Spitali Amerikan, në vazhdimësi të shërbimit shëndetësor dhe trajtimit profesional për pacientët me probleme shëndetësore në nevojë; i është përgjigjur thirrjes për ndihmë për një krevat elektrik nga pacientja Shpresa Dybeli.

Si çdo kërkesë dhe nevojë drejtuar këtij institucioni privat shëndetësor; edhe kësaj herë, letra për ndihmë adresuar Spitalit Amerikan për dhurimin e një krevati elektrik për pacienten Shpresa Dybeli, ka gjetur zgjidhjen e menjëhershme dhe brenda një kohe mjaft të shkurtër.

Sipas letrës me shkrim të dërguar nga i biri Durim Dybeli, pacientja vuan prej vitesh nga hemiplegjia (paralizë parciale e trupit). Nën kujdesin e mjekëve dhe stafit menaxherial, Spitali Amerikan i ka dhuruar pacientes një krevat elektrik, të nevojshëm për gjendjen e saj të komplikuar shëndetsore.

Të emocionuar, të afërmit dhe familjarët kanë shprehur falenderimet e tyre për ndihmën dhe gatishmërine e treguar nga ky institucion për t’ju përgjigjur në kohë dhe me humanizëm nevojave të familjares së tyre.

Kjo është e disata herë, në vazhdimësi edhe të viteve të mëparshme, që Spitali Amerikan përmbush më përgjegjshmëri dhe profesionalizëm jo vetëm detyrën dhe misionin për t’i shërbyer në çdo kohë dhe situatë çdo pacienti nga ana mjekësore; por sidomos duke synuar gjithnjë realizimin e misionit human dhe njerëzor për këdo pacient dhe familje në vështirësi ekonomike dhe shëndetësore.

<em>Check UP është një paketë ekzaminimesh laboratorike dhe imazherike që kryhen për identifikimin dhe parandalimin në një stad ende jo të avancuar të sëmundjeve të ndryshme.</em>

<em>Përgjatë vitit 2016, Spitali Amerikan sjell për çdo pacient 14 paketa kontrolli Check Up, të cilat ju vijnë në ndihmë pacientëve për të parandaluar, diagnostikuar dhe trajtuar në kohë dhe në mënyrë të specializuar nga profesionistë çdo patologji.</em>

Për shumë nga ju, kostot e kontrolleve shëndetësore, pasuar edhe nga puna e përditshme intensive e gjithësecilit prej nesh, përbën një arsye të fortë për të anashkaluar kontrollin tuaj shëndetësor periodik tek mjeku. Por më e rëndësishmja është se, pikërisht ky kontroll herë pas herë përbën atë vijën e hollë, kufirin që ndan një shëndet të mirë nga një shëndet me komplikacione dhe sëmundje.

Duke dëgjuar dhe i shërbyer çdo ditë pacientëve tanë, Spitali Amerikan ka mundësuar plot 14 paketa Check Up me çmime tejet të favorshme, ku çdo pacient të ketë mundësi për të kryer shërbimet dhe kontrollet që ka nevojë.

Është esenciale për ju, të kryeni kontrolle mjekësore, edhe kur shihni se nuk keni simptoma. Të parandalosh është më mirë sesa të kurosh!

Këtë vit, si çdo vit më parë, Spitali Amerikan vazhdon t’i kushtojë një rëndësi të veçantë mjekësisë parandaluese, duke mundësuar për të gjithë pacientët e çdo grupmoshe dhe gjinie, kontrolle të ndryshme mjekësore, që përmbajnë ekzaminime, analiza dhe shërbime të kombinuara në paketa të cilësuara; ku çdo pacient mund të përzgjedhë të kryejë një ose disa prej tyre, sipas simptomave, historikut mjekësor apo rekomandimit të mjekut specialist.

