Spitali Amerikan, Author at American Hospital

Elastografia, teknologjia që lexon indet në organizëm nga Dr. Albana Shahini

Elastografia është një teknikë ekografike që përdor ultratingullin në kohe reale për të vlerësuar fortësinë e indeve në organizëm. Aparaturat ekografike të viteve të fundit me software të komplikuar përfshijnë dhe elastografinë në opsionet e tyre diagnostike duke i dhënë një ndihmesë mjekut radiolog në vendosjen e një diagnoze ekografike sa më të hershme dhe sa më të saktë. Duke aplikuar elastografinë arrijmë të shmangim biopsitë dhe citologjitë, pra në rastet kur dyshohet për patologji malinje, por që nuk rezultojnë të jenë të tilla në përfundim të ekzaminimeve anatomopatologjike.

Në cilat organe gjen përdorim?

Një nga aplikacionet më të shpeshta të elastografisë është ekografia e gjirit. Formacionet tumorale të gjirit të cilat vlerësohen me elastografi duke ju shtuar dhe karakteristikave të tjera ekografike si vaskularizimi Doppler, komprimimi, lëvizshmëria si edhe karakteristikat ekografike 2D, si ekogeniciteti i ulët, konturet e çrregullta, mikrokalcifikimet shtojnë ndjeshëm shanset që ky lezion të jetë malinj duke bërë kështu një diagnostikim të hershëm të patologjisë.
Organ tjetër ku mund të aplikohet elastografia ëshë glandula tiroide. Noduset e tiroideve janë mjaft të shpeshtë dhe me kalimin e viteve shtohet shpeshtësia e shfaqjes së tyre në individë të ndryshëm. Pjesa më e madhe e këtyre noduseve janë beninj dhe nuk kërkojnë ekzaminime apo trajtime të mëtejshme por një numër i vogël i tyre mund të kenë karakteristika malinje dhe elastografia ndihmon për të zbuluar pikërisht këto noduse problematike.
Aplikim tjetër i rëndësishëm i elastografisë është në organin e heparit apo mëlçisë. Elastografia bën vlerësimin kuantitativ të fortësisë apo shkallës së fibrozës së heparit duke ndihmuar kështu në shmangien e biopsive të heparit dhe duke orientuar mjekun specialist për një trajtim sa më adekuat të sëmundjeve kronike të heparit.

A kërkon përgatitje të veçantë?

Teknika e elastografisë nuk kërkon përgatitje specifike. Ajo kryhet në të njëjtën kohë me ekzaminimin ekografik standart dhe si e tillë zgjat kohën e ekzaminimit. Është teknikë që nuk shoqërohet me dhembje dhe nuk është invazive dhe si e tillë mund të aplikohet shumë lehtësisht gjatë çdo ekzaminimi ekografik.

Për më shumë informacion ose vizitë me Radiologen Albana Shahini kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Ngrirja e vezëve – Cilat femra? Kur? Përse?

By Spitali Amerikan - Të Reja

Ngrirja e vezëve (krioprezervimi ose ruajtja në ngrirje) është një fenomen gjithnjë e më shumë popullor tek femrat që vendosin të shtyjnë fillimin e një familje.

1. Cilat femra mund ti drejtohen ngrirjes së vezëve?

Femrat që mund të përfitojnë nga ngrirja e vezëve janë ato femra të cilat e vonojnë shtatzaninë për arsye se duhet të ndjekin arsimin e lartë, karrierrën ose edhe për qëllime personale (psh koha kalon dhe ende nuk ka gjetur partnerin e duhur), gjithashtu ngrirja e vezëve mund të ndihmojë femrat që i nënshtrohen terapisë kundër kancerit për të ruajtur fertilitetin e tyre.

2. Cila është mosha ideale?

Ngrirja e vezëve përpara moshës 35 vjeçare jep rezultate optimale. Sasia dhe cilësia e vezëve reduktohet me avancimin e moshës së femrës. Kështu që “ruajtja” e sa më shumë vezëve ofron siguri më të madhe pasi jo të gjitha vezët do ti rezistojnë procesit të shkrirjes (kur ato do të përdoren) dhe jo të gjitha ato që i mbijetojnë shkrirjes do të arrijnë të fertilizohen.

