Spitali Amerikan, Author at American Hospital

Gjithçka duhet të dini mbi kancerin e gjirit, pyetje-përgjigje

Kanceri i gjirit ndodh kur qelizat në gji fillojnë të rriten jashtë kontrollit, pushtojnë indet e afërta ose përhapen në trup. Kanceri i gjirit zakonisht vjen nga lobulet ose duktuset e gjirit. Kanceri i gjirit është sëmundja më e zakonshme që prek gratë në Evropë dhe Amerikën e Veriut, ndërsa te meshkujt është i rrallë.

Mosha
Rreziku i zhvillimit të kancerit të gjirit është shumë i rrallë te gratë në të 20-at e tyre, i rrallë tek ato në të 30-at dhe rritet në mënyrë të konsiderueshme pas kësaj moshe. Rreziku dyfishohet midis moshës 45 deri në 75 vjeçare.

Rreziku dhe shkaqet
Mosha e hershme e fillimit të menstruacioneve shoqërohet me një rrezik më të lartë të kancerit të gjirit, po ashtu edhe mosha e vonë e menopauzës.

Mosha e shtatzënisë së parë

Shtatzënia e parë përpara moshës 30 vjeç duket të ketë efekt mbrojtës kundër kancerit të gjirit, ndërkohë që një shtatzëni pas moshës 30 vjeç e rrit rrezikun. Gratë që kurrë nuk kanë qenë shtatzënë kanë rrezik më të lartë. Gjithashtu, ushqyerja me gji e fëmijës së porsalindur duket se luan një rol mbrojtës nga kanceri i gjirit.

Ushqimi dhe alkooli

Po bëhen shumë studime për lidhjen e dietës së pasur me yndyra dhe kaloritë totale të konsumit ditor si dhe konsumi i alkoolit me rrezikun e kancerit të gjirit. Gjithashtu obeziteti është një tjetër faktor rreziku për kancerin e gjirit.

Terapia hormonale

Marrja e hormoneve zëvendësuese te gratë në post-menopauzë e rrit rrezikun relativ të kancerit të gjirit, por ky rrezik bie shpejt brenda 5 viteve të ndërprerjes së këtij trajtimi.

Pilula kontraceptive orale

Këto pilula kanë qenë prej kohësh të diskutueshme për shkak të lidhjes së tyre me kancerin e gjirit. Pilulat e progesteronit duket se janë krejtësisht të sigurta, por përdorimi i vazhdueshëm për një kohë të gjatë i pilulave të estrogjenit mund të rrisë rrezikun e zhvillimit të kancerit të gjirit.

Historia familjare

Rreth 5% – 10% e të gjithë pacienteve që diagnostikohen me kancer gjiri janë të lidhura me faktorë gjenetikë. Sa më e re mosha e personit të prekur me kancer gjiri, aq më shumë gjasa ka që shkak të jenë faktorët gjenetikë. Mutacioni në gjenet BRCA1 dhe BRCA2 shkaktojnë një rritje të konsiderueshme të rrezikut për kancer të gjirit.

Diagnostikimi i kancerit të gjirit

Shenja e parë më e zakonshme e kancerit të gjirit është një masë në gji. “Triple assessment” (vlerësimi i trefishtë) është një procedurë rutinë, që kryhet në klinikën e gjirit për të vlerësuar një masë në gji dhe për të siguruar një diagnozë të saktë të saj, si malinje apo beninje, afërsisht 100%.

“Triple assessment” konsiston në:

1) Ekzaminimin klinik të gjirit

2) Mamografi dhe/ose Ekografi

Mamografia është një teknikë që përdor rrezet X për të ekzaminuar përmbajtjen dhe strukturën e gjirit. Doza e rrezatimit e mamografisë dixhitale është shumë e vogël. Në përgjithësi, saktësia e mamografisë është 80-90%. Mundësitë për të gabuar në diagnostikimin e kancerit të gjirit nga mamografia janë më të larta në gratë e reja me gjoks me densitet të lartë. Mamografia është më e saktë për gratë mbi moshën 50-vjeçare. Zakonisht mamografia përdoret si pjesë e vlerësimit të trefishtë te gratë mbi moshën 35 vjeç. Ekzaminimi me ultrasonografi është vlerësimi i gjirit duke përdorur ultratingujt, pa përfshirjen e rrezeve-X. Nën moshën 35 vjeç ekzaminimi me ultrasonografi bëhet për të përcaktuar masat në gji, ndërsa për gratë e moshuara ekzaminimi me ultratinguj bëhet duke u kombinuar me mamografi.

3) Biopsi:

– FNA – fine needle aspiration – biopsia me aspirim – preferohet më tepër në rastin e lezioneve cistike për zbrazjen e tyre ose linfonodulave aksilare.

– Core needle – biopsia tru-cut: kryhet nën EKO ose mamografi (stereotaksis). Me anë të kësaj proçedure arrihet të merret më shumë material duke rritur efikasitetin në diagnostikim deri në 90%.

Rezonanca Magnetike e Gjirit:

RM e gjirit është ekzaminimi më i avancuar diagnostikues për sëmundjet e gjirit që realizohet me anë të një programi të posaçëm të rezonancës magnetike nga specialistët përkatës. Është një ekzaminim joinvaziv, pa dhembje, pa rrezatim dhe pa efekte anësore, i sigurt për të gjitha grupmoshat e pacientëve.

RM e gjirit jep informacion të detajuar për të gjitha patologjitë e gjirit, në rastet kur metodat e tjera diagnostikuese si mamografia apo ekoja janë të pamjaftueshme, duke mundësuar diagnostikimin e saktë të sëmundjes.

Trajtimi i kancerit të gjirit

Trajtimi i kancerit të gjirit përfshin kirurgji për të hequr tumoret, shpesh të pasuara nga radioterapia. Trajtimi në gji njihet si trajtim lokal, ndërsa trajtimi për qelizat e kancerit, që mund të jenë përhapur nga gjiri në zona të tjera të trupit njihet si trajtim sistematik ose kimioterapia.

Ekzistojnë disa lloje ndërhyrjesh:

Kirurgjia e gjirit ku tumori hiqet së bashku me një sasi të vogël të indeve të gjirit duke lënë pas shumicën e indeve normale të gjirit.

Mastektomia ose heqja totale e gjirit, mund të jetë e nevojshme kur tumori është i madh në raport me madhësinë e gjirit ose në rast se kemi nje tumor multicentrik.

