Spitali Amerikan, Author at American Hospital

Sëmundjet anorektale në shtatzëni, pas lindjes dhe trajtimi i tyre – MD. PhD. Lida Shosha

Dy të tretat e grave shtatzëna kanë simptoma anale gjatë shtatzënisë dhe pas lindjes. Problemet më të zakonshme proktologjike të raportuara janë hemorroidet, fisurat anale, inkontinenca anale, sëmundje inflamatore. Absceset anale janë relativisht më të rralla gjatë shtatzënisë.

Shtatzënitë e vonshme kanë tendencë të çojnë më tej zhvillimin e sëmundjeve anorektale me prolapse eksterne hemorroidale të trombozuara, me strangulacion dhe nekrozë të noduseve hemorroidale. Simptomat anorektale më të rënda mund të përjetohen gjatë shtatzënisë së parë ose menjëherë pas lindjes.

Trajtimi mjekësor në kujdesin emergjent është trajtim simptomatik për prolapsin hemorroidal hemoragjik, ndërsa për prolapsin ekstern të trombozuar nëse trajtimi konservativ nuk është i efektshëm, atëherë mund të bëhet trombektomi eksterne, të lirohet pacientja nga dhimbja e fortë, për abcesin perianal bëhet drenazhi kirurgjikal. Në përgjithësi tentohet të mbahet një qëndrim konservativ në drejtim të trajtimit të pacienteve shtatzënë.

Shtatzënia dhe lindja nuk janë në vetevete shkaqet primare të sëmundjes së vërtetë hemorroidale dhe komplikacioneve anorektale. Faktori themelor etiologjik është shtrati venoz i dëmtuar më herët. Një histori e kujdesshme do të nxjerrë anamneze hemorroidale familjare në shumicën e rasteve, ose histori personale më të hershme. Ndryshimet hormonale dhe anatomike të shtatzënisë kanë një ndikim të thellë në anorektum duke e bërë sëmundjen hemorroidale ndërlikimin më të zakonshëm anorektal të shtatzënisë.

Fryrja e madhe e noduseve hemorroidale gjatë shtatzënisë është mjaft e zakonshme, kalimtare dhe kërkon vetëm një trajtim konservativ. Komplikimet serioze kërkojnë diagnozë endoskopike pavarësisht nga shtatzënia. Përvoja dhe studimet klinike dëshmojnë se sëmundja hemorroidale e komplikuar gjatë shtatzënisë duhet t’i nënshtrohet një trajtimi kirurgjik, që mund të kryet në mënyrë të sigurt pas tremujorit të dytë të shtatzënisë. Nëse është konstatuar sëmundja hemorroidale e avancuar, korrigjimi duhet të bëhet para një shtatzënie pasuese për të shmangur përkeqësim e mëvonshëm të kësaj sëmundje. Nëse ndodh një absces, drenazhimi kirurgjikal duhet të bëhet pa vonesë. Kirurgjia e fistulatve mund të trajtohet pas lindjes.

Polipet kolorektale, neoplazia malinje dhe koliti ulçeroz janë të pranishme më rrallë gjatë shtatzënisë. Këto patologji nuk ndryshohen nga shtatzënia dhe duhet të trajtohen gjithmonë në baza individuale. Nëse ekziston një problem diagnostikues në lidhje me një situatë serioze kolorektale, një proktosigmoidoskopi është e sigurt dhe nuk duhet të evitohet. Vonesa në diagnostikimin e polipozës së rektumit ose tumoreve malinje mund të rezultojë në avancim të lezionit malinj që mund të kompromentojë seriozisht jetën e gruas. Studimet roentgenologjike natyrisht duhet të shtyhen deri pas lindjes, përveç për kushtet jashtëzakonisht urgjente. Trajtimi kirurgjik për sëmundjen hemorroidale të komplikuar që nuk përmirësohet pas trajtimit konservativ mund të kryhet në mënyrë të sigurt gjatë e pas tremujorit të dytë të shtatzënisë. Nëse operacioni shtyhet deri pas lindjes se gruas preferohet javën e tetë deri në javën e dhjetë të paslindjes. Mirë është të bëhet një trajtim përfundimtar kirurgjikal i hemorroides në mes të shtatzënive. Në një studim u konstatua, se kur hemorroidektomia bëhet në mes të javës së katërmbëdhjetë dhe të tridhjetëedytë të shtatzënisë, 85% e të gjitha grave multipare referuan që kishin patur simptomat e para të rënda gjatë shtatzënisë së parë ose në lindjen e parë. Nëse në shtatzënitë e mëparshme gruaja ka bërë episode serioze të sëmundjes hemorroidale këshillohet operacion, hemoroidektomia profilaktike para një shtatzënie pasuese edhe nëse sëmundja është në fazë të qetë.