3. Sa kushton?

Ngrirja e vezëve kushton më pak se sa një cikël i plotë Fertilizimi In Vitro. Në shpenzime përfshihen konsulta me mjekun specialist, analizat rutinë, medikamentet stimulante (hormone) e vezoreve, procedura e aspirimit të ovociteve (vezëve) dhe ruajtja në ngrirje (krioprezervim) i tyre dhe pagesa simbolike vjetore.Kini parasysh se kushton shumë herë më pak se sa një Fertilizim In Vitro në moshën 40 vjecare!

4. Sa zgjat?

Zakonisht një cikël për ruajtjen e vezëve zgjat afërsisht 12 ditë gjatë së cilave ju duhet të vini për kontroll çdo 3-4 ditë. Kontrolli i rritjes së folikujve kontrollohet përmes ekografisë dhe analizave hormonale. Në fund të stimulimit, kur folikujt arrijnë dimensionet mature kryhet aspirimi i tyre nën anestezi.

5. A ka dhimbje apo efekte anësore?

Injeksionet hormonale janë të thjeshta dhe mund të bëhen vetë nga pacientja pa patur nevojë për personel mjeksor. Ato nuk shkatojnë dhimbje. Efekte anësore, kalimtare, janë stresi emocional dhe / ose gjendje rëndese në fund të barkut, sidomos në ditët e fundit të stimulimit.

6. Sa gjatë mund të ruhen vezët në ngrirje?

Studimet tregojnë se vezët mund të ruhen në ngrirje deri edhe 10 vite nga momenti i aspirimit.

7. Cfarë ndodh kur femra të jetë gati për një shtatzëni?

Në momentin që femra që ka ruajtur vezët në ngrirje për disa vite, ndjen se është gati për të patur një shtatzëni, atëherë paraqitet tek mjeku specialist për konsultë dhe analiza rutinë. Pas kësaj vijon një mjekim me tableta (orale) për dy – tre javë me qëllim përgatitjen e endometriumit (shtresës së brendshme të mitrës që është përgjegjëse për rritjen e embrionit). Kur endometriumi është gati, atëherë vezët e ruajtura shkrihen dhe i nënshtrohen fertilizimit në laborator me spermën e partnerit përmes teknikës ICSI. Disa ditë pas fertilizimit, kryhet transferta e embrionit në mitrën e pacientes.

8. Ku janë përfitimet e ruajtjes së vezëve në ngrirje?Përfitimet janë të shumta.

Nqs do të flasim për shanse suksesi, një femër ka më tepër shanse për një shtatzëni nqs vezët e saj janë në një moshë të re për shkak se në një moshë të tillë vezët (ovocitet) janë më të shumta në numër dhe me cilësi më të mirë. Pra nqs një femër në moshën 40 vjecare përdor vezët e saj që i ka të ruajtura në ngrirje që nga mosha 34 vjecare, në fakt ka shanset që do të kishte në moshën 34 vjecare! Pra në një farë mënyre femra arrin të “ndalojë” kohën.
Nqs do të flasim lidhur me anën financiare, stimulimi në moshën 40 vjecare është 2-3 fish më i shtrenjtë se sa në moshat nën 35 vjeç. Pra në këtë aspect ngrirja e vezëve ofron edhe përfitime financiare.
Përfitimi i fundit, por mbase më i rëndësishmi vlen sidomos tek ato femra që në moshë të avancuar (>38 – 40 vjece) të cilat mund të kenë një rezervë ovariane shumë të reduktuar ose edhe të kenë kaluar në menopauzë të parakohshme. Në mungesë të rezervës ovariane shtatzania do të ishte e mundur vetëm me vezë të dhuruara, por nqs një femër që ka ruajtur vezët në moshën 25 – 35 vjeçare sepse nuk ka gjetur partnerin e duhur, ose për arsye karriere etj etj, nqs ajo në moshën 40 vjecare do të kishte rezervë shumë të reduktuar ovariane ose edhe menopauzë të parakohshme, atëherë ajo nuk do të kishte nevojë për vezë të dhuruara, pasi do të mund të përdorte vezët e ruajtura në ngrirje.

Për më shumë informacion ose vizitë me Dr. Elton Peçi kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Si të mos keni më veshë llapush?

By Spitali Amerikan - Të Reja

Veshët llapush më tepër janë problem psikologjik sesa estetik. Personat me veshë llapush, zakonisht janë subjekt i vënies në lojë, veçanërisht fëmijët në moshë shkollore.

