tonë, për fat të keq, në ditët e sotme është përqëndruar, në shumicën dërmuese vetëm te kujdesi mjekësor që jep mjeku obstetër-gjinekolog, duke mos i shfrytëzuar në mënyre adekuate personelin mjekësor dhe jo mjekësor që duhet të jenë pjesë integrale e këtij shërbimi. Përshembull, roli i infermieri/mamisë nuk është në nivelet e duhuara, kjo shpesh edhe si e metë e në mjekëve duke dashur që të marrim tërë atributet e këtij kujdesi për vete. Ku në fakt vendet e zhvilluara, si vendet perëndimore, vendet nordike (Suedia, Danimarka, Norvegjia, Finlanda) apo Anglia nga ana tjetër personeli mjekësor infermieri/mami ka një rol shumë më të madh në kujdesin prenatal/antenatal (të nënës dhe fëmijës) që me këshillimet, edukimin e pacientëve dhe deri te ofrimi i telekonsultave periodike në mënyrë që të ofrohet informacion, kujdes dhe shërbim shëndetësor me standarte të larta, duke bërë një planifikim dhe shfrytëzim optimal profesional të infrastrukturës dhe personelit mjekësor.

Në shumë vende që u cituan më lartë, në pjesën më të madhe përgjatë shtatzënisë, ofrohen 3 deri në 4 ekzanimime ekografike, që shpesh janë ato qendra të mjekësisë fetale që merren vetëm me këto ekzanimime specifike, si në javën e 11 – 13 dhe në javën e 18 – 22 të shtatzënisë dhe më tej një vlerësim i mirëqënies fetale në javët e 28 – 32 të shtatzanisë dhe kjo bëhet nga mjekë të specializuar dhe linçensuar për të ofruar këto lloje ekzaminimesh. Ku për hir të së vërtetës Spitali Amerikan, tashmë e ka zgjidhur këtë me ofrimin e këtij shërbimi nga mjekë të dedikuar për ekzaminimin ekografik në këto periudha deçisive, sikurse orfon edhe gamën e paketave të lindjes duke përfshirë ekzaminimet përkatëse laboratorike përgjatë shtatzanisë dhe që përfshin edhe procesin e lindjes. Por nga ana tjetër, ka shumë hapësirë për të përfshirë më shumë kujdesin infermieror/mami në informim dhe edukim të pacientit, ka shumë rëndësi që klasat prenatale/antenatale për pacientët shtatzëna duke përfshirë edhe partnerët e tyre të jenë pjesë e pandashme e këtij kujdesit përgjatë shtatzënisë, apo përfshirja e profesionistëve të tjerë sikurse është psikologu/sociologu, por kjo do të rregullohej më shumë nëse politikat shëndetësore do të mund të ndihmonin që të përdoreshin këto të ardhura të dhëna nëpërmjet kontributeve nga pacienti duke i ulur koston e shpenzimeve te pacientit.

Në shumë vende perëndimore, kujdesi maternal dhe fetal, pa sëmundshmëri të nenës ose fetusit, është më shumë në fokusin e mamisë sesa mjekut obstetër gjinekolog, e në fakt në vendet nordike, Angli apo Kanada, në shtatzënitë normale pa risk, shërbimi shëndetësor ofrohet më së shumti nga infermieri/mami dhe ekzaminimet e rëndësishme 2 apo 3 ekzaminime ekografike e vizita kryhen nga mjeku obstetër gjinekolog dhe në shumë raste edhe lindja ndiqet nga mjeku i familjes që pjesa më e madhe e tyre kanë trajnimin për të ndjekur shtatzanisë dhe procesin e lindjes vaginale duke patur edhe privilegjet spitalore përkatëse. Në vendin tonë në fakt është luks nëse do ta themi në këtë gjuhë që pjesa dërmuese e shërbimit dhe kujdesit shëndetësor përgjatë shtatzënisë ndiqet nga mjeku specialist, duke shtuar se shumë ekzaminime, sidomos ekzaminimeve ekografike, bëhen me kërkesë të pacientëve dhe që nuk ka vlere klinike apo shkencore në kujdesin maternal e fetal. Në fakt ky “luks” nëse do ta quaja kështu ka bërë që shpesh të mos angazhohen si duhet profesionistët e tjerë të mjekësisë sikurse i përmenda më lart, apo nga ana tjetër çon në mos shfrytëzimin siç duhet i infrastruktuës dhe personelit mjekësor në tërësi, që në vetvete ky shfrytëzim rrit shërbimin shëndetësor në sasi dhe cilësi.