Gjithashtu kirurgjia e gjirit përfshin edhe kirurgjinë në linfonodulat aksilare. Është e rëndësishme të dimë nëse qelizat e kancerit janë përhapur në gjëndrat limfatike nën sqetull, nëse këto linfonodula janë të prekura, atëherë rritet mundësia që qelizat e kancerit të jenë përhapur përmes qarkullimit të gjakut në pjesët e tjera të trupit. Ky është një faktor i rëndësishëm në përcaktimin e trajtimit të mëtejshëm sistematik që ka mundësitë më të mira për të vrarë qelizat e kancerit, të cilat janë përhapur përtej gjirit. Kjo ndërhyrje quhet diseksioni i linfonodulave aksilare. Një tjetër proçedurë shumë më pak invazive është biopsia e linfonodulit sentinel, që është linfonoduli i parë në drenimin limfatik të gjirit, e cila vlerëson me saktësi praninë e qelizave të kancerit në nyjen limfatike. Nëse linfonoduli sentinel rezulton të jetë negativ, atëherë të gjithë linfonodulet e tjera aksilare janë negative dhe nuk ka nevojë për kirurgji të mëtejshme. Në rastin kur linfonoduli sentinel rezulton të jetë pozitiv, kërkohet diseksioni i aksiles.

Radioterapia

Radioterapia përdor një rrezatim me energji shumë të lartë, e cila kryhet pas ndërhyrjes kirurgjikale për të shkatërruar qelizat e kancerit te mbetura në gji pas trajtimit kirurgjikal konservativ, murin e gjoksit dhe nyjet limfatike ose për të ngadalësuar shkallën e rritjes së tyre. Ky trajtim ka rezultuar të jetë efektiv në reduktimin e recidivës lokale.

Kimioterapia (terapia sistemike)

Përdoret për të vrarë qelizat e kancerit, të cilat mund të përhapen përtej gjirit. Këto qeliza që shkëputen nga tumori kryesor i gjirit dhe përhapen nëpërmjet sistemit të gjakut ose limfatik në pjesën tjetër të trupit zakonisht nuk shkaktojnë simptoma, nuk shfaqen në ekzaminimet imazherike dhe nuk mund të evidentohen në ekzaminimin klinik. Mjekët përdorin ilaçe që jepen si pilula ose me injeksion. Ky lloj trajtimi quhet terapi sistematike dhe përfshin medikamente kundër kancerit (kimioterapia) dhe terapi hormonale. Këto terapi kanë rezultuar të jenë efektive në zvogëlimin e rrezikut të krijimit të tumoreve të reja në pjesë të ndryshme të trupit. Trajtimi sistematik që këshillohet pas ndërhyrjes quhet terapi adjuvante. Në disa raste trajtimi sistematik mund t’u jepet pacienteve para ndërhyrjes dhe kjo quhet terapi neoadjuvante. Kjo terapi mund të tkurrë tumorin e gjirit dhe të krijojë mundësinë e konservimit të gjirit në pacientet me tumor të madh.

Pyetje – Përgjigje

Kush ka më shumë gjasa të preket nga kanceri i gjirit?

Kanceri i gjirit ndodh shpesh te gratë mbi 40 vjeç dhe risku rritet me moshën. Ka shumë faktorë që mund të rrisin rrezikun e kancerit të gjirit, duke përfshirë edhe mbartjen e genit të kancerit të gjirit dhe të pasurit një histori të gjatë, të pandërprerë të ciklit menstrual. Familjet që mbartin genin e kancerit të gjirit kanë më shumë gjasa të kenë disa anëtarë me kancer gjiri dhe shpesh diagnostikohen para menopauzës. Një histori e gjatë dhe e pandërprerë e menstruacioneve përfshin menstruacionet që fillojnë në moshë të re, menopauza që fillon në moshë të vonë, të mospasurit fëmijë ose shtatzëni në moshë të vonë. Faktorë të tjerë të rrezikut përfshijnë përdorimin e HRT, përdorimi i alkoolit, obeziteti pas menopauzës dhe pirja e duhanit.

A mund të shërohet kanceri i gjirit?

95% e grave të diagnostikuara me kancer gjiri në fazat e hershme kanë një prognozë shumë të mirë. Qëllimi i depistimit të kancerit të gjirit është që ky kancer të diagnostikohet në fazë shumë të hershme dhe pas trajtimit mbi 90% janë të shëruara. Shumica e femrave me kancer gjiri kurohen me sukses dhe nuk do të përjetojnë një përsëritje të sëmundjes. Megjithatë, të gjitha gratë që kanë pasur kancer gjiri janë në rrezik për përsëritjen e një kanceri të dytë primar të gjirit dhe për këtë arsye kanë nevojë për kontrolle periodike.

Kam një “masë” në gji dhe kam frikë se është kancer. A duhet të shqetësohem?

Tetë nga dhjetë “kokrra” që gratë mund të ndjejnë në gjoks janë të parrezikshme, por të gjitha masave duhet t’i bëhet një ekzaminim i trefishtë në një klinikë të specializuar (ekzaminim klinik, imazheri dhe biopsi). Në Spitalin Amerikan se fundmi eshte hapur Klinika e Gjirit, qe ofron të gjitha shërbimet e mësipërme sipas standardeve evropiane nga mjekë specialistë vendas dhe të huaj.

Unë kam një tërheqje ose inversion të thithit të gjirit për disa kohë. A mund të jetë kjo një shenjë e kancerit të gjirit?

Inversioni ose tërheqja e thithit nuk është diçka e pazakontë, kjo mund të ndodhë në një fazë të hershme kur gjoksi po zhvillohet dhe kjo nuk është një shenjë e kancerit të gjirit. Ndonjëherë një përmbysje e papritur e majës mund të jetë shenjë e kancerit të gjirit, por ka më shumë gjasa të jetë pjesë e proçesit të plakjes së gjirit, por gjithsesi duhet bërë një vlerësim në klinikë të specializuar të gjirit.

Kohët e fundit kam vënë re një rrjedhje ngjyrë kafe/kuqërremtë nga thithat e gjirit. A duhet të shqetësohem që mund të jetë kancer?

Rrjedhja nga thithi i gjirit nuk është diçka e pazakontë dhe zakonisht vjen nëpërmjet thithit nga duktuset nën të. Shkarkimi i majës së gjirit mund të vijë nga njëri ose të dy gjinjtë dhe zakonisht shfaqet në sasi të vogla dhe mund të jetë e bardhë, e verdhë, e gjelbër ose e kaltër/e zezë. Herë pas here shkarkimi i thithave mund të jetë një tregues i kancerit të gjirit, por në shumicën e rasteve është një simptomë normale e plakjes së gjirit, por duhet të vlerësohet nga klinikat e specializuara të gjirit.

Më është kërkuar të vendos nëse duhet apo jo t’i nënshtrohem kimioterapisë. Si mund ta marr këtë vendim?