Disa prindër përdorin metoda ekstreme që të mund të korrigjojnë pamjen dhe formën e veshëve të fëmijëve të tyre. Vendosin llastikë në kokën e fëmijës së tyre, madje ka dhe nga ato raste më ekstreme veshët e fëmijëve të tyre i ngjitin me shirit ngjitës.

Ja disa mënyra për të shpëtuar nga veshët llapush:

Veshë llapush është gjëndja e formës së veshit si guackë tepër e dalë dhe e veçuar nga koka.•
Veshët llapush trashëgohen.
Askush nuk mund të ndikojë dhe as ta parandalojë këtë problem estetik.
Kirurgjia estetike: e vetmja zgjidhje për korrigjimin e veshit është kirurgjia estetike.
Mosha 6-të vjeçare është periudha më e mirë për kryerjen e këtij intervenimi, kërrci është më i butë dhe mund t’i jepet më lehtë formë.
Ndërhyrja kryhet nën anestezi të plotë ose lokale.

Me kirurgji estetike të veshëve mund të korrigjohet madhësia dhe pozicioni i tyre madje mund të modifikohen plotësisht në rast të lindjes me deformim apo në rast dëmtimi të rëndë.

Prerja bëhet pas veshit dhe ndahet lëkura nga kërrci. Me një mënyrë të veçantë modifikohet kërrci, madhësia dhe forma e tij, nëse është e nevojshme, një pjesë e kërrcit mund të mënjanohet në mënyrë që të marrë një formë më natyrale. Kur të ketë mbaruar rikonstruktimi i kërrcit, veshi ngjitet më afër kokës, pjesa tjetër e lëkurës mënjanohet dhe plaga qepet. Shenja ndodhet prapa veshit dhe me kalimin e kohës zhduket.

Ndërhyrja zgjat një deri në dy orë, në varësi të llojit të korrigjimit që duhet bërë.

Gjatë ndërhyrjes estetike:

Vetë ndërhyrja nuk është dhimbshme.
Kjo ndërhyrje mund të kryhet në çdo periudhë të vitit, por tek fëmijët rekomandohet gjatë periudhës së dimrit ose gjatë pushimeve verore.
Pas operacionit mund të shfaqet ënjtje në pjesën e pasme të veshit.
Komplikime të kësaj lloj ndërhyrje janë shumë të rralla.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

A janë të ndryshëm bebat me IVF? Nga Dr. Elton Peci

By Spitali Amerikan - Të Reja

Kjo është një nga pyetjet më të shpeshta që më drejtojnë pacientët gjatë konsultave për infertilitet. Që të ketë paragjykime dhe keqkuptime lidhur me Fertilizimin In Vitro kjo është më se normale. Një nga paragjykimet që takohet shpesh edhe në ata që lexojnë më shumë është se “bebat me IVF janë më pak normalë përderisa ata janë të konceptuar në mënyrë artificiale”. Disa madje shkojnë deri aty sa të mendojnë ose të shprehen se bebat edhe mund të prodhohen sipas kërkesave të ndryshme në laborator.

Ata që paragjykojnë procedurën e Fertilizimin In Vitro, mundohen të shpjegojnë paragjykimet e tyre me shprehjen se bebat me IVF nuk janë rjedhojë e një procesi natyral sic është kontakti seksual dhe përderisa teknikat laboratorike dhe / ose manipulimet medikale janë të nevojshme gjatë Fertilizimit In Vitro, bebat që lindin nga kjo teknikë nuk mund të jenë po aq normalë sa edhe ata të lindur në mënyrë natyrale.

Të gjitha këto paragjykime janë të pavërteta dhe totalisht non sens! Zakonisht kemi të bëjmë me një pjesë konservatore dhe jo shumë të lexuar të shoqërisë që ndajnë këto paragjykime.

Por e vërteta është totalisht ndryshe. Bebat me IVF janë po aq normalë sa edhe bebat e tjerë qoftë për sa i përket zhvillimit fizik por edhe atij mendor. Ata lindin njësoj si edhe bebat e konceptuar në mënyrë natyrale.