Është shumë i rëndësishëm, informimi i stafeve mjekësore që merren me shëndetin e gruas shtatzënë dhe lindjen mbi problematikat më të zakonshme anorektale gjatë shtatzënisë, lindjes dhe periudhës postpartum, identifikimi i faktorëve të rrezikut për zhvillimin e simptomave anale dhe trajtimi i duhur i tyre. Në një studim, me gratë shtatzëna dhe postpartum u konstatua se 68% e grave zhvilluan simptoma anale gjatë gjithë periudhës së studimit. Simptoma më komune ishte dhimbja anale, kapsllëku, shtrëngimi në defekim, feçe të forta, zbrazje jo e plotë, moskontrollimi i gazeve apo feçeve të lëngëta, sekrecione në të mbathura, pruritus, hemoragji, diskomfort perianal. Fenomenet e kapsllëkut janë më të shprehura në tremujorin e parë, ndërsa inkontinenca anale në tremujorin e tretë, por inkontinenca ndaj gazeve dhe feçeve është më shprehur në postpartum. Diagnoza më e shpeshtë është trombozë hemorroidale me prolapse hemorroidale sidomos në tremujorin e tretë dhe pas lindjes dhe fisura anale sidomos pas lindjes. Konstipacioni dhe një histori të problemeve anale të mëparshme janë faktorë të rëndësishëm rreziku për zhvillimin e ankesave anale gjatë shtatzënisë dhe pas lindjes.

Simptomat anorektale janë të zakonshme si gjatë shtatzënisë ashtu edhe në periudhën pas lindjes. Dy të tretat e grave shtatzënë kanë simptoma anale gjatë shtatzënisë ose pas lindjes, sidomos komplikimet hemorroidale dhe fisure anale janë nga më të zakonshme gjatë tremujorit të fundit të shtatzënisë dhe 1 muaj pas lindjes. Kjo prevalencë e lartë thekson rëndësinë klinike të këtij problemi. Faktori më i rëndësishëm i rrezikut për zhvillimin e patologjive anorektale është konstipacioni apo kapslleku, lindja e të porsalindurit me peshë mbi >3800 g, shtrëngimi i theksuar gjatë lindjes për më shumë se 20 minuta, lindjet me forceps, episiotomia, laceracioni perianal etj. Rekomandohet një vëmendje e duhur në drejtim të simptomatologjisë anorektale që paraqesin gratë dhe konsultimi në kohë me mjekun koloproktolog për t’u trajtuar në kohë, evituar komplikacionet dhe lehtësuar vuajtjet nga patologjitë anorektale të cilat shpesh janë shumë më të mëdha sesa vetë shtatzënia.

Për më shumë informacion ose vizitë me MD. PhD, Lida Shosha kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

#LidaShoshaMDPhD
#SpitaliAmerikan1

Shpëtoni nga mbipesha! Spitali Amerikan ka zgjidhjen e duhur me kirurgjinë bariatike.

By Spitali Amerikan - Të Reja

Në muajin shkurt, Spitali Amerikan vjen me një ofertë speciale për të gjithë ata që duan të humbin peshë, por nuk ia kanë arritur deri më sot.

Paketa përmban:

Ndërhyrjen Laparoskopike Sleeve Gastrectomy me qëndrim në spital deri në 3 netë.
Echo abdomeni totale
Gastroskopi me anestezi

Paketa kushton 5.200 euro dhe është e vlefshme nga data 1 deri më 28 shkurt 2021.

Sleeve Gastrectomy Laparoscopike (SGL) është një ndërhyrje e llojit restriktive, në të cilën stomaku formohet në formë tubi dhe ka një volum të reduktuar. Ndërhyrja kryhet me teknike Laparoskopike dhe parashikon heqjen e një pjese të madhe të stomakut ndërmjet një resecioni, realizuar me ndihmën e suturatriceve/qepëseve mekanike.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Dr. Edjon Hajro – Procedura e pacemakerit ( bateria e zemrës)

By Spitali Amerikan - Të Reja

Pacemakeri kardiak ose e njohur ndryshe si bateria e zemrës është një pajisje e vogël që vendoset nën lëkurë në anën e majtë ose të djathtë të kraharorit tuaj për të ndihmuar ritmin e zemrës.

Kjo pajisje ndihmon zemrën tuaj të rrahë më rregullisht kur rrahjet e zemres janë tëë ulta ose kur keni një rrahje zemre të çrregullt (aritmi) .

Vendosja e pacemaker kryhet me anë të një procedure kirurgjikale.

Pacemaker vendosen për të ndihmuar në kontrollimin e rrahjeve të zemrës. Ato mund të vendosen përkohësisht për të trajtuar një ritëm të ngadaltë të zemrës që mund të shkaktohet nga mosha (pleqëria), nga një infarkt në zemër, operacioneve në zemër( bypass ose operacione të valvulës) ose mbidozës së ilaçeve.

Zemra është një organ muskulor, me madhësi të grushtit me katër dhoma, dy në anën e majtë dhe dy në të djathtë. Dhomat e sipërme (veshore e djathtë dhe e majtë) dhe dhomat e poshtme (barkushet e djathtë dhe të majtë) punojnë të kordinuara me njëra-tjetrën nëpërmjet sistemit elektrik të zemrës tuaj për të mbajtur rrahjet e zemrës suaj në një shpejtësi të përshtatshme – zakonisht 60 deri në 100 rrahje në minutë për të rriturit në gjendje qetësie.

