Hapet Shoqata e Turizmit Shëndetësor në Kosovë

Spitali Amerikan dhe Genesis Clinic zhvilloi dje në Prishtinë konferencën ndërkombëtare “Turizmi Shëndetësor “me fokus trajtimin e Infertilitetit. Me pjesëmarrjen e mjekëve të njohur shqiptarë e të huaj kjo temë u diskutua gjerësisht për vetë kontributin që Spitali Amerikan kanë dhënë gjatë gjithë këtyre viteve në zhvillimin e turizmit shëndetësor në Shqipëri e tashmë edhe në degën e tij në Kosovë. Ky spital konkurron me cmime dhe cilësi vende të zhvilluara të Europës.

Për të njëjtën cilësi shërbimi e trajtimi shëndetësor Spitali Amerikan ofron trajtimin më bashkëkohor të infertilitetit duke përdorur jo vetëm teknologjitë më moderrne por edhe një staf të specializuar mjekësh.

Në këtë konferencë organizuar nën kujdesin e veçantë të Administratorit të Përgjithshëm të Spitalit Amerikan Z. Klodian Allajbeu dhe Administratorit të Genesis Athens Dr.Konstantinos Pantos morën pjesë Presidenti i Urdhërit të Mjekut në Kosovë, z. Pleurat Sejdiu,z. George Patoulis, Presidenti i Këshillit Grek të Turizmit Shëndetësor, Z. Nicolae Baniciou, Kryetari i Shoqatës së kardiologëve të Kosovës prof.Gani Bajraktari, Kryetari i Shoqatës së Reumatologëve të Kosovës Prof.Sylejman Rexhepi, Ministri i Shëndetësisë së Rumanisë si dhe një sërë mjekësh të njohur obsetër gjinekologë, kardiologë, radiologë.

Gjatë konferencës u diskutua për bashkëpunimin ndërkufitar në turizmin shëndetësor, zhvillimin e më tejshëm të tij si dhe risitë në fertilizimin invitro ku përfshihen teknologjitë e reja, protokollet mjekësore. Në fund të kësaj konference Spitali Amerikan në Kosovë nënshkroi një marrëveshje bashkëpunimi me përfaqësuesit e shtetit të Greqisë dhe Rumanisë për hapjen e një shoqate të turizmi shëndetësor në Kosovë.

Në planet afatgjata të Spitalit Amerikan është zhvillimi i mëtejshëm i turizmit shëndetësor në Shqipëri e Kosovë. “Për këtë jemi duke investuar shumë në infrastrukturë, teknologji dhe staf mjekësor të kualifikuar, në mënyrë që të konkurojmë denjësisht vendet e rajonit si Maqedonia, Serbia dhe Turqia dhe ta rikthejmë shëndetësinë e Kosovës në nivelin që të gjithë e dëshirojmë”, u shpreh Administratori i Spitalit Amerikan, Klodian Allajbeu.

Të solidarizohesh për të dhuruar gjak, nuk tregon thjesht dëshirën për të ndihmuar ata persona që kanë nevojë për të. Do të thotë të mendosh përtej vetes , familjes dhe miqve të tu. Do të thotë të vihesh në pozicionin e një fëmije talasemik që për të jetuar, duhet të kryejë transfuzion ccdo 21 ditë. Do të thotë gjithashtu të mendosh se për shkak të një aksidenti gjithkush mund të ketë emergjencë marrjen e gjakut. Do të thotë se pa të kushtuar asgjë, mund të shpëtosh jetën e dikujt dhe ky është misioni më fisnik dhe human që ka secili prej nesh. Nga ana tjetër të dhurosh gjak, do të thotë të informohesh për një sërë benefitesh që ka ky proces për organizmin. E duke ditur të gjitha këto të jesh ti që të sensibilizosh të tjerët. Nën sloganin “Dhuro gjak, Dhuro jetë, mbro shëndetin tënd”.Spitali Amerikan e ka kthyer në traditë sensibilizimin për dhurimin e gjakut. Këtë vit, fokusi do të jetë tek të rinjtë e veccanërisht studentët, si potenciali më i madh në Shqipëri për dhurimin e gjakut. Gjak mund të dhurojnë të gjithë ata persona që janë të shëndetshëm 18 deri 60 vjeç dhe peshë minimale 50 kg. Dhurohet 450 ml( ± 10%) dhe kjo këshillohet të bëhet 4 herë në vit për burrat dhe 2 herë në vit per gratë në moshë pjellorie. Gjaku, përveçse një përbërës i rëndësishëm i trupit tonë, është edhe një lëndë kuruese që nuk mund të prodhohet nga industria farmaceutike, ndaj i vetmi burim i tij është dhurimi i gjakut nga njerëzit Duhet të dini se gjaku ka një cikël riprodhimi të përhershëm prej 21 ditësh, pra është e zakonshme që ai të shkatërrohet vetë. Para se të kryeni këtë akt soldariteti, mjekët do të sigurohen se ju gëzoni shëndet të plotë dhe ky dhurim nuk do ta dëmtojë shëndetin tuaj. Kjo realizohet nëpërmjet intervistimit dhe vizitës mjekësore.Nevojat për gjak janë shumë të mëdha pasi transfuzioni i gjakut apo përbërësve të tij, shërben shpesh për t’i shpëtuar jetën dikujt që pëson aksident (të çdo forme) apo ndërhyrje kirurgjikale të shoqëruar me hemorragji, por edhe si kurë shoqëruese në disa patologji si anemitë si talasemia, hemofilia, anemitë hemolitike, leuçemitë, të transplantuarit,