Është e vërtëtë se në Fertilizim In Vitro, gjinekologu specialist në mjeksinë riprodhuese transferon embrionin përmes një kateteri në brendësi të uterusit (mitrës) së femrës, por procesi i “implantimit dhe zhvillimit të embrionit është po aq normal sa edhe në rastet kur ndodh si pasojë e kontaktit seksual. Të gjithë duhet të kuptojnë se akronimi ART që përdoret për IVF do të thotë Teknikat e Riprodhimit të Asistuar (Assisted Reproductive Technology), dhe jo Teknikat e Riprodhimit Artificial (Artificial Reproductive Technology).

E vetmja diferencë midis IVF dhe fertilizimit natyral është se në rastin e IVF, spermatozoidet dhe ovocitet (vezët) fertilizohen në laborator nën vëzhgimin e embriologëve, pra, bashkimi i tyre ndodh në epruvetat laboratorike dhe jo në tubat e Fallopit sic ndodh në fertilizimin natyral. Fertilizimi In Vitro nuk bën gjë tjetër vetëm se bashkon spermatozoidet me vezët të cilat për arsye të ndryshme nuk mund të takohen në mënyrë spontane (qoftë për shkak të problemeve me numrin apo cilësinë e spermatozoideve dhe / ose të vezëve, të bllokimit të tubave të Fallopit dhe për shumë arsye të tjera.

Të gjitha këto janë arsye që vështirësojnë ose pamundësojnë arritjen e një fëmije përmes kontaktit seksual, ndaj edhe Fertilizimi In Vitro duhet të konsiderohet si një alternativë e kontaktit seksual.

Prej vitesh janë të shumta studimet që tregojnë se nuk ka asnjë ndryshim midis bebave të konceptuar përmes kontaktit seksual dhe atyre të konceptuar përmes Fertilizimit In Vitro, ndaj nuk ka motiv përse të jeni të shqetësuar për shëndetin dhe zhvillimin e fëmijëve që vijnë në jetë përmes Fertilizimit In Vitro.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com
Spitali Amerikan, përqafoje jetën!

Lip Filler

By Spitali Amerikan - Të Reja

Zmadhimi i buzëve është një procedurë kozmetike që mund të shtojë volumin në buzët tuaja dhe t’ju japë buzë më të plota.
Ka shumë lloje produktesh që mund të injektohen në buzët tuaja dhe rreth gojës tuaj, por mbushësit më të zakonshëm janë produktet që përmbajnë substanca të ngjashme me acidin hialuronik.Acidi hialuronik është një substancë natyrale që gjendet në trup dhe ndihmon në rritjen e vëllimit në buzët tuaja.

Këto lloje të mbushësve të lëkurës nganjëherë quhen “mbushës me acid hialuronik”.

Kolagjeni, dikur mbushësi më i zakonshëm, përdoret më rrallë sot, pasi alternativat e reja janë më të sigurta dhe efektet zgjasin më gjatë.
Injeksionet me rezerva dhjamore janë një metodë tjetër për të mbushur buzët.

Fillers me acid hialuronik mund të përmirësojnë pamjen e buzëve tuaja duke shtuar:

Formë
Strukturë
Vëllim

Efektet mesatarisht zgjasin mbi 9 muaj dhe me pas ka nevojë për injeksione të tjera.

Përfitimet e fillers me bazë acidi hialuronik përfshijnë:
Kontroll mbi vëllimin e buzëve.
Sasia e substancës së injektuar mund të kontrollohet, kështuqë mjeku ka kontroll më të mirë se sa vëllim i buzëvekrijohet.
Ritmi gradual i trajtimit.
Injeksionet mund të bëhen gradualisht gjatë takimeve të ndryshme derisa të arrihen rezultatet e dëshiruara.
Gunga që mund të krijohet treten lehtë.
Çdo gunga dhe gunga të krijuara nga lëvizja e buzëve mundtë shpërbëhen lehtë. Më pak mavijosje/enjtje.
Rezultate të qëndrueshme.
Për shkak se mbushësit e acidit hialuronik bëhen ngasubstanca të ngjashme me ato që gjenden në trup, nuk kagjasa të shkaktojnë një reaksion alergjik, por nëse jenialergjik ndaj lidokainës, informojeni mjekun paraprakisht.

Shumë e rëndësishme: Kontakoni mjekut e duhurJo të gjithë mund të realizojnë zmadhimin e buzëve, me rezultate të kënaqshme. Mjeku duhet të jetë kirurg plastik ose dermatolog.Është shumë e rëndësishme të kryeni këtë procedurë me mjek të kualifikuar dhe në hapësirat e duhura mjekësorë dhe me produkte cilësore, në mënyrë që rezultati të jetë i kënaqshëm.