Kujdesi shëndetësor përgjatë shtatzënisë, ka rëndësi esenciale diagnoza e hershme dhe vlerësimi i gjendjes shëndetësore të nënës sa më herët në mënyrë që te pacientja të informohet për gjendjen e saj shëndetësore, për problemet e mundshme, për parandalimet dhe për ndjekjen e mëtejshme në dinamikë të shtatzënisë.

Shërbimet në Spitalin Amerikan në fakt ofrojnë një infrastrukturë moderne, krahasueshmërisht me vendet perëndimore, si dhe personel mjekësor të dedikuar, që vazhdon të ndjekë hapat dinamike të ndryshueshmërisë që po pëson shërbimi spitalor në tërësi.

Si përfundim, organizimi dhe menaxhimi i shërbimit shëndetësor si në publik apo në privat kërkon gjithnjë ridimensionim duke arritur që të shfrytëzohen kapacitetet e infrastrukturës dhe të personelit mjekësor, si dhe integrimi i stafit mjekësor si një ekip në mënyrë që të ofrohet më shumë kualitet dhe kuantitet dhe përmisuar këtë kujdes shëndetësor në mënyrë progresive.

Prof. As. Dr. Rustem Celami

Për më shumë informacion ose vizitë kontaktoni në 042357535 ose klikoni në: rezervime.spitaliamerikan.com

E vërteta mbi Trombozën e Venave të Thella

By Spitali Amerikan - Të Reja

Ju mund të keni trombozë të venave të thella (TVTH) nga qëndrimi ulur për një kohë të gjatë në avion.

Kjo është një mpiksje gjaku që formohet në një venë të thellë në një muskul. Nëse qëndroni ulur në një hapësirë të vogël për një kohë të gjatë – më shumë se 4 orë – mund të prekeni nga kjo patologji. Ndërmerrni disa hapa të thjeshtë për të ulur shanset për TVTH kur të niseni për një udhëtim në distanca të gjata: Pini shumë ujë, vishni rroba të lirshme dhe ngrihuni shpesh për të shëtitur dhe për t’u shtrirë. Nëse jeni në rrezik për mpiksje gjaku, pyesni mjekun tuaj nëse duhet të pini një aspirinë përpara se të udhëtoni.

TVTH zakonisht ndodh në këmbë

Shumica e këtyre mpiksjeve formohen në pjesën e poshtme të këmbëve ose kofshëve, por mund t’i keni në krah, pelvis apo venat e tjera të mëdha. Ato mund të formohen nëse gjaku lëviz shumë ngadalë, ekziston një pengesë për rrjedhjen e gjakut, ose keni një rrezik të trashëguar ose për të patur mpiksje të gjakut.

Ju mund të keni TVTH dhe të mos e dini.

Rreth gjysma e njerëzve me TVTH nuk kanë simptoma. Shkoni menjëherë te mjeku nëse njërën ose të dyja këmbët i keni të fryra, ose njëra nga këmbët ju dhemb ose është e butë. Kontrolloni nëse këmbët tuaja janë në të njëjtën madhësi. Nëse njëra është më e fryrë, kjo mund të jetë për shkak të një mpiksje. Një tjetër shenjë e TVTH është edhe lëkura në njërën nga këmbët tuaja, e cila mund të jetë më e ngrohtë ose duket e kuqe ose me ngjyrë të zbehtë.

TVTH shkakton goditje në tru.

Ekzistojnë dy lloje kryesore të mpiksjes: Ato që formohen në venat e thella dhe ato që shfaqen në arterie. Ato në arterie mund të shkaktojnë sulm në zemër dhe goditje në tru. TVTH jo, por mund të jenë të rrezikshme. Ato mund të lëvizin përmes gjakut dhe të bllokojnë një enë gjaku në mushkëri. Ky quhet emboli pulmonare, dhe mund të shkaktojë vdekjen, kështu që është e rëndësishme ta trajtoni menjëherë.