Qendra e Fizioterapisë në Spitalin Amerikan 3, me shërbimin më të sofistikuar për fëmijët dhe të rriturit.

Fizioterapia pas një ndërhyrje kirurgjikale është thelbësore për rekuperimin e plotë të pacienit. Dy fizioterapistët e Spitalit Amerikan, Juliana Balla dhe Kujtesa Dautaj shpjegojnë rëndësinë e këtij shërbimi dhe çfarë ofrohet ndryshe në qendrën e fizioterapisë së Spitalit Amerikan. “Nëse fizioterapia nuk kryhet pas një operacioni, rekuperimi zgjat më shumë në kohë, duke ndikuar drejtpërdrejt në cilësinë e jetës”, sqaron fizioterapistja Kujtesa Dautaj. Veçanërisht për operacionet kur pacienti vendos një protezë, teknikat e rehabilitimit me fizioterapi janë të domosdoshme. Por sipas mjekut Italian ortoped, Guido Bassi duke kryer vizitat mjekësore dhe ndërhyrjet kirurgjikale për pacientë me probleme të cilët, kanë nevojë për shërbim të specializuar mjekësor. Përveç traumave, në këtë shërbim paraqiten pacientë që kanë patologji të ndryshme në artikulacionet e trupit veçanërisht gjunjët. “Kemi pacientë të cilët paraqiten në spital me dhimbje shumë të forta dhe pas grafisë na rezulton se kemi të bëjmë me një konsumim të kockave të gjurit. Në këto raste ne propozojmë një protezë të pjesshme ose të plotë të gjurit”, thotë mjeku ortoped Guido Bassi. Pas kryerjes së ndërhyrjes kirurgjikale, mjeku ortopedi, thekson se fizioterapia është e domosdoshme, në mënyrë që pacientët t’i kthehen jetës normale. Në spitalin Amerikan, shërbimi i fizioterapisë është ofruar që prej themelimit të tij, por tashmë në Spitalin Amerikan 3, Qendra e Fizioterapisë me specialistë shqiptarë e të huaj, ofron një gamë shumë më të gjerë teknikash rehabilituese, duke qëndruar krah qendrave më të specializuara në Europë,për këtë shërbim. Në këtë qendër aparaturat më të sofistikuara, ndihmojnë ekipin e fiziterapistëve, duke ofruar një shërbim bashkëkohor për pacientët. Menaxhimi i problemeve muskulo-skelektike dhe rehabilitimi post-kirurgjikal realizohen me sukses në këtë shërbim. “Parandalimi është shumë i rëndësishëm dhe në shërbimin tonë ne ofrojmë teknikat për menaxhimin e jetës së përditshme të personave që kanë probleme, duke ndihmuar në rehabilitimin e artikulacioneve dhe të masës muskulare”, sqaron fizioterapistja, Kujtesa Dautaj. Sipas saj në rastet kur pacienti ka dhimbje, të cilat janë shenjë shoqëruese e artrozave , është e nevojshme që artikulacionet jo vetëm të ndihmohen por edhe të pregatiten nëse me vonë lind nevoja e një ndërhyrjeje kirurgjikale. “Vendosja e protezave në zonën e gjurit, shpatullave kur është e domosdoshme, shoqërohet me fizioterapi përpara dhe pas operacionit. Ky trajtim eviton atë që ne e quajmë dështim të protezës. Roli i fizioterapistit në fakt nuk është vetëm tek rehabilitimi, por edhe tek edukimi , në fazën me sensitive, 2-3 javë pas ndërhyrjes kirurgjikale”, shprehet fiziotarapistja Juliana Balla. Në qendrën e fizioterapisë të spitalit Amerikan 3, ofrohet shërbim duke filluar që nga patologjitë me karakter neorulogjik, pediatrik (veçanërisht për rastet e skoliozës apo kifozës). Gjithashtu përfshihen edhe rehabilitimet e patologjive kardiovaskulare, reumatologjike, si dhe rehabilitimet sportive. Shërbimi i duhur i fizioterapisë, vërtet kërkon kohë, por sot bën mrekulli duke ngritur në këmbë edhe persona të cilit kishin humbur shpresat me qendrën më të mirë në Spitalin Amerikan 3.