Mos i besoni dikujt pa përvojë dhe pa kualifikimet e duhura!

Në Spitalin Amerikan dhe në Klinikën Vivia këto trajtime kryhen me produkte bashkëkohore, të çertifikuara dhe nga mjekë të kualifikuar.

Për më shumë informacion ose vizitë kontaktoni në: 042 35 75 35 ose klikoni në: rezervime.spitaliamerikan.com

Spitali Amerikan, përqafoje jetën!

Përfitoni ulje në Spitalin Amerikan me ABC News app

By Spitali Amerikan - Të Reja

Përfitoni ulje në Spitalin Amerikan me aplikacionin e ABC News.

Shkarkoni FALAS aplikacionin ABC News në Google Play dhe Apple Store dhe përfito 30% ulje në diagnostikë dhe 20% ulje në ndërhyrje kirurgjikale në çdo degë të Spitalit Amerikan.

Këtë verë qëndroni të informuar me ABC News dhe përfitoni ulje në çdo degë të Spitalit Amerikan.

Aplikacioni ABC News, duhet të jetë aktiv dhe prezent në celularin tuaj, në mënyrë që të përfitohet ulja.

Spitali Amerikan, përqafoje jetën!

Turizmi mjekësor në Shqipëri: Profesionalizëm dhe mikpritje

By Spitali Amerikan - Të Reja

Zgjedhja nuk është aspak e vështirë. Spitali Amerikan tashmë nuk është zgjedhje e parë vetëm e shqiptarëve.

Shërbimi cilësor dhe përkushtimi bashkë me historitë e suksesit kanë bërë që jehona të dalë përtej kufijve dhe Spitali Amerikan të jetë preferencë edhe e të huajve.

Një qytetar italian nga Roma rrëfen eksperiencën e tij kur fillimisht erdhi për të rregulluar dhëmbët, por më pas vendosi që të bënte edhe një ndërhyrje estetike në Spitalin Amerikan ku shprehet se mbeti shumë i kënaqur nga struktura dhe mikpritja. “Quhem Mauricio dhe vij nga rrethinat e Romës. Kam qenë më parë në Shqipëri në një klinikë dentare për të rregulluar dhëmbët. Dhe duke qenë se jam ndjerë shumë mirë vendosa që të kryej edhe këtë ndërhyrje estetike që quhet, Blefaroplastika.

Jam shumë i kënaqur nga ndërhyrja, të gjitha janë mikpritës. Shërbimet dhe struktura janë me kushte optimale dhe personeli është shumë i edukuar dhe profesional. Uroj që të shërohem shpejt” shprehet Mauricio.

Por qytetari italian në fjalë nuk është i vetmi i huaj që ka zgjedhur Shqipërinë dhe Spitalin Amerikan për t’i besuar shëndetin, shumë qytetarë të huaj zgjedhin Spitalin Amerikan për ndërhyrje plastike estetike, operacionet për humbjen e peshës dhe procedurat e Fertilizimit in Vitro (IVF), profesionalizmi, përkushtimi ndaj pacientëve dhe çmimet preferenciale bëjnë që Turizmi Mjekësor në Shqipëri të zhvillohet si asnjë vend tjetër.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Hemangioma

By Spitali Amerikan - Të Reja

Hemangioma është një shenjë e kuqe e ndezur që shfaqet në lindje, në javët e para ose në muajt e pare te jetës. Duket si një gungë gome qe përbëhet nga enë gjaku shtesë në lëkurë.Një hemangioma mund të ndodhë kudo në trup, por më shpesh shfaqet në fytyrë, kokë, gjoks ose shpinë. Trajtimi për hemangiomën e foshnjës (hemangioma infantile) zakonisht nuk është i nevojshëm te trajtohet pasi zbehet me kalimin e kohës.

Një fëmijë i cili ka njolla te kuqe (hemangioma) në shumicën e rasteve mund të zhduken brenda moshës 10 vjeçare.SimptomatFillon që në lindje, ose në javët e para, si një shenjë e kuqe e sheshtë, ose e ngritur, mund të gjendet kudo në lëkurë, që zakonisht në disa fëmije mund të ketë vetëm një shenjë të kuqe. Në disa fëmijë të tjerë, mund të kenë më shumë se një shenjë, veçanërisht nëse janë fëmijë pas lindjes së dytë, ose më shumë se binjakë.