Pas operacionit, shanset për TVTH janë më të larta 2 ditë më pas

Mund të ndodhë pas operacionit në këmbë ose ijë. Kjo për shkak se operacioni ndikon në mënyrën se si rrjedh gjaku dhe mpiksja e gjakut. Ju jeni në rrezik më të madh për TVTH deri në 10 ditë pas, por mos u shqetësoni. Mjeku juaj do t’ju tregojë se si ta parandaloni ose mund t’ju japë ilaçe – hollues të gjakut – për të ndihmuar lëvizjen e gjakut. Ai mund të rekomandojë gjithashtu çorape shtrënguese, të cilat ndihmojnë në një qarkullim të mirë të gjakut.

Holluesit e gjakut bëjnë që mpiksjet të largohen.

Nëse keni TVTH, ka shumë mundësi që mjeku t’ju japë këto ilaçe. Ato ndalojnë që mpiksjet të bëhen më të mëdha dhe të lëvizin. Holluesit gjithashtu pengojnë formimin e mpiksjeve, por nuk i prishin ato. Shumica e njerëzve do të përmirësohen me hollues të gjakut. Me kalimin e kohës, mpiksjet do të shpërbëhen dhe do të zhduken.

Nëse ruani një peshë të shëndetshme, do të ulni shanset për TVTH.

Kjo është një arsye tjetër për të hequr kilet e tepërta: Obeziteti rrit rrezikun për TVTH. Është më mirë ta parandaloni sesa ta trajtoni atë. Nëse nuk keni një jetë aktive, pyesni mjekun tuaj se si të filloni një program ushtrimesh. Nëse pini duhan, kërkoni ndihmë për ta lënë. Ngrihuni shpesh nga karriget tuaja në punë dhe në shtëpi gjithashtu dhe bëni shëtitje të shkurtra. Këto lëvizje vënë në punë muskujt e këmbëve duke ndihmuar në pompimin e gjakut drejt zemrës.

Kush rrezikon më shumë të preket nga TVTH?

Meshkujt mbi 50 vjeç janë më të prekurit. Gratë kanë një rrezik më të lartë të mpiksjes së gjakut kur janë shtatzënë ose kur marrin pilula. Personat që pinë duhan gjithashtu kanë një rrezik dukshëm më të lartë për TVTH.

Për më shumë informacion ose vizitë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Çfarë është Obeziteti?

By Spitali Amerikan - Të Reja

Dr. Entela Puca, mjeke endokrinologe pranë Spitalit Amerikan 2, na jep më shumë informacion për atë që quhet sëmundja e shekullit, obeziteti

Obeziteti tashmë prej disa vitesh përkufizohet si një sëmundje kronike, që karakterizohet nga shtimi i tepërt i masës dhjamore me pasoja në shëndetin e individit. Prevalenca e obezitetit është trefishuar në shumë vende të Evropës dhe në botë që prej vitit 1980. Sipas Organizatës Botërore të Shëndetësisë, obeziteti është një nga sfidat më të mëdha të shëndetit publik për këtë shekull. Prevalenca e obezitetit në Shqipëri është 21.7 % në 2016 sipas të dhënave nga CIA krahasuar me 18.1 % që ishte në 2014. Shqipëria renditet në vendin e 75 nga 180 vende të botës. Aktualisht në botë janë rreth 500 milion njerëz me obezitet. Situata paraqitet alarmante tek fëmijët dhe adoleshentët. Epidemia është shtuar si pasojë e ndryshimeve sociale, ekonomike, kulturore dhe fizike. Obeziteti nuk është më një sëmundje e “shoqërive të pasura”; por po bëhet dominante dhe në vendet në zhvillim dhe ato në tranzicion. Prishja e balancës energjitike e shkaktuar nga një reduktim dramatik i aktivitetit fizik dhe ndryshimit të modeleve ushqimore, duke përfshirë rritjen konsumimit të ushqimeve dhe pijeve të varfra me lëndë ushqyese, por të dendura me energji (që përmbajnë porcione të larta të yndyrnave te ngopura, kripërave dhe sheqernave) në kombinim me konsumin e pamjaftueshëm të frutave dhe perimeve, ka çuar në një rritje të numrit të individëve me mbipeshë dhe obezitet. Sipas të dhënave të OBSH-së rreth dy të tretat e popullsisë adulte në shumicën e vendeve Europiane nuk janë mjaftueshëm fizikisht aktiv për të siguruar dhe mbajtur një mirëqënie shëndetësore dhe 42 % nuk kryejnë asnjëherë një aktivitet fizik dhe vetëm në disa vende arrihet konsumi i frutave dhe perimeve në nivelet e rekomanduara. Vetëm predispozita gjenetike nuk mund të shpjegojë epideminë e obezitetit pa ndryshime të tilla në mjedisin social, ekonomik, kulturor dhe fizik.