Mjeku obsetër gjinekolog Elton Peçi: Embrioni nuk del më nga inkubatori, gjithçka e monitoruar brenda një pajisjeje.

Më shumë se 6 milionë fëmijë në të gjithë botën kanë ardhur në jetë falë fekondimit in vitro apo fekondimit të asistuar. Tashmë kjo teknikë ka kapërcyer 40 vjet që nga koha kur ka nisur të aplikohet për herë të parë dhe u ka sjellë gëzim dhe mundësinë e sjelljes në jetë të një fëmije, mijra çifteve. Perfeksionimi i saj ka bërë që së fundmi një teknikë e re që quhet “Time-Lapse”, të aplikohet për përzgjedhjen e embrioneve. Po ku konsiston kjo teknikë që në Shqipëri mundësohet vetëm në Spitalin Amerikan dhe në të gjithë ballkanin e aplikojnë vetëm 5 qendra. Mjeku, obsetër gjinekolog i këtij spitali Elton Peçi dhe Embriologu, Besfort Ferhati sqarojnë risitë e kësaj teknologjie të re që po aplikohet në fushën e fertilizimit in- vitro. “Time –lapse është një inkubator i cili ka të inkorporuar edhe një sistem monitorizues që nga momenti i depozitimit të vezës e cila është e fekonduar me spermatozoid. Time-lipse fotografon në intervale me 10 minuta në kohëzgjatje nga njëri-tjetri, gjithë zhvillimin embrional”, sqaron mjeku Elton Peçi ku Sipas tij, ka një avantazh në krahasim me metodologjinë e vjetër, pasi më herët për të monitoruar embrionet duhet të hapej inkubatori të transferoheshin tek miroskopi dhe të riktheheshin prap aty. “Me këtë metodologji eliminohet plotësisht kjo pjesë duke evituar të gjitha rreziqet dhe për më tepër informacioni që ne kemi në lidhje me embrionin është shumë më i plotë, duke e bërë më të lehtë për embriologun përzgjedhjen se cili embrion është më i mirë”, shprehet mjeku embriolog. Të dhënat nga Time-lapse nuk janë më fotografi, por është një filmim i plotë i embrionit i cili mundëson që mjekët të shohin me detaje të gjithë parametrat morfologjikë dhe ndryshimin që ai pëson me kalimin e ditëve deri sa të transferohet në barkun e nënes. “Një embrion më cilësor ka më tepër shanse për t’u inplantuar, më tepër shanse që fekondimi in vitro të rezultojë në një shtatëzani dhe më pak shanse që kjo shtatëzani të përfundojë në abort”, thotë Embriologu Besfort Ferhati. Ai shton gjithashtu se inkubatori, krahasimisht me inkubatorin e vjetër ka një tjetër avantazh, pasi mund të shihen 6 paciente njëkohësisht. Spitali Amerikan është i vetmi spital në vendin tonë që kryen fekondimin invitro me këtë teknologji të re. “Për herë të parë në Shqipëri kjo teknikë është përdorur 1 muaj më parë në Spitalin Amerikan, momentalisht në të gjithë ballkanin janë vetëm 5 klinika që e aplikojnë. Ka rreth 10 vjet që përdoret në botë, por kuptohet jo në të gjitha klinikat sepse jo të gjithë vendet e kanë mundësinë njësoj t’i përdorin”, thotë mjeku obsetër gjinekolog Elton Peçi. Embriologu i spitalit Amerikan thekson se materialet gjenetike të femrës dhe të mashkullit që tentojnë një shtatëzini pasi bashkohen futen brenda aparaturës dhe që nga momenti i vendosjes së vezëve të pllenuara , filmohet gjithcka që ndodh në çdo embrion.” Time –lapase gjithashtu me anë të një disku ruan të dhënat dhe nga ana tjetër parackton me saktësi kohën e lindjes ndërsa filmimet prindërit kanë të drejtë t’i tërheqin dhe t’i ruajnë pas lindjes”, thotë embriologu i Spitalit Amerikan.