Sistemi elektrik i zemrës fillon me nyjen e sinusit (njëë grup qelizash në pjesën e sipërme të veshores së djathtë) dhe duke u përhapur në pjesën e poshtme në nyjen atrioventrikulare duke bërë që ajo të kontraktohet dhe të pompojë gjak.

Çfarë funksioni ka një pacemaker?

Një pacemaker i zemrës imiton/zëvendëson veprimin e sistemit tuaj elektrik natyror.

Një pacemaker përbëhet nga dy pjesë:

Gjeneratori: Kjo pajisje e vogël përmban një bateri dhe qark elektrik që percepton ritmin e zemres dhe në rast tëë uljeve tëë rrahjeve rregullon shpejtësinë e tyre duke dërguar impulse elektrike në zemrën tuaj.

Elektroda(t): Një deri në tre tela fleksibël, të izoluar vendosen secila në një dhomë, ose në dhomat e zemrës dhe përçojnë impulset elektrike të prodhuara nga gjeneratori, për të rregulluar rrahjet e zemrës suaj.

Pacemaker-et punojnë vetëm kur është e nevojshme. Nëse rrahjet e zemrës suaj janë shumë të ngadalta (bradikardi), bateria e zemrës dërgon sinjale elektrike në zemrën tuaj për të korrigjuar rrahjet. Pacemakeri nuk ka rol kur rrahjet janë të larta,(në përjashtim të defibrilatorit kardiak (ICD) që është i ngjashëm me pacemakerin, por që vendoset tek pacientët me aritmi). Gjithashtu, pacemaker më të rinj kanë sensorë që zbulojnë lëvizjen e trupit ose ritmin e frymëmarrjes, të cilët sinjalizojnë stimuluesit e ritmit për të rritur rrahjet e zemrës gjatë ushtrimeve, sipas nevojës.

Rezultatet

Vendosja e një pacemaker përmirëson simptomat e shkaktuara nga rrahjet e ngadalta të zemrës, si lodhja, marrje mendsh dhe humbja e ndjenjave kur ato shkaktohen nga rrahjet e ulëta.

Kardiologu duhet të kontrollojë baterinë e zemrës çdo tre deri në gjashtë muaj si fillim dhe më pas një herë në vit.

Jetëgjatësia e pacemakerit ndryshon në varësi të periudhës që futet në punë mesatarisht shkon 8-10 vjet. Kur bateria konsumohet duhet një ndërhyrje për ta zëvendësuar gjeneratorin e baterisë. Procedura për të ndryshuar baterinë e stimuluesit të zemrës tuaj shpesh është më e shpejtë dhe kërkon më pak kohë shërimi sesa procedura për të vendosur pacemaker.

Meqenëse shumica e pacemaker të sotëm automatikisht rregullojnë rrahjet e zemrës tuaj që të përputhen me nivelin e aktivitetit tuaj fizik, ato mund t’ju lejojnë të rifilloni një mënyrë jetese më aktive.

Për më shumë informacion ose vizitë me Dr. Edjon Hajro, kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Shpëtoni nga mbipesha! Kirurgjia bariatike një zgjidhje e mirë.

By Spitali Amerikan - Të Reja

Sleeve Gastrectomy Laparoscopike (SGL) është një ndërhyrje e llojit restriktive, në të cilën stomaku formohet në formë tubi. Teknika SGL është shpikur në fillim në Angli dhe më vonë është përdorur edhe në shtete të tjera si SHBA, Gjermani dhe Belgjikë. Ndërhyrja mund të kryet me teknike Laparoskopike dhe parashikon heqjen e një pjese të madhe të stomakut ndërmjet një resecioni, realizuar me ndihmën e suturatriceve/qepëseve mekanike. Pjesa e mbetur e stomakut merr formën e një tubi dhe me një volum shumë të reduktuar, me një kapacitet rreth 100/150 ml. Kjo procedurë nuk është e kthyeshme ngaqë një pjesë e madhe e stomakut hiqet. Nervat e stomakut dhe pilori, “valvula e daljes”, janë të paprekura në mënyrë që të ruhet funksioni i stomakut edhe pse volumi është i reduktuar.