Gjatë vitit të parë të fëmijës, shenja e kuqe rritet shpejt, si një gunga sfungjerore, me pamje gome që del në lëkurë.Hemangioma pastaj hyn në një fazë pushimi dhe më vonë ajo fillon të zbehet ngadalë.

Hemangiomat nuk mund të gjenden vetëm në lëkurë, por dhe brenda trupit, që mund të shfaqen me simptoma specifike të organit që është prekur, për shembull, një hemangioma që prek traktin gastrointestinale ose mëlçinë mund të shfaqet me simptoma të tilla si:

nauze
të vjella
parehati në bark
humbje e oreksit

Kur të shkoni te mjeku: Mjeku i fëmijës tuaj të porsalindur, duhet të monitorojë hemangiomat gjatë kontrolleve rutinë.

Nëse hemangioma: zmadhohet duke rrjedhur gjak, formon plagë duke u infektuar, ose fëmija ka ndryshime apo dëmtime në shikim, frymëmarrje apo dëgjim, duhet të kërkoni kujdes mjekësor më të specializuar!

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Anemia tek fëmijët prematurë – Dr. Shkc. Sotiraq Lako

By Spitali Amerikan - Të Reja

Anemia përkufizohet si pakësim i qelizave të kuqe të gjakut (dhe hemoglobinës). Qelizat e kuqe të gjakut (hemoglobina) janë përgjegjëse për transportimin e oksigjenit në qelizat dhe indet e trupit, dhe mungesa e tyre mund të çojë në dobësi, lodhje, vështirësi në frymëmarrje, rrahje të shpejta të zëmrës, dhimbje gjoksi, marrje mëndsh, dhimbje koke (pjesa e pasme e kokës) dhe komplikime të tjera. Në foshnjat prematurë, ndërlikimet mund të jenë më të mëdha, duke rezultuar në probleme të zhvillimit fizik.

Shkaqet

Nuk është e pazakontë që të porsalindurit të kenë anemi të lehtë. Për shkak të rritjes së shpejtë të trupit, pakësimit/mungesës së hekurit tek nëna (në ushqyerjen me gji), pakësimi i hekurit tek i porsalinduri, për rrjedhojë dhe anemia nga mungesa e hekurit, janë të pritshme.

Tek fëmijët prematurë, mundësia e zhvillimit të anemisë është më e madhe. Tek fëmijët prematurë akoma nuk kanë ndodhur ndryshimet biologjike të nevojshme për të prodhuar qeliza të reja të gjakut të pavarura nga nëna e tyre. Disa nga këto ndryshime ndodhin në javët e fundit të shtatzënisë, përfshirë fazën kur prodhimi i qelizave të kuqe të gjakut transferohet nga mëlçia në palcën e kockave. Këto boshllëqe në zhvillimin e fetusit mund të çojnë lehtësisht në shfaqje të anemisë.

Nevoja për të marrë kampione të shpeshta të gjakut për të kryer testet e nevojshme laboratorike gjatë kujdesit intensiv neonatal mund ta përkeqësojnë aneminë.

Simptomat dhe Diagnoza

Klinika e anemisë është e shkallëve të ndryshme. Mund të manifestohet me:

Zbehtësi
Takikardi (një rrahje e shpejtë e zemrës)
Takipnea (rritëm i shpejtë i frymëmarrjes)
Apnea (ndërprerje e frymëmarrjes ose parregullsi e frymëmarrjes)
Bradikardia (rrahje më e ngadaltë se norma normale e zemrës)
Humbja e peshës dhe mungesë zhvillimi fizik
Problem në ushqyerjen për shkak të dobësisë dhe letargjisë
Një nevojë e shtuar për mbështetje të frymëmarrjes.

Anemia diagnostikohet nga një test standard i gjakut periferik, i cili mat numrin e qelizave të kuqe të gjakut, vlerën e hemoglobinës, si dhe përqindjen e qelizave të kuqe të gjakut në një kampion gjaku (hematokriti). Një test i rëndësishëm është përcaktimi i ferritinemia, treguesi më i mirë i pakësimit të hekurit kur vlera është e ulur.