<strong>Paketat e Check Up-it për këtë vit nga Spitali Amerikan:</strong>

Paketa Kardiologjike – 5000 lekë
Paketa Femra – 9500 lekë
Paketa Meshkuj – 9500 lekë
Paketa Gjinekologjik (2) – 7000 lekë
Paketa Urologjike – 5000 lekë
Paketa ORL/Laringoskopi – 2500 lekë
Paketa ORL/Audiogramë – 2500 lekë
Paketa ORL/Rinoskopi – 2500 lekë
Paketa Endokrinologjike – 5500 lekë
Paketa për Duhanpirësit – 8000 lekë
Paketë e Urgjencës – 100 euro
Paketa e Urgjencës Pediatrike – 8500 lekë
Paketa VIP (e plotë) – 450 Euro

Në prag të këtij fundviti, me rastin e festave, Spitali Amerikan në bashkëpunim me organizatën humanitare “ Fundjavë Ndryshe” ka vizituar ditën e djeshme disa prej familjeve në nevojë që jetojnë në fshatin Krrabë.

Përfaqësues të Spitalit Amerikan, me ndihmën e stafit të “Fundjavë Ndryshe” ka realizuar shpërndarjen e ndihmave ushqimore dhe lodrave për fëmijët.

Të përzgjedhura kanë qenë disa prej familjeve në gjendje tejet të vështirë ekonomike. Në ditët e tjera në vazhdim, Spitali Amerikan do të vijojë të shpërndajë ndihma ushqimore dhe lodra me rastin e festave, në familjet e tjera në pamundësi ekonomike.

Të vendosur gjithnjë për t’u ardhur në ndihmë njerëzve dhe shtresave në nevojë, të pozicionuar krah organizatave, institucioneve dhe shoqatave me karakter human që operojnë në vend; Spitali Amerikan do të vazhdojë të jetë pjesë e nismave humanitare.

Spitali Amerikan, në vazhdimësi të shërbimit shëndetësor dhe trajtimit profesional për pacientët me probleme shëndetësore në nevojë, i është përgjigjur thirrjes për ndihmë për një krevat elektrik nga pacienti Arsen Uka 60 vjeç.

Arsen Uka, i aksidentuar në moshën 25 vjeçare dhe për këtë arsye prej 35 vitesh i paralizuar nga një dëmtim i pakthyeshëm i shtyllës kurrizore, sot ka pritur në shtëpinë e tij krevatin e dhuruar nga Spitali Amerikan.

Apelit për ndihmë drejtuar spitalit në faqen sociale zyrtare të Facebook-ut, i është përgjigjur në mënyrë të menjëhershme ekipi drejtues, duke i mundësuar kështu në harkun kohor të brenda pak ditëve krevatin e shumëpritur për gjendjen e tij specifike shëndetësore.

Sot, pranë ambjenteve të Spitalit Amerikan 1 në Laprakë janë paraqitur familjarët e pacientit të cilët kanë bërë tërheqjen e krevatit elektrik. Të emocionuar kanë shprehur falenderimet e tyre për ndihmën dhe gatishmërine e treguar nga ky institucion për t’ju përgjigjur në kohë dhe me humanizëm nevojave të pacientit.

Të vëmendshëm ndaj thirrjeve për ndihmë, duke treguar përgjegjshmëri dhe profesionalizëm në çdo nismë dhe asistencë mjekësorë për pacientët në nevojë, Spitali Amerikan dëshmon për të disatën herë vlerat e një institucioni të mirëfilltë shëndetësor dhe të përgjegjshëm në përmbushjen e nevojave edhe të pacientëve në vështirësi ekonomike dhe shëndetësore.

Sot më datë 23 Tetor, Spitali Amerikan çeli Ceremoninë e Inagurimit dhe Investimit më të ri “Spitali Amerikan Prishtinë”. Ndërtesa e re tre katëshe, e projektuar sipas të gjitha standarteve dhe teknologjisë më të fundit, dëshmon edhe njëherë seriozitetin, gatishmërinë dhe përkushtimin e këtij institucioni për t’u shërbyer me profesionalizëm pacientëve vendas dhe të huaj në Kosovë.