Avantazhet

Nuk përdoren proteza si në ndërhyrje të bendazhit gastrik
Eliminihet pjesa e stomakut që prodhon hormonin që stimolon urinë (Grelina)
Nuk ka Dumping Sindromë, sepse pilori ruhet
Risku për ulçër është minimal
Risk minimal për anemi, osteoporozë dhe defiçit proteinik dhe të vitaminave
Efikasitet të lartë si ndërhyrje e parë në pacientët me BMI të lartë (>50-60)
Rezultate të mira si ndërhyrje e vetme në pacientët me BMI të ulët (35-45)
Indikacion kirurgjikal për pacientët me anemi, sëmundjen e Crohn dhe patologji të tera për të cilat ndërhyrja e By Pass Gastrik është me risk të lartë
Mund të konvertohet në një ndërhyrje tjetër, si për shembull një Gastrik ByPass ose Duodenal Sëitch. Reduktohet rreth 50% – 80% e mbipeshës në tre vjet. Mundësia që stomaku të ridimensionohet dhe të ketë një rimarrje të peshës trupore.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Histori suksesi në Spitalin Amerikan – Dr. Artan Jahollari

By Spitali Amerikan - Të Reja

COVID-19 i zbuloi sëmundjen e fshehtë të zemrës: Pacienti Hyqmet Shalja operohet me sukses në Spitalin Amerikan 3

Ne fund të nëntorit të vitit të kaluar pacienti Hyqmet Shalja u infektua me Covid 19, me pasojë prekje të konsiderueshme të mushkërive (50%) dhe rënie të theksuar të oksigjenimeve. Për këtë arsye 64-vjeçari iu nënshtrua trajtimit me oksigjen, antibiotikë intravenoze, antikoagulantë etj, por në fund të javës së dytë të infeksionit pësoi dhimbje gjoksi dhe vështirësi në frymëmarrje.

Pas diagnostikimit me infarkt akut të miokardit ai iu nënshtrua koronarografisë e cila tregoi ngushtime serioze në arteriet koronare (enët që furnizojnë zemrën me gjak). Penumonia e COVID 19 duke e sforcuar shumë organizmin, nxori në pah dhe përkeqësoi sëmundjen e arterieve koronare e cila kish mbetur e fshehtë deri atëherë. Duke patur parasysh gjendjen e përgjithshme jo të mirë si dhe fazën aktive të infeksionit fillimisht u trajtua me terapi i hospitalizuar e më pas në shtëpi. Pas 1 muaji gjendja e përgjithshme e tij erdhi duke u përmirësuar dhe pacienti iu nënshtrua operacionit në zemër për trajtimin përfundimtar të problematikës me arteriet koronare.

Pacientit ju krye bypass koronar i trefishtë pa ndalur zemrën me tekniken off-pump (OPCABGX3). Operacioni u krye me sukses nga kirurgu kardio-vaskular Dr.Artan Jahollari dhe pacienti rikuperoi shpejt duke lënë spitalin pas 7-të ditësh nga ndërhyrja.

Teknika e bypassit off-pump, krahas bypassit klasik (on-pump), praktikohet rutinë në Spitalin Amerikan 3 nga Dr.Artan Jahollari.

Kjo teknikë ofron rikuperim dhe rehabilitim të shpejtë e siguron avantazhe sidomos në rastet me rrezikshmëri të lartë dhe me sëmundje bashkëshoqëruese.

Për më shumë informacion ose vizitë me kirurgun kardio-vaskular, Dr. Artan Jahollari kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Kirurgjia estetike e hundës (Rinoplastika) – Dr. Rezarta Kapaj

By Spitali Amerikan - Të Reja

Kirurgjia e hundës (teknikisht e quajtur Rinoplastikë) është operacioni i hundës për të ndryshuar formën ose për të përmirësuar funksionin e saj.
Mund të bëhet për arsye mjekësore – të tilla si për të korrigjuar problemet e frymëmarrjes në lidhje me hundën ose për të korrigjuar nje defekt që rezulton nga trauma ose defekte të lindjes. Mund të bëhet edhe për arsye estetike, të cilat do të ndryshojnë formën dhe pamjen e hundës.

Vendimi për Rinoplastikë.

Nëse po mendoni të bëni Rinoplastikë, caktoni një takim me kirurgun tuaj për ta diskutuar atë. Gjatë atij takimi, flisni për qëllimet tuaja dhe tregojini mjekut se çfarë ju shqetëson për hundën tuaj dhe si dëshironi ta ndryshoni atë. Mbani në mend se nuk ka diçka të tillë si hundë e përsosur. Kirurgjia plastike, mund të përmirësojë tiparet e fytyrës dhe të theksojë bukurinë tuaj unike dhe natyrore. Një kirurg plastik mund të përshkruajë tiparet e fytyrës që ju bëjnë unike dhe t’ju tregojë se si ndryshimet do të përmirësonin pamjen tuaj. Kirurgu do të vlerësojë strukturën e hundës tuaj dhe tiparet e tjera të fytyrës. Pas këtij vlerësimi, ata mund t’ju tregojnë nëse pritshmerite tuaja janë reale. Kirurgu gjithashtu do të marrë në konsideratë shëndetin tuaj të përgjithshëm dhe duhet të diskutojë me ju rreziqet, kohën e shërimit dhe kostot e përfshira.

Rinoplastika: Hap pas Hapi

Rinoplastika duhet te kryhet në një qendër spitalore të mirëfilltë. Me anestezi të përgjithshme ose lokale. Me anestezi të përgjithshme, do të flini gjatë operacionit. Me anestezi lokale, ju do të qetësoheni dhe hunda juaj do të jetë e mpirë kështu që të jeni të relaksuar dhe nuk do ndjeni dhimbje.
Gjatë operacionit, kirurgu bën prerje brenda vrimave të hundës. Në raste më të vështira, kirurgu mund të bëjë edhe prerje nëpër bazën e hundës. Kirurgu pastaj riformon kockën e brendshme dhe kërcin për të prodhuar një pamje sa më të këndshme.