Çfarë mund të bëhet:

Veprimi duhet të synojë të sigurojë një ekuilibër optimal të energjisë duke stimuluar një dietë të shëndetshme dhe aktivitet fizik. Një rëndësi e veçantë i bashkëngjitet mjediseve të tilla si shtëpia dhe familjet, komunitetet, kopshtet, shkollat, vendet e punës, mjetet e transportit, mjedisin urban, strehimin, shëndetësi dhe shërbime sociale, si dhe lehtësira për kohën e lirë.

Klasifikimi i Obezitetit: Për vlerësimin e shkallës së obezitetit përdoret indeksi i masës trupore BMI. Vlerat normale janë 18.8-24.9. Të gjithë adultët çdo vit duhet të masin BMI. Në rast se vlera e BMI-së është ≥25 kg/m2 atëherë individi duhet t’i nështrohet vlerësimit fillestar për mbipeshë ose obezitet.

Obeziteti është një portë për shumë sëmundje të tjera HTA, prediabet, diabet, Dislipidemi, sëmundjet e zemrës, infarkti i trurit, patologji malinje, apnea e gjumit, sëmundjet reumatizmale, artritet, infertiliteti, sindroma e ovarit polikistik, refluksi gastro-ezofageal, astma, depresioni, inkontinienca urinare psh; mbipesha dhe obeziteti janë përgjegjës për rreth 80% të rasteve të diabetit të tipit 2, 35% të sëmundjeve ishemike të zemrës dhe 55% të rasteve me HTA.

Rreziku i zhvillimit të më shumë se një prej këtyre komorbiditeteve rritet ndjeshëm kur pesha e trupit është ngritur (BMI mbi 35 kg / m2).

Trajtimi dhe parandalimi:

Trajtimi i obezitetit kërkon një kujdes afatgjatë. Komunikimi dhe motivimi janë çelësi për çdo marrëdhënie produktive ndërmjet mjekut dhe pacientit, kjo është veçanërisht e rëndësishme në pacientët obezë. Pacientët obezë nuk duhet të stigmatizohen. Sipas një studimi të kryer në Universitetin e Connecticut mjekët konfirmojnë se 54% e adultëve me obezitet janë ngacmuar në vendin e punës. Kjo është shumë e rëndësishme dhe për fëmijët dhe adoleshentët, të cilët shpesh stigmatizohen në shkollë, duke u shkaktuar një sërë vuajtesh.

Aktiviteti fizik është shumë i rëndësishëm, një faktor kyç në parandalimin e komplikacioneve, pasi një pacient obez por aktiv ka një rrezik më të ulët të vdekshmërisë së parakohshme kur krahasohet me një pacient me peshë normale por me një jetë sedentare. Nëse një adult nuk është fizikisht aktiv, nuk është tepër vonë për të filluar një aktivitet të rregullt fizik dhe për të zvogëluar jetën sedentare, psh; të përfshiheni në një aktivitet fizik që ju pëlqen, të jesh sa më aktiv me anëtarët e familjes – në shtëpi apo jashtë saj, të reduktojmë zakonet e një jete sedentare, si shikimi i TV apo qëndrimi ulur para komjuterit duke i zëvendësuar me lojra, ecja në këmbë tek dyqanet lokale. Të përdoren shkallët në vend të ashensorit, zbritja nga autobusi një stacion para destinacionit dhe pjesën tjetër të rrugës ta kryejmë në këmbë. Të kryesh një aktivitet fizik me intesitet të moderuar të paktën 150 min në javë e ndarë në 3-5 seanca ndërsa fëmijët e moshës shkollore 5-16 vjeç duhet të jenë aktiv të paktën 60 min çdo ditë. Nëse është e mundur për më shumë fitness rekomandohet vrapi, gjimnastika, noti, ose të shkosh në punë me biçikletë sesa me makinë.