Ekzaminimet prenatale, Bi-testi zbulon

anomalitë gjatë shtatëzanisë që në javën e 12-të.

Gratë shtatëzana mund të mësojnë për anomali të mundshme të fetusit që në javën e 12-të të shtatëzanisë. Me anë të ekzaminimit Bi-test jo vetëm që mund të diagnostikohen problemet që lidhen me strukturën e kokës dhe trupit, sindroma të ndryshme, por mund të mësohet me saktësi dita e lindjes së bebeve. Bi-test është vetëm një nga diagnozat prenatale të cilat mundësohen nga Spitali Amerikan prej një ekipi të specializuar dhe me mjetet e teknologjisē më të fundit.

Përveç dianozës me Bi-test, që kryhet në muajin e tretë të shtatëzanisë, Eko 3D morfologjike është një tjetër ekzaminim mjaft i rëndësishëm në javën e 22-të të shtatëzanisë, apo kur fetusi është 4 muaj e gjysmë. Dr. Gerasimo Partidas shpjegon arsyet pse, gratë shtatëzana duhet të kryejnë këto egzaminime, në mënyrë që të grantojnë një shtatëzani të mbarë dhe lindjen e një bebeje të shëndetshme. “Ekzaminimi i Bi-testit është shumë i rëndësishëm pasi mund të diagnostikojë probleme që lidhen me strukturën e kokës dhe të trupit, të cilat mund të zgjidhen në atë moment dhe të mos pritet deri sa shtatëzania të shkojë në muajt më të avancuar. Gjithashtu përcaktohet me saktësi rreziku për sindromat kronologjike dhe anomalitë kardiake”, shprehet mjeku i mirënjohur grek. Sipas tij Bi-Testi përcakton me saktësi moshën e fetusit dhe ditën e lindjes. Në lidhje me ekon morfologjike, mjeku sqaron se ajo kryhet në javën e 22-të të shtatëzanisë. “Ekoja morfologjike mund të ekzaminojë deri në 80% të rasteve anomalitë kryesore për ecuritë e fëmijës, sa I përket trurit, organeve dhe zemrës, pra ato që kanë rëndësi jetike për fëmijën. I parashikojmë nëpërmjet këtij ekzaminimi në mënyrë që të dihet ecuria dhe të përgatiten prindërit në rastet që mund të ketë nevojë për trajtim spitalor pas lindjes”, sqaron mjeku Partidas.

Spitali Amerikan mbetet I pari dhe i vetmi i cili siguron standardet më të larta të shërbimit të gjinekologjisë në vend, duke ofruar teknikat më të reja edhe për cciftet që e kanë të vështirë të sjellin në jetë një fëmijë, por nga ana tjetër shtatazania e çdo nëne ndiqet që nga dita e parë e deri në përfundim nga një ekip i specializuar mjekësh i cili ofron egzaminimet me metodat më moderrne pa asnjë dallim edhe nga qendra ekselence spitalore në Europë dhe natyrisht me cmime disa herë më të lira.

Dr. Gerasimos Partidas është pjesë e Qëndrës së Mjekësisë Fetale dhe kryen të gjitha Ekot morfologjike ne Spitalin Amerikan 2 & 3.

Pritja e ëmbël ka mbaruar dhe Ami ka sjellë në jetë vajzën e saj në Spitalin Amerikan. Ishte Ermal Mamaqi ai që pak minuta më parë publikoi lajmin e mirë përmes një postimi në llogarinë e Instagram-it.

“Zoti na bekoi përsëri, kësaj radhe me një vajzë…”- shkruan Ermal Mamaqi, teksa, sjell edhe foton e parë të vogëlushes.

Siç duket dhe nga fotoja, bebushja u lind me flokë me një kokë plot flokë dhe shumë e shëndetshme.