Spitali Amerikan, pjesë e American Hospital Assosiacion dhe investim mazhoritar i Fondit Amerikan Bedminster Capital Management, pjesë e fondeve te OPIC, operon suksesshëm prej nëntë vitesh në Shqipëri dhe prej 3 vitesh në Kosovë, duke pasur gjithmonë në rend të parë shëndetin e pacientëve. Numri i madh i tyre, besimi dhe shpresa që është krijuar ndër ta, flet për reputacionin e krijuar në nëntë vite punë të ekipit të palodhur. Flet edhe për pritshmërinë dhe përgjegjësinë e lartë para së cilës gjendemi çdo ditë për të justifikuar besimin e atyre që na kanë zgjedhur.

Ky projekt ka arritur një vlerë totale investimi prej 20 milion euro, janë punësuar 330 punonjës nga të cilët 314 shtetas të Kosovës, 9 të Shqipërisë dhe 7 nga vende të tjera. Spitali Amerikan ofron të gjitha shërbimet shëndetësore gjatë 24 orëve duke përfshirë Kardiokirurgji, Kardiologji, Kirurgji, Ortopedi, Gjinekologji me Obstetrikë, Pediatri me Neonatologji, Urologjinë, ORL, Urgjencë 24h si dhe të gjitha shërbimet mbështetëse (laborator, imazheri, patologji etj), 7 ditë në javë.

Z. Ronald Drake, Kryetari i Bedminster Capital, Grupit Investitor më të madh të Spitaleve Amerikane mbajti fjalën hapëse përshëndetëse duke theksuar se ky spital, mjekët kryesorë, si dhe stafi janë më shumë se një vazhdimësi e rrjetit udhëheqës të spitaleve dhe qendrave shëndetësore që i ka ndërtuar Spitali Amerikan në Shqipëri. Ai do të jetë një fanar për qytetarët e Kosovës dhe do të tregojë se Spitali Amerikan është i përkushtuar që të ofrojë kujdes dhe shërbime sipas standardeve më të larta.

Të ftuar të tjerë të rëndësishëm ishin Ministri i Shëndetësisë së Kosovës Z. Imet Rrahmani, Ambasadori i SHBA-ve në Kosove Z. Gregory Delaëie si dhe personalitete të tjera diplomatike.

Spitali Amerikan ka vulosur edhe njëherë rrugën drejt qëllimit, duke e bërë kështu institucionin më të besuar dhe serioz në fushën e mjekësisë me:

– ekspertë të certifikuar Evropianë dhe vendas në një sistem amerikan të punës,

– teknologji mjekësore diagnostike dhe terapeutike moderne, laborator biokimik dhe mikrobiologjik modern

– diagnostikim dhe trajtim multidisiplinar që siguron shpejtësi dhe saktësi.

Përgjatë Tetorit, muajit ndërkombëtar të luftës ndaj kancerit të gjirit, Spitali Amerikan u mundëson pacienteve femra paketën e kontrollit për diagnostikimin në kohë të kësaj sëmundjeje. Si çdo vit, të vendosur dhe të gatshëm për t’u ardhur në ndihmë pacientëve në nevojë dhe vështirësi ekonomike, në bashkëpunim me struktura të ndryshme shtetërore dhe organizata OJQ, Spitali Amerikan do të mundësojë për këto paciente kontrolle falas.

Kanceri i gjirit mbetet një sëmundje e rrezikshme, por fatmirësisht mund të trajtohet dhe të evitohen pasojat, në rast se diagnostikohet herët. Ndonëse femrat shqiptare janë duke u informuar vazhdimisht rreth mundësive që ofron sistemi shëndetësor për diagnostikim të hershëm (sidomos lidhur me mamografinë), pjesa më e madhe e pacienteve me kancer gjiri diagnostikohen ende në stade të avancuara.