5 pikat kyçe për një dietë të shëndetshme:

1. Ushqyerja ekskluzivisht vetëm me qumësht gjiri për foshnjat deri në muajin e 6-të pas lindjes, pasi është parë që në jetën adulte fëmijët që janë ushqyer me qumësht gjiri, kanë më pak gjasa të bëhen me mbipeshë ose obezë, ose të vuajnë nga sëmundje të tilla siç janë diabeti, sëmundjet e zemrës.

2. Konsumoni një shumëllojshmëri të ushqimeve. Hani një kombinim të ushqimeve të ndryshme, duke përfshirë ushqimet kryesore (p.sh. drithërat si gruri, elbi, thekra, misri ose orizi, ose zhardhokët, rrënjët e niseshtesë si patate, patat), bishtajoret (p.sh. thjerrëzat, fasulet), fruta dhe ushqime nga burimet e kafshëve (p.sh. mishi, peshku, vezët dhe qumështi).

3. Konsumoni shumë perime dhe fruta. Perimet dhe frutat janë burime të rëndësishme të vitaminave, kripërave mineraleve, fibrave dietike, proteinave bimore dhe antioksidantëve. Njerëzit dietat e të cilëve janë të pasura me perime dhe fruta kanë një risk të ulët të obezitetit, sëmundjeve të zemrës, goditjes në tru, diabetit dhe disa llojeve të caktuara të kancerit.

4. Konsumoni sasi të moderuara të yndyrave dhe vajrave pasi ato janë burime të koncentruar të energjisë, dhe konsumimi në sasi të shtuar dhe sidomos llojin e gabuara të yndyrës, mund të jenë të dëmshme për shëndetin.

5. Konsumoni sa më pak kripë dhe sheqer.

Trajtimi medikamenetoz. Medikamentet për mbipeshën dhe obezitetin duhet të përdoren vetëm si shtesë e terapisë për ndryshimin e stilit të jetesës (regjim ushqimor dhe aktivitet fizik) dhe jo vetëm.

Trajtimi kirurgjikal: Kirurgjia bariartrike rekomandohet në pacientët me BMI > 40 dhe në pacientët me BMI > 35 dhe kanë një ose më shumë komplikacione severe të lidhura me obezitetin.

Parandalimi: Eshtë më mirë të parandalosh sesa të trajtosh. Parandalimi parësor: të parandalosh shfaqjen e mbipeshës ose obezitetit. Parandalimi dytësor: të parandalosh rritjen e mëtejshme në peshë dhe parandalimi i komplikacioneve të lidhura me peshën në pacientët tashmë obezë dhe parandalimi terciar të trajtosh me terapi për uljen në peshë në mënyrë që të eliminosh, ose të përmirësosh komplikacionet e lidhura me peshën dhe të parandalosh progresionin e sëmundjes.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Sindroma alkoolike fetale

By Spitali Amerikan - Të Reja

Frymëzimin për të shkruar rreth kësaj teme e gjeta në mesin e tavolinës së mbrëmjes së fundvitit. Midis shumë të njohurve, ishte dhe një moshatarja ime që me barkun e saj të fryrë nuk të mundonte shumë të kuptoje se ishte në pritje të një jete të re.

Pjesa e pabesueshme erdhi më vonë, kur nën efektin e haresë që të falin festat u bashkua me ne, me cocktail-in e saj në dorë, për të ngritur dollinë e rradhës.

Ke dëgjuar ndonjëherë për Sindromën alkoolike të fetusit?
Po sigurisht, e di që s’të bën mirë, por në raste të rralla nuk ka problem. Do të jetë hera e fundit që pi derisa të lind.

Përgjigjia e saj më shokoi. Aty kuptova se sa shumë femra ka të cilat nuk janë ende të sensibilizuara rreth problemeve që alkooli sjell gjatë periudhës së shtatzanise. Me një gotë alkool mund ta dëmtosh veten në cdo kohë, por në periudhën e pritjes së një fëmije dëmton dyfish! Konsumi i alkoolit përveç të tjerave, ul fertilitetin e të dy partnerëve dhe mbi të gjitha vret si një sëmundje kronike frutin e dashurisë së tyre.