Kimioterapia përgjithësisht rekomandohet për ata pacientë të cilët konsiderohen të kenë një rrezik në rritje të përsëritjes së kancerit. Përfitimi i përgjithshëm i dhënies së kimioterapisë për gratë e të gjitha moshave në fazat e hershme të kancerit të gjirit është 28% një reduktim në përsëritje, por shkalla e përfitimit ndryshon për çdo individ. Për të marrë një vendim, ju duhet të diskutoni me mjekun tuaj për të vlerësuar përfitimet e mundshme dhe më pas të peshoni efektet anësore të mundshme të kimioterapisë.

Sa e rëndësishme është kryerja rutinë e mamografisë?

Mamografia rutinë është e rëndësishme për gratë mbi moshën 50 vjeç dhe gratë mbi moshën 40-vjeç me histori familjare të kancerit të gjirit. Mamografia nuk parandalon kancerin e gjirit, por mund të shpëtojë jetë duke diagnostikuar kancerin e gjirit sa më shpejt të jetë e mundur.

A do të ndryshojë pesha ime si rezultat i trajtimit të kancerit të gjirit?

Disa paciente mund të kenë shtuar peshë për shkak të ilaçeve të caktuara, terapisë së hormoneve, mungesës së aktivitetit ose përdorimit të kimioterapisë së veçantë që po përdoret. Ky trajtim mund të rrisë oreksin dhe shtimin e lëngjeve ne trup.

Duhet të marr vitamina?

Një dietë e ekuilibruar mirë duhet t’ju ofrojë vitamina dhe minerale të përditshme, megjithatë, trajtimi dhe stresi nga trajtimet mund t’i rrisë këto nevoja dhe ju do të keni nevojë për vitamina shtesë.

Kam kryer mamografi rregullisht, a po marr shumë rrezatim?

Ekspozimi i rrezatimit nga mamografia dixhitale është minimale. Është shumë më i rrezikshëm mosdiagnostikimi në kohë i kancerit të gjirit sesa ekspozimi ndaj një doze të ulët rrezatimi.

Nëna ime vdiq nga kanceri i gjirit para moshës 50 vjeçare. A ka gjasa që të kem edhe unë kancer gjiri?

5% deri në 10% e kancerit të gjirit është i lidhur me faktorët që mund të trashëgohen nga një gjeneratë e mëparshme. Në rastet kur pjesëtarët më të afërt të familjes (nëna /motra) janë diagnostikuar me kancer gjiri në një moshë relativisht të re, rritet rreziku i kancerit të gjirit për ju. Personat me histori familjare të kancerit të gjirit duhet të kryejnë testimin gjenetik dhe depistimin e kancerit te gjirit. Nëse ata kanë një mutacion gjenetik BRCA1 ose BRCA2 duhet të konsiderojnë një mastektomi bilaterale për të reduktuar në maksimum rrezikun e kancerit të gjirit.

A do të duhet të bëj mastektomi?

Kjo varet nga madhësia, pozicioni dhe lloji i tumorit të gjirit dhe madhësia e gjirit. Përdorimi i kirurgjisë onkopoplastike bën të mundur ruajtjen e gjoksit sa më shumë të jetë e mundur.

Dr.Gëzim Selenica, Kirurg senolog

Dr. Shkc. Iris Allajbeu Polovina – Specialiste radiologe

Cambridge Breast Unit/ Konsulentë të Qendrës së Gjirit në Spitalin Amerikan dhe Spitalin Hygeia

Mastoplastika zvogëluese në Spitalin Amerikan: jetë më “e lehtë” me një gjoks proporcional

By Spitali Amerikan - Të Reja

Dr. Vincenzo Collabianchi, kirurg plastik pranë Spitalit Amerikan jep detaje mbi këtë ndërhyrje kaq të kërkuar.

Çfarë është mastoplastika zvogëluese

Mastoplastika zvogëluese është operacioni plastik që bën të mundur reduktimin e gjoksit me përmasë të madhe. Në të njëjtën kohë, është e mundur të ndërhyet në formën e gjirit, duke e rimodeluar atë. Me anë të kësaj ndërhyrje mund të eliminohet çdo asimetri e mundshme mes gjinjve.

Pse duhet të bëjmë një mastoplastikë zvogëluese?

Arsyet që e shtyjnë një femër të dëshirojë zvogëlimin e gjoksit janë të shumta:

• gjoksi shumë i madh në krahasim me fizikun;

• kur gjoksi është i varur dhe jo i tonifikuar, si pasojë e ushqyerjes me gji ose rënies në peshë;

• korrigjim të asimetrive të dukshme.

Mastoplastika zvogëluese: një jetë “më e lehtë”

Nëse zmadhimi i gjoksit në Shtetet e Bashkuara është një nga ndërhyrjet më të kërkuara, në krye të renditjes prej disa vitesh tashmë, e kundërta e tij, ose mastoplastika zvogëluese ka një rekord tjetër.

Për kirurgët plastikë amerikanë, operacioni i mastoplastikës zvogëluese – që bën të mundur ndryshimin e madhësinë, formës dhe pamjes së gjoksit duke i rikthyer atij harmoninë dhe në proporcion me siluetën – është një nga operacionet më të kënaqshëm në aspektin profesional dhe emocional.

Disa kirurgë shprehen:

“Është një nga procedurat që i bën pacientet entuziaste për rezultatet, për vite me radhë ato kanë qenë “peng” i madhësisë së gjinjve të tyre, pasi i kanë kufizuar në praktikimin e shumë veprimtarive të cilat gratë që nuk e kanë këtë problem i shijojnë lirisht”. Në dallim nga shumica e kirurgjive estetike, në fakt, mastoplastika zvogëluese kërkohet nga gratë që duan një lehtësim nga pasojat fizike dhe parehatia e shkaktuar nga pesha e tepërt e një dekolteje të bollshme, sesa nga gratë që duan vetëm të përmirësojnë estetikën e siluetës.

“Nga pikëpamja simptomatike – shpjegon Dr. Vincenzo Collabianchi, kirurg plastik në Spitalin Amerikan – gratë ankohen për dhembje në shpinë, dhembje të qafës dhe shpatullave, por edhe shenja të përhershme, pothuajse si brazda, të lëna nga rripat e sytjenave që duhet të mbajnë një peshë të konsiderueshme si dhe pezmatimi dhe dermatiti i lëkurës për shkak të fërkimit të një gjoksi të varur (gjë që ndodh edhe në rast të një humbje të konsiderueshme në peshë)”.

Teknika operative

Në çfarë konsiston mastoplastika zvogëluesese? Operacioni kryhet pas zhvillimit të plotë të gjëndrës mamare. Kërkon një vlerësim të kujdesshëm para operacionit nga kirurgu, i cili duhet të jetë i specializuar në rimodelimin e gjirit. Ai do të vlerësojë madhësinë dhe formën e gjirit dhe gjendjen e indeve të tij. Kjo procedurë shërben për të identifikuar teknikën më të përshtatshme kirurgjikale, duke marrë parasysh edhe dëshirat dhe pritshmëritë e pacientes në lidhje me zvogëlimin e kërkuar.