Trajtimi dhe parandalimi

Foshnjet e lindura brenda afatit zakonisht nuk kërkojnë trajtim për anemi. Për sa kohë që foshnja merr hekur mjaftueshëm përmes qumështit të gjirit ose formulës së pasuruar me hekur ose ushqimeve, anemia zakonisht përmirësohet vetë.

Tek foshnjet prematurë anemia duhet të trajtohet. Ndër opsionet e trajtimit:

Transfuzioni i gjakut është mënyra më e shpejtë për të rritur numrin e qelizave të kuqe të gjakut tek një foshnje. Gjatë një transfuzioni, qelizat e kuqe të paketuara të gjakut nga gjaku i dhuruesit kalohen përmes një linje intravenoze (IV).
Terapia hormonale mund të sigurohet në formën e eritropoetinës njerëzore rekombinante (rhEPO), një lloj glikoproteine që stimulon prodhimin e qelizave të kuqe të gjakut. Avantazhi i rhEPO është se ai mund të ndihmojë në uljen e numrit të transfuzioneve që i duhet një foshnje prematurë, megjithëse kërkon kohë për të punuar dhe mund të jetë shumë i shtrenjtë.
Shtesat e hekurit gjithashtu mund t’u jepen foshnjave për të ndihmuar në rritjen e shpejtë të numrit të qelizave të kuqe të gjakut.
Shtrëngimi i vonuar i kordonit (afërsisht 120 deri në 180 minuta pas lindjes) është zbuluar se përmirëson sasinë e hekurit dhe zvogëlon nevojën për transfuzion gjaku, veçanërisht tek foshnjat premturë ose nën peshë.

Për më shumë informacion ose vizitë me Dr. Shkc. Sotiraq Lako, mjek hematolog, kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Prolapsi genital

By Spitali Amerikan - Të Reja

Prolapsi gjenital (prolapsi i organeve pelvike) është një gjendje shumë shqetësuese për femrat pasi ndikon direkt në cilësinë e jetës. Normalisht, organet pelvike si: fshikëza e urinës, mitra(uterusi) dhe rektumi mbahen në pozicion normal përmes një grupi muskujsh dhe ligamentesh, kur këto muskuj dhe ligamente dobësohen, siç ndodh me kalimin e viteve, organet e mësipërme mund të rrëshqasin dhe të prolabojnë përmes vaginës.

Çfarë është mitra e prolapsuar?

Prolapsi i mitrës mund të jetë i paplotë ose i plotë. Një prolapsë jo e plotë ndodh kur mitra vetëm pjesërisht bie në vaginë. Një prolapsë e plotë ndodh kur mitra bie aq poshtë sa që disa inde dalin jashtë vaginës.

Cilat janë simptomat e prolapsit të mitrës?

Gratë që kanë një prolaps të vogël të mitrës mund të mos kenë asnjë simptomë, por zakonisht mund të shkaktojë simptoma, të tilla si:

ndjenja se jeni ulur në një top
gjakderdhje vaginale
shkarkimi i shtuar
probleme me marrëdhëniet seksuale
mitra ose qafa e mitrës që del nga vagina
një ndjesi tërheqëse ose e rëndë në legen
kapsllëk ose vështirësi në jashtëqitje
infeksione të përsëritura të fshikëzës Nëse zhvilloni këto simptoma, duhet të shihni mjekun tuaj dhe të merrni trajtim menjëherë. Pa vëmendjen e duhur, gjendja mund të dëmtojë zorrët, fshikëzën dhe funksionin tuaj seksual.

Cilat janë llojet e prolapsit gjenital?

Në varësi të organit që “rrëshqet” kemi disa lloje prolapsesh:

CISTOCELA– është prolapsi i fshikëzës së urinës në vaginë duke krijuar një “fryrje” në murin anterior të vaginës. Është lloji më i shpeshtë i prolapsit gential

REKTOCELA– është prolapsi i rektumit në vaginë duke krijuar një “fryrje” në murin posterior të vaginës.

PROLAPSI UTERIN– është prolapsi i mitrës, situatë kjo e cila nënkupton “rrëshqitjen” e mitrës në vaginë.

Si trajtohet prolapsi?

Format minore mund të trajtohen përmes ushtrimeve Kegel ose vendosjes së pezarit. Pezari është unazë silikoni që vendosët në brendësi të vagjnës dhe ka për qëllim suportin e mitrës. Format e avancuara trajtohen me anë të kirurgjisë.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Page 4 of 16«‹2 345 6 ›»