Alkooli që nëna konsumon kalon nga gjaku i saj në atë të fetusit, por përqendrimi i tij në gjakun e fetusit është shumë më i madh; kjo për shkak se metabolizimi i alkoolit prej organizmit të këtij të fundit kryhet shumë më ngadalë. Alkooli, së bashku me oksigjenin dhe lëndët e tjera ushqyese absorbohet nga indet dhe organet duke shkaktuar dëmtime të pakthyeshme. Truri, zemra dhe kockat janë në kulmin e zhvillimit të tyre në tremujorin e parë si dhe përbëjnë shenjestrën kryesore të Sindromës alkoolike të fetusit. Sa më herët të ndodhë ekspozimi i fetusit ndaj alkoolit aq më serioze janë dëmtimet!

Kjo Sindromë është si një çadër e madhe e cila mbulon brenda vetes një spektër të gjerë problemesh shëndetësore të fëmijës pas lindjes. Këto probleme janë jo të trashëgueshme dhe lidhen me efektin direkt të alkoolit si një toksinë në trupin e bebes. I porsalinduri vjen në jetë me një peshë më të vogël trupore sesa norma, kanë deformime faciale ose trupore, kryesisht me kokë të vogël dhe këmbë të shkurtra, zhvillim të vonuar përmes etapave të rritjes dhe sensibilitet të shtuar në daljen e dhëmbëve. Përgjatë periudhës së pubertetit dalin në pah probleme të sjelljes, të përqëndrimit, të të mësuarit, të bindjeve seksuale, të abuzimit me lëndë narkotike dhe të kujdesit ndaj vetes. Hiperaktiviteti, çrregullimet emocionale, mungesa e memories, aftësia arsyetuese dhe gjykuese për fat të keq zgjasin gjatë gjithë jetës dhe bëhen shkak i problemeve edhe në pasardhësit e tyre.

Sa alkool është i lejueshëm në muajt e shtatzanisë?

Asnjë sasi alkooli nuk është e sigurtë të konsumohet gjatë kësaj periudhe. Është e vështirë të shquash se sa alkool quhet ‘pak’, prandaj zgjedhja më e mirë është limitimi absolut i tij. Kur nëna pi alkool, të njejtën gjë bën edhe bebeja e saj. Unë besoj fort se “një gotë verë tani dhe një pastaj” është vërtetë e rrezikshme, përsa kohë nuk ka asnjë burim që të sigurojë një sasi të lejueshme. Sa më shumë alkool ju konsumoni, aq më shumë rritet vuajtja e bebit tuaj.

Është vërtetë patetike kur dëgjon disa gra të deklarojnë “se kanë pirë shpesh alkool për t’u qetësuar dhe fëmijët i kanë shëndoshë e mirë”; Vlen të theksohet se asnjë trup nuk e metabolizon, absorbon dhe përthith njësoj alkoolin, prandaj zgjedhja më e mirë është të mos rrezikosh. Në fund të fundit, a ia vlen? Duhanpirja, shëndeti jo i plotë i nënës, kequshqyerja, ambientet me tym duhani, rrisin më shumë shanset e Sindromës alkoolike fetale. Nëse kërkon të mbetesh shtatzënë apo je në dijeni për jetën e dytë që po rritet brenda teje, thuaji ‘Jo’ pijeve alkoolike. Është njësoj si të abuzosh ndaj fëmijës tënd, por gjatë githë jetës!

Lajmi i mirë është se sa më i hershëm të jetë diagnostikimi, aq më e vogël është mundësia e dëmtimit. Ndonëse Sindroma alkolike nuk mund të hetohet në periudhën e nëntë muajve, komunikimi me mjekun obstetër mundëson detektimin e anomalive që në javët e para. Në rastet e rënda abuzive, është EKO ajo që heton çrregullimet e hershme fizike. N.q.s nëna është e alkoolizuar, atëherë duhet të shmangë shtatzaninë derisa mjeku t’i rekomandojë të kundërtën.

Shërimi për fëmijët e lindur me Sindromën aloolike të fetusit fatkeqësisht nuk është i mundur, por ekziston trajtimi multidisiplinar që i mundëson atyre një jetesë më të lehtë. Trajtimi ka të bëjë me fizioterapi të vazhdueshme për problemet që lidhen me gjymtyrët, terapi meditative për largimin e stresit i cili tenton të jetë i lartë, ndjekje të vazhdueshme nga kardiologu për shkak të prirjes për sëmundje kardiake, programe mësimore për fëmijë me vështirësi në të kuptuar etj.