Si kryhet ndërhyrja?

Mastoplastika zvogëluese kryhet nën anestezi të përgjithshme, është pa dhembje dhe zgjat rreth 3 orë. Gjatë procedurës, bëhen prerje (rreth areolës dhe në formën e një “T”, vertikalisht poshtë dhe horizontalisht përgjatë profilit të gjirit), për të mundësuar heqjen e indeve të tepërta dhe për t’i dhënë gjoksit madhësinë e dëshiruar.

Mjeku thekson se zakonisht pacientet kërkojnë një përmasë mes numrave 3 dhe 4.

Prerjet qepen me materiale që nuk kërkojnë heqjen e qepjeve në ditët në vijim. Shenjat e operacionit janë të reduktuara dhe plagët e mbetura fshihen krejtësisht nga sytjenat.

Pas operacionit

Në periudhën pas operacionit, një fashë kompresimi do të aplikohet për 24-48 orët e para. Fasha do të zëvendësohet nga sytjena mjekësore shtrënguese, që do të vishen për rreth dy javë. Pas kësaj do të jetë e nevojshme përdorim i sytjenave sportive për 2-4 javë të tjera. Ndalohet, thekson mjeku “zgjedhja e sytjenave me fortesë të paktën për gjashtë javë, sepse fërkohen te prerja duke e irrituar dhe vonuar shërimin e saj”. Pas operacionit aktivitetet e zakonshme ditore mund të rifillojnë pas 3-4 ditësh, ndërsa për aktivitet sportive do të duhet të prisni 1 muaj.

Mastoplastika reduktuese: zvogëlim dhe rimodelim

Paralelisht me zvogëlimin e madhësisë së gjirit, kirurgu kombinon shpesh edhe ngritjen e tij, duke e rikthyer në një pozicion natyral. Për më tepër, shton Dr. Colabianchi, “Shpesh në paciente që kanë një dekolte shumë të madhe, thithat e gjirit janë të kthyera poshtë. Në këtë rast, jo vetëm që lëkura dhe indi i tepërt i gjirit do të hiqet, por edhe thithat do të ripozicionohen”.

Siguria e ndërhyrjes, faktorët e rrezikut, kundër-indikimet

Mastoplastika zvogëluese është një procedurë e sigurt. Në përgjithësi, nëse kryhet nga një kirurg i specializuar dhe me përvojë në një strukturë spitalore të mirëpajisur, nuk sjell ndonjë ndërlikim. Sidoqoftë, duke qenë se bëhet fjalë për një operacion, edhe pse tejet minimal, një rrezik mund të ketë gjithmonë. “Një nga ndërlikimet më të zakonshme, por lehtësisht i zgjidhshëm është hemoragjia në 12-24 orët e para pas operacionit që mund të shkaktojë një hematomë”. “Mastoplastika zvogëluese është një procedurë invazive që ndryshon mënyrën e rrjedhjes së gjakut në thitha. Gjatë zvogëlimit përfshihen shumë enë gjaku, të cilat pas qepjes së prerjes i nënshtrohen një rritje të presionit të gjakut që mund të shkaktojë gjakrrjedhje, jo vetëm në ditën e parë, por edhe deri në një javë “.

Pasoja të rralla të mastoplastikës zvogëluese

Një pasojë më pak e shpeshtë është humbja e ndjeshmërisë së thithave. Në shumicën dërrmuese të rasteve është e përkohshme. Vetëm në rreth 15% të rasteve, efekti mund të jetë i përhershëm. Një nga “legjendat” lidhur me mastoplastikën zvogëluese është pamundësia e ushqyerjes me gji pas operacionit. False. “Shumica e pacienteve do të ushqejnë foshnjat me gji edhe pasi të kenë kryer këtë ndërhyrje – përveçse në raste ekstreme, kur thitha është hequr dhe zëvendësuar. Sidoqoftë, pacienteve të mia, gjithmonë ju kujtoj se sasia e qumështit të prodhuar do të jetë më e vogël dhe është e nevojshme të plotësohet dieta e të porsalindurit, sepse gjatë procedurës kirurgjikale ndërpriten disa lidhje ku ekzistojnë disa kanale galaktofore”.

Çfarë të presim pas operacionit

Pas ndërhyrjes është e mundur të vihet re një asimetri e vogël, e cila duhet të konsiderohet një gjë normale (normalisht të dy gjinjtë nuk janë kurrë identikë) sesa një përjashtim. “Unë gjithmonë u them pacienteve se gjinjtë janë vëllezër dhe jo binjakë edhe para operacionit. Duken shumë të ngjashëm, por nuk janë saktësisht njëlloj. Sidoqoftë, është e natyrshme që pas operacionit t’i vëzhgoni ata më shpesh dhe më me kujdes se më parë dhe për këtë arsye të vini re asimetri të vogla”.

Shenjat pas operacionit

Shenjat e lëna nga mastoplastika zvogëluese janë minimale. Forma dhe madhësia e tyre varen nga teknika kirurgjikale. Ato zakonisht përbëhen nga një shenjë rrethore rreth areolës dhe një formë T, e cila shtrihet vertikalisht nga fundi i thithit deri në nëngjoks. Horizontalisht përgjatë kanalit të gjinjve. Në përcaktimin e shenjës së plagës, sipas mjekut ndikojnë këta faktorë: “aftësia e kirurgut në qepjen e prerjeve; procesi i shërimit. Kjo është absolutisht individuale, e paparashikueshme dhe varet nga gjenetika e secilës paciente, dhe kujdesi pas ndërhyrjes. Për këtë unë u përshkruaj të gjitha pacienteve të mia një program të terapive të shenjave me bazë xhel silikoni për të paktën një vit”.

Pse zgjedhin mastoplastikën zvogëluese

Shumica e pacienteve, vijnë për të marrë në konsideratë ndërhyrjen, sepse nuk mund të durojnë më problemet që shkakton një gjoks shumë i madh. Të vetëdijshme për përfitimet që mund të ketë, ato nuk shprehin as shqetësimin më të vogël për shenjat e mbetura apo për ndonjë ndërlikim të mundshëm”. Në fakt, janë të shumta avantazhet që vijnë nga mastoplastika zvogëluese. Dr. Vincenzo Collabianchi e konsideron një procedurë “2 në 1”, sepse zgjidh njëkohësisht çështje funksionale dhe estetike. Për më tepër, lehtësimi nga simptomat për pacientet është pothuajse i menjëhershëm. “Pikërisht për këtë arsye nuk është e rrallë të shohësh vajza 16-17 vjeçare që vijnë te ne të shoqëruara nga prindërit, sepse madhësia e gjoksit është bërë një problem i vërtetë për jetën e tyre dhe ato duan ta zvogëlojnë para se të mbushin 18 vjeç”.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Miomektomia laparoskopike në Spitalin Amerikan

By Spitali Amerikan - Të Reja

Spitali Amerikan ka Departamentin e Kirurgjisë Gjinekologjike Laparaskopike me përvojë të zgjeruar në heqjen me laparoskopi të FIBROMIOMAVE.