Rikuperimi pas Rinoplastikës

Pas ndërhyrjes, pacientët zakonisht mbajnë një mbulese në hundë për javën e parë. Mund të keni ënjtje dhe disa mavijosje rreth syve pas operacionit që do të fillojnë të përmirësohen pas ditës së tretë. Forma përfundimtare e hundës suaj do të jetë e dukshme pasi të jetë shëruar plotësisht. Duhet të shmangni aktivitetin fizik për tre deri në gjashtë javë pas operacionit.

Kirurgjia estetike e hundës në Spitalin Amerikan kryhet nga Dr. Rezarta Kapaj, kirurge plastike rikonstruktive.

Për më shumë informacion ose vizitë me Dr. Rezarta Kapaj kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Hiperferritinemia nga Dr. Shkc. Sotiraq Lako

By Spitali Amerikan - Të Reja

Në një kohë kur të gjithë kryejnë analiza dhe kërkojnë të dijnë më shumë për rezultatet tyre, Dr. Shkc. Sotiraq Lako, mjek hematolog në Spitalin Amerikan flet për mungesën e hekurit në gjak dhe analizën e ferritinës.

Mungesa e hekurit (absolute) e identifikuar me Hipoferritinemia, është deficiti më i madh mjekësor dhe problemi mjekësor me i keqmësuar, keqvlerësuar dhe i keqtrajtuar (të gjithë përpiqen, por me dështim pothuaj 100%).

E kundërt, Hiperferritinemia, rritjen e nivelit të ferritinës në gjak. Është e shpeshtë (jo sa deficiti i hekurit), por që është po aq e keqmësuar dhe keqtrajtuar. Për të vlerësuar, e vlerësojnë, kanë frikë të gjithë.

Problematika

Problemi fillon që te termi: ferritina është proteinë brendaqelizore (kryesisht te hepatocitet, qelizat e mëlçisë), që siguron depozitimin e hekurit në një formë jo toksike. Ne analizat e gjakut shkruhet “ferritina”, në fakt duhet shkruar “ferritinemia”; siç e bëjnë dhe me termin glicemia (ne matim glukozën në gjak = glicemia, nuk matim glukozën e depozituar (glikogjenin, glikolipidet).

Treguesit

Ferritinemia është ferritina (sasi shumë e vogël në krahasim me atë që është depo, përfaqëson afërsisht 1/10 e depove të hekurit përkatësisht 600 mg hekur tek femrat dhe 1,200 mg tek meshkujt) që qarkullon në gjak dhe që ne e matim në laborator.

Ne nuk matim ferritinën në mëlçi etj., por ferritineminë (ferritinën qarkulluese). Vlera minimale normale për femrat 20 ng/ml, tek meshkujt 40 ng/ml (dy herë më shumë) dhe vlera optimale për femrat rreth 60 ng/ml dhe tek meshkujt rreth 120 ng/ml. Ferritinemia e ulur (< 20 ng/ml tek femrat dhe < 40 ng/ml tek meshkujt) = mungesë absolute e hekurit. Por ferritinemia (jo ferritina) e rritur nuk është vetëm tregues i mbingarkesës absolute të hekurit, ajo është dhe tregues i inflamacionit. Pra jo çdo hiperferritinemia është baras me mbingarkesë me hekur, pra me rrezikun e dëmtimit të organeve nga depozitimi i hekurit (mëlçi, zemër, pankreas, lëkurë). Pacientë të frikësuar nga rritja e ferritinemisë dhe mjekë që u thonë shpejt të bëjnë heqje të gjakut! (dhe kur ka depozitim të vërtetë të hekurit dëmtimet janë graduale). Ferritinemia 417 ng/ml, rekomandohet salaso! Ferritinemia konsiderohet e rritur kur është > 500 ng/ml.

Deri në 1,000 ng/ml, konsiderohet rritje e lehtë e saj. Asnjë ankesë nuk presim nga pacienti. Sapo vlerësohet hiperferritinemia, duhet bërë Saturimi i Transferrinës = raporti Sideremia /TIBC x 100. Nëse ky raport është 50 % ose më shumë tek meshkujt dhe 45 % ose me shumë tek femrat, konsiderohet Hiperferrritinemia me mbingarkesë me hekur (Iron Overload) dhe vetëm në këtë rast dhe kur ferritinemia është > 1,000 ng/ml fillon dhe depozitimi në organe (mëlçi, zëmër, pankreas, lëkurë) dhe dëmtimi gradual i tyre. Vetëm në këto raste përdoren kelantet e hekurit, heqja e gjakut dhe që bëhen në qendra të caktuara nga mjekë të kualifikuar. Këtu mund të ketë vend dieta e varfër me hekur (ushqimi më i pasur me hekur mishi i kuq; praktikisht e pamundur të mos marrësh hekur, të paktën të pengosh thithjen e hekurit – qumësht, kosi, çaji).