Sepse fëmijët janë si ato flokët delikatë të dëborës! Të bukur, të ndryshëm, të brishtë.

Kujdesi prenatal ndaj tyre është kusht për një jetë të gjatë dhe të lumtur, fundja nuk është ndonjë zgjedhje e vështirë mes një gote alkool të momentit dhe një fëmije mirënjohës përgjatë gjithë jetës!

Dr. Klaudia Stajka

Spitali Amerikan 2

Migrenë me aure: karakteristikat dhe diagnozën diferenciale

By Spitali Amerikan - Të Reja

Ky artikull ilustron analitikisht karakteristikat e migrenës me aura dhe diagnozën diferenciale të aura të migrenës: këto çështje merren nga publikimi nga Klasifikimi Ndërkombëtar i Çrregullimeve të Dhimbjes Qëndrore. Artikulli është përgatitur nga Prof. Dr. Fabio Antonacci, mjek neurolog pranë Spitalit Amerikan 3.

Karakteristikat klinike të migrenës me aure

Migrena me aure shfaqet si një lloj dhimbje koke, ku ka sulme të dhimbjes së kokës duke alternuar me harqe kohore pa ndonjë lloj dhimbjeje. Sulmi nuk ka ritme të paracaktuara, por ndodh në kohë të rastësishme: e njëjta gjë nuk ndodh me llojet e tjera të dhimbjes së kokës primare. Kështu, shfaqja e krizave është e parregullt me një mesatare më të ulët se kriza e vetme në 55% të rasteve. Megjithatë, ekziston mundësia që sulmi të përsëritet brenda 1 ose 2 ditësh.

Aura është elementi kryesor i migrenës së lartpërmendur. Duket si një seri simptomat fokale neurologjike të një natyre irrituese dhe nënshtruar: këto shfaqen gradualisht në 5-20 minuta dhe zgjasin përgjatë kohës për 20-30 minuta. Në këtë rast i referohemi atmosferës si një “aure tipike”, ndërsa nëse simptomat vazhdojnë për më shumë se 60 minuta, ne kemi një “aure të zgjatur”. Aura manifestohet me çrregullime vizuale, të ndjeshme dhe gjuhësore. Zakonisht versioni më i përhapur paraqet vetëm simptoma vizive pozitive dhe / ose negative të perceptuara në një fushë vizuale të vizionit. Aura e matricës vizuele gjendet në 90% të subjekteve, e ndjeshme në 58%, aphasic në 34%. Midis simptomave pozitive kemi skotomën scintilluese për të cilën shfaqen shenja të ndritshme ose pika të ndritshme (fosfene), të cilat ndryshojnë formën drejt një manifestimi të parregullt gjeometrik. Këto simptoma kanë origjinën në qendër të fushës vizuale dhe migrojnë drejt anëve periferike. Spektrat e fortifikimit i ngjajnë linjave paralele të shkëlqyera të rregulluara në një zigzag si ato që projektojnë ekranin e një televizori të prishur. Mund të asimilohet në shtrembërimet vizuale të objekteve të tilla si micropsia dhe macropsia. Simptomat negative tregohen si deficite kampimetrike: hemianopsia anësore homonim, skotoma mozaik.

Duke u kthyer në çrregullime shqisore, paresthesia, hypoesthesia që përparon nga origjina për të mbuluar pjesë të fytyrës duke përfshirë gjuhën mund të ndodhë. Në 97% të rasteve ata fokusohen në duart, 78% në krahë, 67% në fytyrë, 62% në gjuhë, 24% në këmbë. Ndryshe nga aura epileptike, këto simptoma përhapen ngadalë. Dysphasia që përfshin vështirësi në përpunimin e fjalëve dhe afazisë i atribuohet çrregullimeve të gjuhës. Vetëm në raste të rralla, faza e dhimbshme e dhimbjes së kokës dhe faza premontërore e aurës mbivendosen. Këto dy manifestime kanë një marrëdhënie pasuese dhe vetëm në 1% të subjekteve është aura çrregullimi i vetëm që paraqitet. Nëse ndodh një gjendje e ngjashme, tregohet një hetim serioz sepse mund të jetë një zile alarmi për sindromet cerebrovaskulare dhe kardiovaskulare. Intensiteti i simptomës “dhimbje” është me vlerë më të vogël se migrena e lirë e aureusit dhe gjumi ndihmon në zgjidhjen e sulmit. Dhimbja pulson në 50% të rasteve dhe ka një pozicion të njëanshëm. Ajo shfaqet së bashku me të përzier, fotofobi, fonofobia dhe osmophobia: këmbëngulja ndryshon nga disa orë deri në 3 ditë.