DR .MAROUDIS, Shefi i Departamentit dhe të gjithë mjekët e Departamentit të Gjinekologjisë mund t’ju informojnë dhe ofrojnë informacion të plotë për çdo problem që mund të keni.

MIOMEKTOMIA

MIOMEKTOMIA është një procedurë kirurgjikale, e cila shërben për të hequr fibroidet e mitrës, që ndryshe quhen edhe FIBROMIOMA. Këto rritje të zakonshme jokanceroze shfaqen në mitër. Fibroidet e mitrës zakonisht zhvillohen kur gruaja është në moshën e riprodhimit, por ato mund të ndodhin në çdo moshë.

PSE KRYHET MIOMEKTOMIA?

1. Kur planifikoni të lindni fëmijë dhe mjeku juaj dyshon se fibroidet e mitrës mund të ndikojnë në fertilitetin tuaj.
2. Kur keni simptoma të fibroideve si gjakderdhje e tepërt menstruale dhe shtypje në pjesën e legenit.

MIOMEKTOMIA LAPAROSKOPIKE

Kirurgu kryen një prerje të vogël brenda ose pranë kërthizës tuaj. Pastaj ai fut një laparoskop – një tub i ngushtë i pajisur me një kamera – në barkun tuaj. Kirurgu kryen operacionin me instrumentet që futen përmes prerjeve të tjera të vogla të bëra në barkun tuaj.

LEHTËSIMI I SIMPTOMAVE

Pas operacionit të miomektomisë, shumica e femrave përjetojnë lehtësim të simptomave të mëparshme, si gjakderdhja e tepërt menstruale si dhe presioni dhe dhembjet në pjesën e legenit.

PËRMIRËSIMI I FERTILITETIT

Gratë që i nënshtrohen miomektomisë laparoskopike, kanë rezultate të suksesshme të shtatzënisë brenda një viti nga operacioni. Pas një miomektomie, koha e sugjeruar e pritjes për të tentuar të ngelni shtatzënë është tre deri në gjashtë muaj në mënyrë që t’i jepni mundësi mitrës të shërohet.

AVANTAZHET E KIRURGJISË LAPAROSKOPIKE

Në krahasim me femrat që kryejnë një laparotomi, ato që i nënshtrohen laparoskopisë kanë më pak humbje gjaku, qëndrime më të shkurtra spitalore, përqindje më të ulët për komplikacione dhe shërim më të shpejtë.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Olti Curri: Pas ndërhyrjes në Spitalin Amerikan, ndjehem 24 vjeç!

By Spitali Amerikan - Të Reja

Sapo përmend emrin e blogerit Olti Curri mendja të shkon tek buzëqeshja me të cilat lëshon fjalët thumbuese, ndoshta edhe tek thurja e ndonjë lavde që nuk e jep nëse nuk e meriton. Këtë herë është barku i tij në qendër të vëmendjes.

Rënia e dukshme në peshë e ka një shkak: rreziku nga sëmundjet. Për këtë arsye Olti vendosi të gjejë një zgjidhje të shpejtë: Spitalin Amerikan. Ekperiencën e tij para dhe pas ndërhyrjes për zvogëlimin e stomakut (sleeve gastrectomy) Olti Curri e tregon gjatë një interviste për ABC News.

Pyetje: Olti, trupi yt ka marrë vëmendjen jo vetëm të miqve e ndjekësve, por edhe të njerëzve mbi peshë në veçanti. Thonë: Ia doli dhe Olti Curri të dobësohet! Sa kg nuk të peshojnë më dhe si arrite t’i heqësh?

Olti Curri: Arrita në 146 kilogramë dhe isha në rregull deri në momentin kur filluan problemet me gjunjët dhe analizat e gjakut dhanë sinjalet e para. Kolesteroli dhe diabeti u shfaqën dhe në fillim nuk e besoja dhe nuk i jepja rëndësi. Por kur fillova mjekimet u ndjeja keq. Asgjë nuk ishte si më parë. Unë isha i sëmurë.

Pyetje: Kur u binde se ishte momenti i duhur për t’ju nënshtruar një ndërhyrjeje dhe pse u drejtove në Spitalin Amerikan?

Olti Curri: Ishte Mirjeta Guni, mjekja e diabetit në Spitalin Amerikan 3, që para një viti ma sugjeroi këtë ndërhyrje. Asaj i thashë jo, por ndërkohë fillova të interesohem. Dhe kuptova që ashtu si në botë me të njëjtat standarte, vetëm Spitali Amerikan mund ta realizojë këtë ndërhyrje të stomakut (sleeve gastrectomy). Unë dhe familja ime jemi pacientë të rregullt të Spitalit Amerikan, nipi im ka lindur atje, mami dhe babi janë mjekuar. Isha i qetë sepse nga informacionet që mblodha, të tre mjeket që e kryejnë këtë lloj ndërhyrje tek Spitali Amerikan janë më të mirët ndaj nga ana psikologjike isha i qetë. Kjo ka shumë rëndësi për një pacient. Unë ndërhyrjen e bëra në Spitalin Amerikan 3 dhe pas vetëm dy javësh diabeti u zhduk dhe ilaçet i hoqa.

Pyetje: Sleeve Gastrectomy ose zvogëlimi i stomakut siç njihet rëndom sa e vështirë është si ndërhyrje ?

Olti Curri: Vështirësia më e madhe është frika nga operacioni. Unë personalisht atë sfidova. Kirurgu dhe ekipi mbështetës bëjnë diferencën. Ekipi që realizoi ndërhyrjen time ishte shumë protokollar, kreu të gjitha analizat dhe kontrollet e nevojshme para ndërhyrjes dhe kjo i jep atij edhe pacientit sigurinë për suksesin. Vështirësia e vetme për mua personalisht ishte që ndenja 5 ditë pa ujë, ndonëse lëngjet i merrja me serum. Gjithçka shkoi shkëlqyeshëm. Dhimbje kisha vetem dy ditët e para, por ishin dhimbje që qetësoheshin me ilaçet e ofruara, paracetamol ose analginë.

Pyetje: Pas sa kohësh nga ndërhyrja hipe ne peshore?