Hemokromatoza Hereditare dhe Talasemia Major janë dy sëmundje me thithje të shtuar të hekurit, por tek Talasemia Major nuk mund të bësh salaso, ka anemi, funksionojnë vetëm kelatorët e hekurit dhe nëse arrihet, të pakësohet thithja e hekurit. Nëse ky raport është 20-50 % tek meshkujt dhe 15-45 % tek femrat, konsiderohet me Hiperferritinemia pa mbingarkesë me hekur. Sado të jetë vlera e ferritinemisë (jo e ferritinës), nuk ka asnjë mundësi të depozitohet në organe. Është me origjinë inflamatore nuk është patologji hematologjike. Vlerësohet dhjamosja e mëlçisë joalkoolike, sigurisht alkoolike dhe vetë përdorimi i alkoolit, rritja e kolesterolit, triglicerideve, obeziteti, sëmundjet reumatizmale, tumorale etj. Mjekohet shkaktari (dislipidemia, sëmundja reumatizmale, obeziteti, hiqet alkooli etj.), por jo hiperferritinemia. Nuk ka asnjë kuptim të mbahet dietë e varfër me hekur. Nëse ky raport është < 20 % tek meshkujt dhe < 15 % tek femrat = Mungesë Absolute e Hekurit, pacienti duhet të marri mjekim me hekur, pavarësisht vlerës së ferritinemisë. Kujdes inflamacioni rrit ferritineminë, por ul sidereminë. Dhe një informacion të fundit, një nga budallalliqet e zakonshme që dëgjojmë; kur merret hekur nga goja, nuk thithet më shumë hekur sa duhet dhe nuk dëmtohet asnjëherë mëlçia. Përjashtim bëjnë vetëm dy sëmundje: Hemokromatoza Hereditare dhe Talasemia Major.

Për më shumë informacion ose vizitë me Dr. Shkc. Sotiraq Lako kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Alternativat në Kirurgjinë Plastike të Gjirit – Dr. Rezarta Kapaj

By Spitali Amerikan - Të Reja

Ekzistojnë tre kategori të përgjithshme të kirurgjisë plastike të gjirit që mund të kryhen: zmadhimi i gjirit, zvogëlimi i gjirit dhe rimodelimi i gjirit.

Zmadhimi i gjirit (Mamoplastia e shtimit)

Rritja e volumit të gjirit kryhet për të rritur pamjen, madhësinë dhe konturin e gjoksit të një gruaje. Gratë e konsiderojnë zmadhimin e gjoksit për shumë arsye të ndryshme. Disa gra mendojnë se gjoksi i tyre është shumë i vogël, disa dëshirojnë shtim pasi gjinjtë e tyre ndryshojnë pas shtatzënisë, të tjerat dëshirojnë të korrigjojnë një asimetri në madhësinë e gjirit.

Rritja e volumit të gjoksit kryhet me implante që mund të vendosen nën muskul ose mbi muskulin e gjoksit. Prerja mund të vendoset në sqetull, areolë (zona që rrethon thithkën) ose palosja e gjirit poshtë. Për zmadhime në të cilat bëhet prerja në sqetull, gjatë procedurës mund të përdoret një endoskop (tub i hollë me një aparat fotografik të vogël dhe dritë).

Implantet e gjoksit përbëhen nga një kellef silikoni e mbushur ose me xhel silikoni. Rritja e volumit të gjoksit është një procedurë relativisht e thjeshtë, por si çdo ndërhyrje ka një lloj rreziku. Vlerësoni përfitimet, rreziqet dhe alternativat duke u konsultuar me një kirurg plastik.

Zvogëlimi i gjoksit

Kirurgjia e zvogëlimit të gjoksit kryhet shpesh në gratë me gjinj të mëdhenj, të rëndë, që përjetojnë shqetësime të konsiderueshme duke përfshirë dhimbje qafe, dhimbje shpine dhe mpirje ose dobësi për shkak të peshës së gjinjve. Gjatë kësaj procedure, lëkura e tepërt, dhjami dhe indi i tepert i gjirit hiqen.

Pas operacionit, zvogëlimi i gjirit mund të shkaktojë një ndryshim në ndjesinë e gjirit. Pas zvogëlimit të gjirit, shumica e grave raportojnë lehtësim nga simptomat e shkaktuara nga gjoksi i madh.

Rimodelimi i gjirit

Kirurgjia e rimodelimit të gjoksit shpesh kryhet në gratë qe kane pesuar ndryshime te gjirit pas shtatezanive dhe deshirojne te kthejne pamjen dhe madhesine e gjirit rinor.

Procedura rimodelon një gji me pamjen, konturin dhe vëllimin e dëshiruar. Thithka dhe areola gjithashtu rimodelohen.

Pamja, konturi dhe vëllimi i gjirit mund të rimodelohen me implante ose me indet e vetë gruas. Nëse përdoret një implant, madhësia e implantit zgjidhet nga pacientja ne bashkepunim me kirurgun.