Komentet nga miqtë dhe fansat sigurisht ishin pafund. Vajza është fëmija i dytë i çiftit të njohur, pas djalit 4-vjeçar, Joelit.

Në të gjithë Ballkanin këtë teknikë e mundësojnë vetëm 6 klinika moderne

Fekondim in vitro, duke zgjedhur paraprakisht embirionet më të shëndetshmë dhe me potencialin më të lartë, për më pak defekte të lindura te bebet. Teknologjia time – lapse në IVF, më e përdoruara nga klinikat më moderrne në botë për fekondimin in vitro, tashmë në Shqipëri ofrohet vetëm nga Spitali Amerikan. Gjithnjë avangardë në metodat e reja , Spitali Amerikan si një qendër ekselence qëndron krah 5 klinikave më moderrne të Ballkanit të cilat ofrojnë fekondimin in vitro me teknologjinë time-lapse. Ato janë të vetmet që munden t’i ofrojnë çifteve të reja, këtë metodë e cila mundëson shtatëzani të shëndetshme e pas saj një bebe edhe më të shëndetshme. Teknologjia time – lapse në IVF është aplikuar për herë të parë në 2010 nga studiuesit e Stanford University (USA). Që nga ky vit, janë të shumta studimet që kanë treguar superioritetin e saj në seleksionimin e embrioneve me potencial më të mirë për implantim. Nëpërmjet fotografimit të detajuar të embrioneve mjekët specialistë në labroatorë arrijnë të gjykojnë duke i ndjekur hap pas hapi se cilat nga këto embrione kanë arritur me sukses të kenë potencialin e nevojshëm dhe nuk kanë shfaqur asnjë anomaly. Sipas mjekëve në këtë mënyrë parandalohen një sërë defektesh të lindura tek bebet. Teknologjia time-lapse, është teknologjia më e përfolur nga mediat ndërkombëtare për fekondimin in vitro vitet e fundit. Qendra e fertilizimit in vitro në spitalin Amerikan, aktualisht është qendra me ekipin mjekësor më të specializuar dhe me aparaturat më moderne në Shqipëri. Suksesi i fertilizimi in vitro në Spitalin Amerikan ka shënuar madje disa raste të rralla suksesi ku edhe gra në moshën 50 vjeçare kanë sjellë në jetë fëmijët e tyre, pas shumë vitesh përpjekje.

Trajnohet stafi i neonatologëve, më pak dhimbje për bebet që duan trajtim mjekësor

Stafi i nenonatologjisë mori pjesë në trajnimin teoriko-praktik “ Vendosja dhe kujdesi për PIÇ-LINES”. Kjo teknikë është e përdorur tek fëmijët veçanërisht për trajtim intravenoz, dhënie të ushqimit lëngjeve dhe në rastet kur ata kanë nevojë për një trajtim të veçantë për disa javë. Vendosja e këtij kateteri, do të thotë më pak dhimbje për fëmijën duke eliminuar shpimin e tij me age sa herë trajtimi nevojitet. Veçanërisht për të sapolindurit përpara kohë PIÇ Lines njihet si teknika më e mirë për trajtimin dhe ushqimin e tyre.Ky catheter, mund të mbahet edhe mbi 4 javë pa shkaktuar asnjëi problem. Në sajë të kësaj teknike ulet numri i irritimeve te të vegjlit dhe lejohet marrja e likideve me përqendrim të lartë si dhe ushqyerja parenterale. Spitali Amerikan i kushton rëndësi jo vetëm teknikave më të mira për pacientët, por edhe trajnimit të vazhdueshëm të stafit mjekësor, duke besuar se vetëm në këtë mënyrë shërbimi mjekësor do të jetë ne nivelet më të larta. Procedura PIÇ –LINNES mund të kryhet vetëm nga një staf I personalizuar dhe për të vendosur tubin e vogël në vena duhen të paktën 1-2 orë. Teknika e përdorur është vetëm një nga teknikat më moderrne që përdoren në Spitalin Amerikan dhe veçanërisht në Qendra e Gruas dhe Fertilitetit të këtij spitali. Me një gamë shumë të gjerë dhe të kompletuar shërbimesh për shëndetin e gruas. Spitali Amerikan ka ekipin e duhur me mjekët më të mirë, si dhe kushtet e aparaturat më të avancuara për ndjekjen e shtatzënisë në lindje, nga Check Up-i gjinekologjik në problemet e fertilitetit, nga problemet e thjeshta gjinekologjike në kancerin e qafës së mitrës.