Dr. Emiljana Huti, shefe e Departamentit të Onkologjisë në Spitalin Amerikan, në kuadër të kësaj fushatë të ndërmarrë dhe në një thirrje ndërgjegjësuese për të gjitha femrat shprehet: “Për ato gra që janë duke luftuar me kancerin e gjirit do doja të për përforcoja idenë që kjo sëmundje nuk është një dënim me vdekje. Tashmë kemi një shumllojshmëri armësh për t’a luftuar këtë sëmundje (kirurgji, kimioterapi, radioterapi, terapi hormonale ) si edhe medikamentet më të reja që vazhdojnë të testohen dhe që po japin të dhëna premtuese për të ardhmen. Për ato që janë me rrezik për t’u prekur nga kjo sëmundje, ju këshilloj të bëni kontrrolle periodike, të bëni vetë ekzaminimin e gjirit. Diagnostikimi i hershëm duket të jetë çelësi i fitimit të kësaj beteje. Do ju gënjeja nëse do ju thoja se ne mund të shërojmë çdo grua të diagnostikuar me këtë sëmundje. Por siç çdo gjë në jetë e vetmja mënyrë për t’ia dalë është të mos dorëzohesh. Ne si mjekë nuk jemi dorëzuar, vazhdojmë luftën çdo ditë kundër kësaj sëmundje. Ju lutem vazhdoni të luftoni me ne …”

Kjo sëmundje përbën më shumë se 30% të sëmundjeve malinje të diagnostikuara tek femrat. Është përllogaritur që një në tetë femra do ndeshet me këtë sëmundje gjatë jetës së saj. Fatmirësisht diagnostikimi me kancer të gjirit sot nuk është denim me vdekje. Pas viteve 1990 vdekshmëria nga kjo sëmundje ka filluar të bjerë dukshëm dhe faktori më i rëndësishëm që influencon këtë prognozë të mirë është diagnostikimi në stad të hershëm të sëmundjes. Kur sëmundja është e lokalizuar vetëm në gji dhe në limfonodujt aksilar, që është dhe stadi që shohim më së tepërmi në praktikën tonë mjekësore, mbijetesa 5; 10 dhe 15 vjeçare shkon respektivisht në 89 %; 82 % dhe 77 %. Megjithëse këto janë të dhëna shumë të mira krahasuar me llojet e tjera të kancerit (si psh mushkëri ose pankreas) menaxhimi i sëmundjes në stadin metastatik është problematik. Në momentin kur sëmundja e kancerit të gjirit përhapet në organe të tjera, mbijetesa 5 vjeçare për pacientet bie menjëherë në 20 %.

Megjithese kanceri i gjirit duket të jetë më së shumti një sëmundje sporadike, ka edhe raste kur kjo sëmundje është pasojë e trashëgimit të disa gjeneve përgjegjëse dhe në këto raste mund të jenë disa persona me kancer gjiri brenda të njëjtës familje.

Sot mjekësia jep garanci të plotë se kanceri i gjirit nuk është më sëmundja që duhet të frikësojë gratë. Ulja e përgjithshme e vdekshmërisë nga kanceri i gjirit i është atribuar rritjes së mundësive për ta diagnostikuar herët dhe sigurisht trajtimeve që disponohen sot ndaj kësaj sëmundjeje. Sipas Dr. Huti, përdorimi i protokolleve terapeutike moderne mundësojnë një strategji gjithpërfshirëse për ta trajtuar sëmundjen si lokalisht ashtu edhe në distancë. Prandaj për çdo pacient që diagnostikohet me këtë sëmundje në Spitalin Amerikan realizohet një plan të personalizuar për trajtimin e saj.

Për të parën herë në Kosovë, në Spitalin Amerikan në Prishtinë është bërë ndërrimi i valvulës mitrale në zemër, ndërhyrje kjo kirurgjikale me një anestezion specifik i quajtur Anestezion Epidurialë, ku pacienti gjatë gjithë kohës është i vetëdijshëm dhe komunikon me doktorët.

50 vjeçari nga Ferizaj, Muzafer Asllani, është pacienti i parë në Kosovë, i cili me 29 Tetor të 2015, në Spitalin Amerikanë në Prishtinë kaloi me sukses intervenimin për ndërrimin e valvulës mitrale.