Olti Curri: Që ditën e pestë hipa në peshore dhe kisha rënë rreth 8 kg.

Pyetje: Si po reagon trupi dhe truri pas zvogëlimit të stomakut? Ndjehesh i uritur?

Olti Curri: Në fillim duhet pak regjim, për dy javë vetëm lëngje, më pas lëngje më të trasha , pastaj dy javë me gatime të grira si qull dhe më pas fillohet të hahet normal. Sekreti është të lësh alkoolin dhe sheqernat. Uri kam normalisht, por sapo filloj të ha dicka ngopem shpejt.

Pyetje: Nëse bën një krahasim, sa ka ndryshuar sasia e një vakti dje me sot?

Olti Curri: Sot vakti im është një garuzhde si masë dhe e konsumoj në 15-20 minuta. Ka shumë rëndësi që mos ta lëndosh stomakun e ri dhe të hash ngadalë. Dhe sa më shumë lëngje.

Pyetje: Ndryshime duhet të ketë pësuar edhe menuja. Kujt ushqimi i ke dhënë lamtumirën e kujt i urove mirëseardhjen?

Olti Curri: Kam larguar mishin, makaronat, proshutën dhe kam shtuar salmon, peshk dhe supëra.

Pyetje: Garderobën e vjetër e ruan apo je i bindur se nuk do ta shohësh më Oltin me 20 kg më shumë?

Olti Curri: Garderobën e ruaj se fatkeqësisht shoh miq që po shëndoshen si unë dhe do jua fal atyre.

Pyetje: Fotot e tua tregojnë se je berë frekuentues i palestrave. Janë pjesë e kujdesit pas ndërhyrjes apo ndjehesh i lehtë për të bërë edhe ushtrimet më të vështira?

Olti Curri: Palestrën nuk e kam filluar akoma. Por kam filluar ecjen dhe lëvizjen sepse kam hequr 26 kg, kam hequr një thes me çimento që e mbaja mbi supe.

Pyetje: Unë jam një nga ato që e mbajnë mend si ka qenë Olti Curri vite më parë. Me heqjen e kilogramëve të tepërt duket se ke ndryshuar edhe moshën. Meqë ra fjala sa vjeç je ? 🙂 Përgëzime për pamjen e re!

Olti Curri: Me pamjen e re jam aq sa më ke njohur ti, 24 vjeç 😊!

Eliminoni yndyrën e barkut: kur të mendojmë për Liposuction

By Spitali Amerikan - Të Reja

Dr. Vincenzo Collabianchi, kirurg plastik pranë Spitalit Amerikan 3, jep informacion më të detajuar për këtë temë shqetësuese për femra dhe meshkuj.

“Dhjami në bark”: Shqetësim për meshkujt dhe femrat

Eleminimi i yndyrës së barkut duket se është një detyrë shumë e vështirë për shumicën e njerëzve. “Dhjami në bark” është një problem shqetësues si për burrat ashtu edhe për gratë, madje edhe për të rinjtë. Shpesh, pavarësisht se janë në gjendje të mirë fizike, duke ndjekur një dietë të kontrolluar dhe duke u ushtruar rregullisht, dhjami në bark duket se i reziston çdo lloj përpjekjeje, duke prishur kështu harmoninë e një fiziku që mund të ishte perfekt.

Parandaloni dhe luftoni “dhjamin në bark”

Ndërkohë që nuk do të lodhemi kurrë së përsërituri, të kemi një formë të mirë fizike dhe gjithashtu të parandalojmë dhe eliminojmë yndyrën e barkut, rregullat që duhet të ndiqni për një jetë të shëndetshme, të ekuilibruar dhe aktive janë gjithmonë të njëjtat:

ndiqni një dietë të larmishme, të ekuilibruar dhe të kontrolluar, e cila shmang mbipeshën dhe obezitetin ose, në të kundërt, hollimin e tepërt, mangësitë në ushqyerje ose kequshqyerjen;
stërvituni rregullisht duke kryer aktivitet fizik (cardio), për të djegur yndyrën e tepërt, në këtë mënyrë përmirësoni sistemin kardiovaskular, si dhe bëni ushtrime të posaçme për të tonifikuar barkun;
pini çdo ditë sasinë e duhur të ujit, që i nevojitet trupit për të parandaluar dehidratimin, i cili çon në mbajtjen e lëngjeve dhe ënjtjen;
shmangni zakonet jo të shëndetshme si; pirja e duhanit, alkooli, ushqyerja e parregullt dhe yndyrnat , stresi i tepërt dhe kafeina.

Shkaqet e yndyrës abdominale rezistente

Sidoqoftë, shumë njerëz, si burra ashtu edhe gra, ndërsa ndjekin me përpikëri të gjitha këshillat për parandalimin e “dhjamit në bark” vënë re se eliminimi i yndyrës së barkut ndonjëherë është me të vërtetë i vështirë.

Edhe nëse arrijnë të humbasin peshë, të kenë një sasi të mirë të muskujve dhe një fizik të skalitur, “dhjami në bark” është aq rezistent saqë dështojnë për ta zhdukur atë.

Pse? Cilat janë shkaqet?

shtatzënia, e cila bën që toni i muskujve të barkut të humbasë;
humbje e papritur e peshës, e cila dobëson muskujt e barkut që nuk janë më në gjendje të punojnë dhe për këtë arsye tonifikohen;
shkaqe gjenetike;
shkaqe hormonale, veçanërisht për gratë, pasi estrogjenet kanë tendencën të promovojnë akumulimin e yndyrës në zonën e barkut dhe ijet;
jeta sedentare dhe pak motivim ose pamundësi për të ushtruar sporte dhe ushtrime të posaçme.

Si të eleminoni “dhjamin në bark”?

Nëse ushqimi i kontrolluar dhe aktiviteti fizik, ndoshta edhe i kombinuar me trajtime të veçanta bukurie si; baltë, alga, masazhe, nuk japin rezultatet e dëshiruara, për shkak të një ose më shumë arsyeve të listuara më lart, zgjidhja për të eleminuar yndyrën rezistente të barkut mund të jetë kirurgjia kozmetike. Në këtë rast, kryhet liposuction. Kjo është një ndërhyrje e cila mundëson thithjen e yndyrës së tepërt, duke rikthyer një bark të sheshtë, të fortë dhe të lëmuar.

Eliminoni yndyrën e barkut falë liposuction

Yndyra e barkut mund të eleminohet me një procedurë të quajtur liposuction. Liposuction realizohet me anestezi lokale ose të përgjithshme. Operacioni zgjat rreth 45 minuta. Plotësisht pa dhimbje. Teknika bën të mundur përdorimin e kanulave të lidhura me një aspirator, të futur nëpër prerje të vogla prej 3-4 mm që, me një veprim mekanik, prishin indin dhjamor dhe e aspirojnë atë. Në këtë mënyrë realizohet rimodelimi i zonës së barkut. Pas operacionit, pacienti për 2-3 javë duhet të mbajë veshur nje korse të veçantë për belin dhe pas 24-48 orësh mund t’i rikthehet aktiviteteve normale.