Rikonstruksioni i gjirit

Kjo procedurë kryhet në gratë që i nënshtrohen ndërhyrjes së mastektomisë (heqjes së plotë ose të pjesshme të gjirit). Gjoksi i ri mund të rimodelohet me implant ose me in dhjamor.

Gjoksi gjithashtu mund të rimodelohet duke përdorur indet e një gruaje. Disa herë, mund të përdoret një segment i murit të poshtëm të barkut. Opsione të tjera të indeve për rikonstriktimin autolog (duke përdorur indin tuaj) janë muskujt dhe lëkura e kurrizit ose dhjami dhe muskujt nga vithet. Ndonjëherë operacioni në gjirin e kundërt normal do të kërkohet për të krijuar simetri me gjirin e sapo rimodeluar.

Rikonstruktimi i gjoksit mund të bëhet në çdo kohë pasi të keni bërë një mastektomi. Procedura nuk ka efekt të njohur në përsëritjen e kancerit dhe nuk duket se ndikon në mbikëqyrjen e kancerit.

Të gjitha këto ndërhyrje kryhen në Spitalin Amerikan nga Dr. Rezarta Kapaj, kirurge plastike rikonstruktive.

Për më shumë informacion ose vizitë me Dr. Rezarta Kapaj kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Kirurgjia e bypass-it koronar nga Dr. Artan Jahollari

By Spitali Amerikan - Të Reja

Kirurgjia e bypass-it koronar rivendos qarkullimin e gjakut në arteriet e zemrës që janë të bllokuara ose të ngushtuara.

Pse bëhet?

Ju dhe mjeku juaj mund ta konsideroni nëse:

Keni dhimbje të forta në gjoks të shkaktuara nga ngushtimi i arterieve që furnizojnë muskulin e zemrës, duke e lënë muskulin me pak gjak gjatë ushtrimeve edhe të lehta ose gjatë pushimit.
Ju keni më shumë se një arterie koronare të sëmurë dhe dhoma kryesore e pompimit të zemrës – barkushja e majtë – nuk funksionon mirë.
Arteria koronare kryesore e majtë është ngushtuar rëndë duke rrezikuar jetën. Kjo arterie furnizon pjesën më të madhe të gjakut në barkushen e majtë.
Kur keni një bllokim arterie që nuk mund të trajtohet me angioplastikë e cila është një procedurë që përfshin futjen dhe fryrjen e përkohshme të një tullumbaceje të vogël për të zgjeruar arterien (ballonim), si dhe kur keni pasur një vendosje stentesh (unazë) por arteria është ngushtuar përsëri.
Kirurgjia e bypass-it koronar mund të kryhet gjithashtu në situata urgjente, të tilla si një sulm në zemër (infarkt i miokardit), nëse nuk jeni duke ju përgjigjur trajtimeve të tjera.

Gjatë proçedurës

Kirurgjia e bypass-it koronar zakonisht zgjat nga tre deri në gjashtë orë dhe kërkon anestezi të përgjithshme. Numri i bypass-eve që ju nevojiten varet nga zona ku do të kryhen në zemër dhe sa të rënda janë bllokimet.Shumica e operacioneve të bypass-it koronar klasik bëhen përmes një prerjeje në gjoks. Një pajisje “zemër-mushkëri” bën të mundur qarkullimin e gjakut dhe furnizimin me oksigjen në trupin tuaj ndërkohë që zemra dhe mushkeritë ndalohen përkohësisht me medikamente gjatë proçedurës.

Kirurgu përgatit një venë gjaku nga këmba, ose arterie nga krahu ose kraharori i pacientit dhe bashkon skajet sipër dhe poshtë arteries së bllokuar në mënyrë që rrjedha e gjakut të anashkalojë pjesën e ngushtuar të arteries.

Teknika “Off-pump” ose kirurgji në një zemër që rreh.

Kjo proçedurë përfshin kryerjen e operacionit në zemrën që rreh duke përdorur pajisje të posaçme për të stabilizuar zonën e zemrës në të cilën po punon kirurgu. Gjatë ndërhyrjes zemra dhe mushkëritë vazhdojnë të punojnë normalisht.

Ky lloj operacioni është sfidues sepse zemra është akoma në lëvizje dhe jo çdo pacient është i përshtatshëm, por ka avantazhe sidomos në rastet me rrezikshmëri të lartë. Kjo ndikon në uljen e komplikacioneve në organet e tjera (mushkëri, veshka, mëlçi, tru, gjakderdhje, infeksion etj) si dhe përshpejton rehabilitimin.

Shumica e bypasseve koronare në Spitalin Amerikan 3 kryhen me këtë teknikë nga kirurgu kardio-vaskular Dr. Artan Jahollari.

Rezultatet dhe përmirësimi afatgjatë do të varen pjesërisht dhe nga marrja e medikamenteve për të parandaluar mpiksjen e gjakut, për të mbajtur nën kontroll presionin e gjakut, kolesterolin dhe diabetin.