Shefi i repartit për Anestezi dhe Reanimacion,në Spitalin Amerikan, Gentian Huti, thoë se mundësia e komplikimeve përmes intervenimi me anestezion epidurialë është më e vogël dhe se rikuperimi i pas operacionit është shuam më i shpejtë.

Sipas tij, Dr. Gentian Huti, në raste të veçanta, ose në raste specifike është edhe një alternativ që është anestezia epidurale që është një gjilpërë që bëhet mbrapa në shtyllën kurrizore në nivele shumë të larta.

Kjo lloj anestezie sot në botë shihet si alternativ e anestezisë së përgjithshme vetëm në raste të veçanta kur pacienti paraqet probleme të tërthorta purminale. Kjo është më e mirë sepse mundësia e komplikacioneve me këtë lloj anestezie është më e vogël sesa nën anestezi të përgjithshme dhe rikuperimi pas operacionit është shumë më i shpejtë se sa nëse pacienti i nënshtrohet një anestezie të përgjithshme.

Një pjesë e rëndësishme e kësaj anestezie është edhe përgatitja psikologjike e pacientit përpara operacionit.

Me datë 29 tetor, iu nënshtrua intervenimit kirurgjik, ndërsa të nesërmen pacienti Muzafer Asllani ishte në gjendje të komunikonte me familjarët, miqt dhe madje edhe me gazetarët. Ai meniherë ishte në gjendje të mirë, këtë gjë e konfirmonte edhe vet ai.Gjatë operimit ai ishte plotësisht i vetëdijshëm dhe komunikonte me doktorët.

Tani ndihet shumë mirë. Problemi i tij ishte infeksioni i mushkërive, mjekët e Spitalit Amerikan i kanë propozuar që të bëjë operacion. Gjatë gjithë kohës së operimit pacienti ka qenë i vetëdijshëm, ka parë gjatë gjithë kohës, ka dëgjuari, dhe ka biseduar me mjekë.

Ai gjithashtu ka falenderuar shumë Spitalin Amerikan në Prishtinë, për mundësin që po i ofronë, jo vetë atij, por gjithë qytetarëve të Kosovës, që në këtë mënyrë të jenë në hap me mjekësinë botërore.

Mjeku kardio kirurg i Spitalit Amerikan, Besnik Kojcici, tha se pacienti vuante nga një sëmundje valvulare dhe se indikacionet ishin që të bëhet ndërrimi apo riparimi i valvulës mitrale.

Dhe pas analizave që i janë bërë pacientit është vendosur që t’i bëhet ndërrimi valvulës me një anestezi specifike, atë epiduriale, që do të thotë është bërë ndërrimi i valvulës mitrale për pacientin në gjendje të zgjuar.

Bëhet fjalë për një pacientë të moshës së re , të viteve 50 vjeçar i cili është i sëmur nga një sëmundje valvulare, kishte sufisencë të theksuar të valvulës metrale dhe indikacioni ishte i qartë për ndërrimin apo riparimin e valvulës mitrale. Siç e donë mjekësia , para ndërhyrjes i bërë të gjitha analizat dhe pastaj u pa që pacienti në fjalë kishte probleme me infeksion akut pulmelar.

“Duke i parë gjitha këto aspekte vendosëm ta bëjmë me një anestezi pak më specifike apo një anestezi të rrallë. Çka do të thotë që pacientin e kemi operuar, është bërë ndërrimi i valvulës mitrale mirëpo pacienti gjatë gjithë kohës ka qenë i zgjuar, do të thënë, falë anestezisteve kolegëve këtu dhe Spitalit Amerikan në përgjithësi, pacienti ka qenë i zgjuar, kemi komunikuar me të gjatë gjithë kohës dhe në të njëjtën kohë është bërë edhe ndërhyrja”, tha Dr. Besnik Kojcici.