Avantazhet e liposuction

Eshtë një ndërhyrje relativisht e thjeshtë, minimalisht invazive, pa dhimbje dhe e shpejtë. E cila bën të mundur eleminimin e dhjamit të barkut shumë rezistent, duke e kthyer në një bark të sheshtë, të hollë, të lëmuar dhe të tonifikuar.
Ndërhyrja bën të mundur harmonizimin e siluetës, duke e çliruar atë nga “dhjami i tepërt”, i cili është shumë i vështirë për t’u zhdukur pa ndihmën e operacionit.

Çfarë rezultatesh jep liposuction abdominal

Ndërhyrja e liposuctionit abdominal mundëson shpërndarjen dhe eliminimin e yndyrës së tepërt në bark. Pas ndërhyrjes, do të keni një pamje më të dobët, më harmonike dhe “dhjami në bark” do të zhduket. Natyrisht, për të ruajtur rezultatet e marra falë ndërhyrjes, pacienti më pas do të duhet të angazhohet për të shmangur akumulimin e yndyrës përsëri, duke mbajtur një dietë të shëndetshme të kombinuar me një nivel të mirë të aktivitetit fizik.

Konvaleshenca

Pas ndërhyrjes së liposuction për të eleminuar yndyrën e barkut, pacienti mund të rifillojë aktivitetet e tij normale maksimumi brenda tre/katër ditëve. Për 15-20 ditë pas operacionit rekomandohet përdorimi i një korseje të posaçme për zonën e barkut. Pas një muaji mund të rifillohet pa asnjë problem aktiviteti fizik.

Për më shumë informacion ose vizitë me Dr. Vincenzo Collabianchi kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Spitali Amerikan – Trup perfekt para verës

By Spitali Amerikan - Të Reja

Procesi i plakjes është diçka e pashmangshme pavarësisht dëshirës sonë, ky proces vjen natyrshëm.
Sado të mundohemi ta shmangim, graviteti, ekspozimi mjedisor dhe gjenetika përfundimisht do të fillojnë të zbulojnë moshën tonë. Dhe ndërsa disa e tolerojnë plakjen si një pjesë natyrshme të jetës, disa te tjerë duan të duken më të rinj dhe më të bukur. Kirurgjia plastike është një zgjidhje e rëndësishme dhe e dobishme për të trajtuar disa nga shqetësimet më të zakonshme estetike me të cilat përballemi. Një nga përfitimet kyçe të kirurgjisë plastike është aftësia e tij për të rritur vetëbesimin dhe për ti dhënë vetes suaj një pamje pranverore gjatë gjithë kohës.
Shumë nga pacientët tanë ankohen se ndërsa ata ende ndjehen energjik dhe të gjallë, pamja e tyre tregon tjeter gjë. Pamja në pasqyrë mund të sjellë konfuzitet pasi mënyra se si e perceptoni veten jashtë nuk është e njëjtë me mënyrën si ndiheni brenda. Për fat të mirë, kirurgjia plastike mund të zgjasë vite, kështu që ju mund të shikoni veten tuaj gjatë gjithë kohës po aq të ri sa ju ndiheni.

Përgjatë muajit Maj Departamenti i Kirurgjisë Plastike në Spitalin Amerikan vjen me një paketë ndërhyrjesh me çmime preferenciale:

Rinoplastikë / Rimodelim i Hundës – 1200 Euro
Abdominoplastikë / Rimodelim i barkut – 2500 Euro
BBL – Rimodelim i Vitheve – 3000 Euro
Rimodelim i Gjoksit / Zmadhim/ Zvogëlim – 2400 Euro

Një tjetër risi në Spitalin Amerikan ështe fakti se tashmë kushdo mund ti nënshtrohet kirurgjisë plastike për të rimodeluar trupin apo fytyrën pasi Spitali Amerikan në bashkëpunim me Lute Credit ofron kredi me komision 0, vetëm me një kartë identiteti. Tashmë të gjithë mund të kenë një trup perfekt.

Departamenti i Kirurgjisë Plastike në Spitalin Amerikan është i përbërë nga kirurgë plastikë profesionistë dhe të kualifikuar, vendas dhe ndërkombëtar, të cilët ofrojnë një gamë të gjerë shërbimesh kirurgjike rindërtuese dhe kozmetike.
Kirurgjia Plastike e Spitalit Amerikan, jo vetëm u ka dhënë përgjigje kërkesave të atyre që preferojnë një pamje më të sofistikuar, por ka thyer përfundimisht tabunë që kirurgjia plastike bëhet vetëm jashtë vendit.

Infermieri i Spitalit Amerikan fiton zemrën e Elvana Gjatës.

By Spitali Amerikan - Të Reja

Shigjeta e Kupidit mund të godasë këdo duke bërë bashkë edhe ata që i përkasin dy botëve të ndryshme, muzikës dhe mjekësisë. Kjo i ka ndodhur yllit të muzikës shqiptare Elvana Gjatës, e cila në filmin “Dy gisht mjaltë” në rolin e një vajze të thjeshtë bie kokë e këmbë në dashuri me një infermier.

Infermier në Spitalit Amerikan, aktori i njohur i humorit Ermal Mamaqi po dimplomohet dhe do të bëhet doktor. Ervini, personazhi ynë, gjatë ditës së punës në Spitalin Amerikan përballët me shumë paciente, me disa nga të cilët, pa e ditur as ai, do të krijojë lidhje të forta në të ardhmen.

Në filmin komik, të mbështetur nga Spitali Amerikan, interpretojnë aktorë të njohur të skenës shqiptare, si Koço Devole, Marjana Kondi, Natasha Sela, Bujar Asqeriu, Ervin Bejleri, Rezart Veleshnja, e madje edhe vetë kryetari i Bashkisë Erion Veliaj, ku skenat e humorit pasojnë njëra-tjetrën duke shkaktuar shumë të qeshura.

Në film preken problematika të ndryshme të shoqërisë shqiptare, të trajtuara me humor, duke e bërë filmin komedinë romatike të vitit. Se çfarë ndodh me dy të sapomartuarit mbetet ta zbuloni në filmin “Dy gisht mjaltë” që po shfaqet në të gjitha kinematë në Shqipëri, Kosovë dhe Maqedoni.

Sukseset arrihen nga ata që besojnë! IVF në Spitalin Amerikan realizon ëndrrën për qytetarët europiane.