Diagnoza diferenciale e aurës së migrenës

Aura e migrenës nuk mund të diagnostikohet saktë, duke e gabuar atë për sëmundje të tjera. Konfuzioni është diktuar nga fakti që në disa lëndë aura është e izoluar pa u pasuar nga dhimbja e kokës dhe ne flasim për “aura tipike me dhimbje koke jo të migrenës”. Ne i referohemi subjekteve që fillimisht vuanin nga migrena pas aurës, por që me kalimin e kohës e panë heqjen e këtij të fundit. Njerëz të tjerë, kryesisht meshkuj, kanë vuajtur gjithmonë vetëm nga aura pa dhimbje koke. Në të gjitha këto raste është e nevojshme të kryhen ekzaminime të hollësishme diagnostikuese për të përjashtuar patologjitë e tjera siç janë TIA, ose Sulmi i Kaluar Ishemik. Faktorët që duhet të merren parasysh përfaqësojnë moshën, çrregullimet aura negative dhe klasifikimin nëse ato mbizotërojnë në sulme të gjata ose të shkurtra. • Sulmi i tejzgjatur ishemik (TIA): mosha e pacientit është një faktor përcaktues sepse TIA zakonisht prek subjektet në moshë të vjetër. TIA nuk shoqërohet me dhimbje koke. Është gjithashtu e nevojshme të mbahet parasysh koha në të cilën janë të pranishme simptomat neurologjike: në sulmin e përkohshëm ishemik ato janë më pak se 15 minuta, ndërsa në mes 15 dhe 30 minuta ata bien nën rastin aura. Nëse vëreni një rënie të përkohshme në forcën e vendosur kryesisht në gjymtyrët e poshtme, ka shumë të ngjarë të vuani nga TIA. • Aura vizuale epileptike: gjatë një sulmi të epilepsisë ndodh një aure që zgjat më pak se 1 minutë dhe përbëhet nga: automatizmat, simptomat motorike pozitive, ngjyrat dhe figurat dhe ndryshimet vizuale janë perceptuar në hemifieldin e përkohshëm. • Pas heqjes së neoplazisë beninje mund të ndodhin simptoma të migrenës me aure. E njëjta gjë vlen edhe për proceset metastatike të vendosura në sipërfaqe. • Në prani të keqformimeve arteriovenoze, duhet të kryhet një histori familjare, duke verifikuar karakterin negativ për dhimbjen e kokës, nëse pacienti ka vuajtur nga dukuritë e aurës së shkurtër, konfiskimet epileptike dhe qëndrueshmërinë e deficitit neurologjik unilateral.

Ne falënderojmë Profesor Fabio Antonaci “http://www.fabioantonaci.it” Neurolog për bashkëpunimin e tij në hartimin e këtij artikulli.

Klodian Allajbeu: Dera jonë është e hapur.

By Spitali Amerikan - Të Reja

Spitali Amerikan pranë qytetarëve në këtë emergjencë kombëtare.

Dr. Klodian Allajbeu, CEO i Spitalit Amerikan gjatë një prononcimi për median ka deklaruar se: në këtë situatë emergjence Spitali Amerikan në kordinim me Ministrinë e Shëndetësisë ofron ndihmën e parë falas për të gjithë personat e lënduar nga tërmeti që goditi vendin tonë.

Në të tre degët tona stafi mjekësor është në gadishmëri të plotë për të pritur dhe për tu përballur me çdo emergjencë shëndetësore që mund të kenë patur personat e dëmtuar dhe familjarë të tyre.

Një numër i madh pacientësh ka marrë ndihmën e parë pranë urgjencave dhe disa prej tyre vazhdojnë të jenë nën kujdesin mjekësor.

Spitali Amerikan është pranë jush me të gjitha shërbimet e tij në këtë situatë të vështirë kombëtare.

Page 14 of 16«‹12 131415 16 ›»