Ndryshe, ky rast në Kosovë është intervenimi i parë i një ndërhyrje kirurgjikale të këtij lloji, ku pacienti falë anestezionit epidurialë gjatë kohës sa operohet është i zgjuar. Ndërsa në Shqipëri deri sot janë kryer 9 intervenime të këtij lloji.

Spitali Amerikan gjithashtu është i vetmi spital që ka realizuar transplantet e parë në vend.

Ngrirja e vezëve, teknika më e re dhe e suksesshme për të mbetur shtatzënë në kohën që dëshironi.

Për herë të parë në Spitalin Amerikan, të gjitha gratë mund të zgjedhin dhe të vendosin se kur deshirojnë të bëhen nëna. Kjo metodë e re e aplikuar së fundmi, mundëson ruajtjen e vezëve përmes procesit të ngrirjes. E njohur ndryshe si kriopreservimi i ociteve konsiston në marrjen, ngrirjen dhe ruajtjen e vezëve të një gruaje. Shefi i Departamentit të Gjinekologji-Obstetrikës në Spitalin Amerikan shprehet se kjo është një mundësi e shkëlqyer për riprodhimin. Sipas tij, tani të gjitha gratë që duan të ruajnë vezët e tyre për të bërë fëmijë më vonë, për shkak se nuk kanë ende një partner apo për arsye të tjera mjekësore, sot e kanë këtë mundësi përmes procesit të kriopreservimit të ociteve, pra ruajtjes së vezëve. “Ocitet dhe ngrirja japin forma të sigurta të shtatzënisë dhe mundësia për të mbetur shtatzënë është mbi 70 %” u shpreh ai. Me anë të kësaj metode të gjitha femrat mund të vendosin vetë se kur dëshirojnë të bëhen nëna.

Një tjetër aspekt i rëndësishëm i këtij procesi është edhe maturimi i vezëve, të cilat merren në kohën kur nuk janë maturuar ende dhe procesi i maturimit bëhet në laborator. Kjo teknikw pwrdoret pwr femrat qw nuk i maturojnw dot vetw vezwt nw trupin e tyre. Prof. Dr. Satiroglu sqaron se kjo është një tjetër procedurë e re e aplikuar në Spitalin Amerikan që ndihmon në procedurën e IVF-it. “Kjo do të thotë se ne i marrim vezët nga gratë, kur ato ende nuk janë maturuar, i maturojmë ato në laborator dhe bwjmw mw pas procedurwn e fertilizimit in vitro. Medikamentet e pwrdorura pwr kwtw procedurw janw shumw tw kushtueshme. Ovari policistik wshtw shumw i pwrhapur, e nw momentin qw merret kura pwr stimulimin, mund tw hiperstimulohen. Pwr tw parandaluar kwtw, ne mbledhim vezwt dhe i maturojmw nw laborator, duke shmangur komplikacionet dhe ulur shpenzimet e medikamenteve pwr pacientet”

Për gratë që kanë një historik familjar të kancerit të gjirit apo të vezoreve, ato mund t’i ruajnë vezët që në moshën 20 vjeçare, duke evituar rrezikun që vezët të dëmtohen.

Spitali Amerikan, është i pari që aplikon këtë metodë të re në vendin tonë, duke garantuar gjithmonë shërbim të specializuar me standartet më të larta për çdo pacient.

Për herë të parë për të gjithë pacientët që kanë probleme në zemër dhe duhet t’i nënshtrohen një ndërhyrjeje kirurgjikale, Spitali Amerikan sjell një risi në fushën e ndërhyrjeve kirurgjikale në zemër, përmes anestezisë lokale.

Anestezia e pjesshme në ndërhyrjet kardiovaskulare aplikohet për herë të parë, duke iu ofruar pacientëve një sërë përfitimesh. Mjeku kirurg kardio-torakal Dr. Arben Kojqiqi informon se kjo është një formë e re e ndërhyrjes kirurgjikale, e cila sjell shërbim më të ri për pacientët, duke ju mundësuar daljen sa më të shpejtë nga spitali. “Ndërhyrjet më të reja dhe të fundit që kemi realizuar në kirurgji janë ndërrime valvulash dhe By Pass-e. Pacientët kanë qenë zgjuar, pa intubim dhe me anestezi epidurale” thekson Dr. Kojqiqi.