By Spitali Amerikan - Të Reja

Shqipëria po transformohet në një destinacion turizmi shëndetësor për qytetarët europiane, të cilët po zgjedhin gjithmonë e më shumë të besojnë shëndetin e tyre te Spitali Amerikan.

Sukseset në Fertilizimin In Vitro sjellin ëngjëj të vegjël në krahët e çifteve të cilët kishin ëndërruar gjatë që mrekullia të ndodhte.
Departamenti i Mjekësisë Riprodhuese dhe Fertilizimit In Vitro në Spitalin Amerikan numëron rekorde të njëpasnjëshme në Fertilizimin In Vitro. Rekorde dhe histori suksesi që kanë kapërcyer edhe kufijtë e Shqipërisë, duke bërë që gjithmonë e më shumë paciente të huaja të na besojnë. Ky besim nuk është rastësi, por rezultat i profesionalizmit të lartë të stafit mjekësor të specializuar dhe një laboratori modern IVF që ofron teknologjinë e fundit.

Në bashkëpunim me klinikat prestigjoze europiane, Spitali Amerikan aplikon teknologjinë Time-Lapse e cila ka rritur ndjeshëm shanset për sukses. Një metodë e futur vetëm prej një dekade në mjekësinë botërore e që aplikohet vetëm në 5 klinika në Ballkan, në Shqipëri ofrohet vetëm nga Spitali Amerikan.
Time-Lapse (embrioskopi) i ka lejuar shkencëtarët të kuptojnë më mirë zhvillimin e embrionit duke lehtësuar ndjeshëm punën e embriologut në përzgjedhjen e embrioneve me potencial më të mirë për implantim. Në teknikën klasike (atë të vjetër), embrionet duhet të nxirren nga inkubatori për t’u analizuar në mikroskop. Me Time-Lapse embrionet nuk zhvendosen nga inkubatorët duke shmangur kështu rreziqe të mundshme. Të dhënat nga Time-Lapse nuk janë më fotografi, por një filmim i plotë i embrionit që i ndihmon mjekët të shohin me detaje të gjithë parametrat morfologjikë dhe ndryshimin që ai pëson me kalimin e ditëve deri sa të transferohet në barkun e nënës. Të gjitha këto sjellin mundësi më të lartë për sukses në një cikël Fertilizimi In Vitro.
Përqindja më e lartë e suksesit të shtatzanive me IVF në rajon ka bërë që Qendra e Fertilitetit në Spitalin Amerikan të jetë zgjedhja e parë për të gjitha pacientet, vendas edhe ato të huaja, që konsiderojnë këtë procedurë.

Bazuar në statistika me Fertilizim In Vitro 80 % e shtatzanive janë të suksesshme, për moshat mbi 30 vjeç përqindja e suksesit është 62 %, ndërsa për ato mbi 40 vjeç arrin në 46 %.

Në Spitalin Amerikan pacientet i nënshtrohen trajtimit të personalizuar të IVF, që përcaktohet në bazë të eksperiencës së suksesshme disavjecare të këtij ekipi e kombinuar me arritjet më të reja në shkencën e Riprodhimit të Asistuar.

Sukseset arrihen nga ata që besojnë dhe Qendra e Fertilitetit në Spitalin Amerikan është rruga drejt realizimit të ëndrrës së një gruaje për të përqafuar ëngjëllin e saj të vogël.

Modelet e të ngrënit -një sjellje e mësuar që në fëmijëri.

By Spitali Amerikan - Të Reja

Trupat dhe sjelljet tona janë produkte të gjeneve tona dhe mjedisit që na rrethon (me një grimcë të rastësisë nëpër të). Gjenet tona janë relativisht të fiksuara, por trupi që ata ndërtojnë nuk është, as mjedisi. Ky mjedis që ndryshon mund të ndryshojë trupin tonë (obeziteti është një shembull i mirë) dhe depërtojnë më tej, madje duke ndryshuar shprehjen e gjeneve. Ky është një proces i përjetshëm, por ka një interes të madh se si përvojat e hershme të jetës, si stresi ose ekspozimi ndaj ushqimeve me energji të lartë në fëmijëri apo edhe para lindjes nëpërmjet nënës, mund të kenë ndikime që zgjasin për një kohë të gjatë në jetën e të rriturve.

Stresi është një pjesë e pandashme e jetës. Mund të jetë i dobishëm sigurisht – është i nevojshëm për të mësuar dhe për të kujtuar, mbron nga rreziqet fizike të menjëhershme dhe mund të përgatisë trupin për një mungesë të ardhshme të burimeve. Por stresi kronik mund të ketë një efekt të dëmshëm, dhe që nga fillimi i jetës sonë deri në fund- lindja, fëmijëria dhe adoleshenca, marrëdhëniet, arsimi, puna, sëmundjet – stresorët mund të shumëfishohen dhe të shtypen.

Duke paralelizuar rritjen e stresit në shoqëritë e zhvilluara, sigurisht që ka një rritje në obezitet. Në Evropë prevalenca e obezitetit është rritur shumë në dekadat e fundit. Pjesa më e madhe e punës së nevojshme për të kuptuar obezitetin është ende përpara nesh, por ne tashmë e dimë për një numër të madh faktorësh të ndërlidhur që e nxisin atë. Këto përfshijnë ndikimin e stresit në ngrënie.

Stresi mund të rrisë ose zvogëlojë marrjen e ushqimit dhe, rrjedhimisht, peshën e trupit. Por gjatë periudhave të stresit kronik, duke pasur parasysh një zgjedhje midis ushqimit me sheqer të lartë, ushqimeve me yndyrë të lartë ose ushqimit të bardhë,tek një përqindje e konsiderueshme prej nesh rritet konsumimi i ushqimit me energji të lartë dhe për pasojë rritet pesha.

Kjo sjellje zakonisht quhet “ngrënie komfortuese/ngushëlluese”, ku njerëzit që ndihen vazhdimisht të shqetësuar apo ankthiozë duken të motivuar për të konsumuar ushqim të shijshëm. Për më tepër, shihet një efekt reciprok, ku ushqimi i shijshëm mund të shtypë reagimin normal të stresit fiziologjik. Me fjalë të tjera, ne mund të përdorim ushqimin për t’u vetë-mjekuar kundër stresit.

Mund të argumentohet se në moshë madhore, përgjigja jonë ndaj stresit është vendosur dhe se nëse duam të reduktojmë stresin tek të rriturit, ne duhet të ndërhyjmë në fëmijëri! Ekziston një pjesë e konsiderueshme provash shkencore që tregojnë se ekspozimi ndaj stresit hershëm gjatë jetës mund të programojë një përgjigje të shtuar në moshën e rritur.

D.Sh.M Albana Daka
Shefe e Rrjetit Laboratorik Spitali Amerikan

Page 16 of 16«‹14 1516