Është gjithashtu e rëndësishme të ruani një stil jetese të shëndetshëm, duke përfshirë:

Mbani një peshë të shëndetshme.
Konsumoni një dietë të shëndetshme
Ushtrohuni rregullisht.
Menaxhoni stresin
Mos pini duhan.

Për më shumë informacion ose vizitë me mjekun kardio-vaskular Artan Jahollari kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën! # spitaliamerikan

Bikuspidia e aortës nga Dr. Alfred Nona

By Spitali Amerikan - Të Reja

I ftuar në emisionin ABC’ja e Mëngjesit, Dr. Alfred Nona, kardiolog në Spitalin Amerikan 1, flet për Bikuspidinë e Aortës.Bikuspidia e aortës, është një problem i lindur (pra kongenital), i cili ka një prevalencë në popullatë që shkon nga 1% deri ne 2%, prek më tepër meshkujt sesa femrat (raporti eshte 3:1) është një malformacion (keqformim) embriogjenetik-gjenetik i valvulës së aortës, e cila në vend që të ketë tre fletë (kuspide) paraqitet me dy flete pra bi-kuspide (dy-fletëshe) sepse zakonisht dy nga fletët ngjiten me njëra tjetrën, gjë që bën më të predispozuar për patologji të ndryshme valvolare apo aortale.

Valvula e aortës, është një valvul që ndodhet në dalje të zemrës, dhe bën lidhjen midis ventrikulit të majtë dhe aortës (kjo e fundit është arteria më e madhe e organizmit). Përsa i përket simptomave, mund të themi që bikuspidia e aortës në shumicën e pacientëve është asimptomatike pra pa simptoma, dhe zbulohet në mënyre aksidentale, rastësore ose ndonjëherë me auskultimin kardiak për shkak të dëmtimeve në valvulën e aortës. Ekzaminimi standart (gold standard) që diagnostikon me saktësi të lartë bikuspidinë e aortës është ekokardiograma transtorakale (TTE), ku sensibiliteti është 92% (pra identifikojmë 92 persona në 100 individë që janë bartës të një valvule të tillë), pjesa tjetër mund të diagnostikohet lehtshëm me një ekokardiografi transesofageale (TEE ose TOE).

Ndryshe nga ekokardiograma transtorakale, pra Eko-ja e zemrës standarte që të gjithë e njohim, në ekon transesofageale është i nevojshëm përdorimimi i një sonde, që futet nëpërmjet gojës dhe kalon në ezofag dhe më pas në stomak, kjo e fundit bën të mundur qenien sa më afër te strukturave kardiake sidomos pjesës posteriore të saj dhe si pasojë përfeksionimin e imazheve të zemrës (pra sa më afër zemrës të jemi, aq më të pastra janë imazhet) dhe identifikon bikuspidinë me saktësi të lartë.

Problematikat valvolare apo aortale të lidhura me Biskupidinë e Aortës shfaqen zakonisht në dekadën e katërt, pestë apo gjashtë (sipër 40 vjeç) dhe shumë rrallë tek fëmijët apo adoleshentët, ato janë problematika në nivelin e valvulës, e cila ka sëmundshmëri më të hershme sesa valvula me 3 kuspide (të paktën një 10 vjecar) dhe jane stenoza (kalcifikimi-ngushtimi), regurgjitimi (rrjedhja) apo edhe infeksioni i valvules nga endokarditi infektiv dhe shfaq gjithashtu patologji aortale në rrënjën e aortës dhe aortën ngjitëse (dilatacion, aneurizëm, disekacion apo edhe ruptura të aortës) këto dy të fundit dhe endokarditi infektiv janë edhe jetë-kërcënuese.

Ndërhyrjet kirurgjikale përfshijnë riparim-pastrim ose zëvendësim të valvulës së aortës me valvul mekanike ose biologjike, ndonjëherë edhe zëvendësim të rrënjës dhe aortës ngjitëse, ndërhyrje që vendosen në bashkëpunim midis kardiologut dhe kardiokirurgut në momentin e duhur.Pra mund të themi se personat të cilët janë bartës të bikuspidisë së aortës duhet ti konsiderojmë sikur kanë një faktor risku ashtu siç mund të jetë diabeti apo hipertensioni dhe që duhen ndjekur periodikisht nw follow up për të kuptuar nëse dhe kur trasformohet bikuspidia në sëmundje dhe ka nevojë për ndërhyrje, pra slogani që të parandalojmë është më mirë sesa të kurojmë vlen plotësisht në këtë malformacion.

Zakonisht vizita dhe një ekokardiograma cdo 12 muaj apo edhe 24 muaj nëse nuk kemi zmadhim të aortës është e mjaftueshme.

Ju ftojmë të ndiqni intervistën e plotë me Dr. Alfred Nona [ër më shumë informacion mbi këtë temë.

Për më shumë informacion ose vizitë me Dr. Alfred Nona kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën! #spitaliamerikan

Page 7 of 16«‹5 678 9 ›»