Ndërkohë Shefi i Anestezisë në Spitalin Amerikan, Dr. Gentian Huti shprehet se kjo risi është aplikuar më sukses në 7 raste të ndërhyrjeve kirurgjikale në zemër dhe të gjithë pacientët brenda 7 ditësh kanë lënë spitalin në një gjendje shumë të mirë shëndetësore. Sipas Dr. Huti, anestezia rutinë për këto lloj operacionesh është anestezia gjenerale në disa pacientë me probleme të veçanta kryesisht pulmonare. Ekziston edhe metoda tjetër e anestezisë lokale (epidurale), ku pacienti gjatë gjithë kohës është zgjuar. Përfitimi më i madh në këto raste është aktivizimi i pacientit post-operator, i cili është shumë herë më i shpejtë në krahasim me anestezinë e përgjithshme.

Përmes anestezisë së pjesshme pacienti mund të ndjekë të gjithë procesin e ndërhyrjes pa dhembje. Anestezia e pjesshme është risia e fundit që vjen në Shqipëri dhe në Ballkan, për herë të parë nga Spitali Amerikan, duke garantuar edhe njëherë shërbimin cilësor, si dhe mundësinë më të mirë për kurimin e të gjitha sëmundjeve.

TIRANE – Është organizuar sot në Tiranë Kongresi i parë Multidisplinor Mjekësor Ndërkombëtar nga Spitali Amerikan. Kongresi me temën “Edukimi në vazhdim përmes profesionistëve të mjekësisë” është i pari i këtij dimensioni në specifikën e vet dhe ka një përfshirje mbarëbotërore, duke sjellë në Tiranë figura të shquara të shëndetësisë nga specialitete të ndryshme të mjekësisë botërore. Lindita Shosha, Presidente e Internacional Medical Congres Albania, u shpreh se është një çast shumë i rëndësishëm për mjekësinë shqiptare. “Ky kongres, zhvillohet për herë të parë nga Spitali Amerikan. Misioni kryesor është që ne, çdo ditë e më tepër të jemi pranë njerëzve që na kanë nevojë. Sot ky kongres është një shprehje shumë e mirë e këtij bashkëpunimi, përmbledh mjekë nga të gjitha spitalet, nga të gjitha institucionet nga vendi dhe nga bota. Ne të gjithë së bashku sot do të jemi me njëri-tjetrin në një event ku të tregojmë dhe të marrim,” – tha Shosha. Ministri Ilir Beqaj, i pranishëm në konferencë, tha se të tilla nisma duhet të ishin marrë më herët. “Unë që kam marrë përsipër të bëj detyrën e Ministrit të Shëndetësisë, e shikoj ofertën e shërbimit shëndetësor si një të vetme. Shumica dërmuese e shërbimit jepet nga specialistë shqiptar, nga profesionistë të shëndetësisë shqiptare që do të thotë që ka akoma më shumë hapësirë për sinergji. Eshtë tamam momenti kur ne po vlerësojmë eksperiencën 5 vjeçare 2010-2014 të ciklit të edukimit në vazhdim, po analizojmë atë dhe është momenti kur po ndërtojmë ciklin e ardhshëm dhe unë besojë se çfarë do të jetë sot, do të jetë përsëri një vlerë e shtuar” – u shpreh Beqaj. Figura të shquara të mjekësisë në Shqipëri dhe Kosovë u nderuan në këtë kongres me certifikata të mirënjohjes për arritje dhe kontribute ndër vite, përgatitjen e brezave të rinj të mjekëve si dhe dedikimin e jetës së tyre në shërbim të pacientëve dhe vlerave humane që mishëron mjeku profesionist. Ky kongres është një mundësi e mirë që mjekët pjesëmarrës të mund të përftojnë 20 kredite përgjatë harkut kohor të dy ditëve që zgjat kongresi multidisiplinar.