Archives

Laboratori Qendror i Spitalit Amerikan ka hapur dyert në shërbim të pacientëve në një adresë të re, në Bulevardin “Zogu i Pare”, pranë Maternitetit të vjetër “Mbretëresha Geraldinë”.

Ky laborator është një investim tjetër i madh që synon rritjen e mëtejshme të kualitetit të shërbimit diagnostik shëndetësor në vendin tonë. Me teknologjinë e fjalës së fundit në aparatura dhe shërbim cilësor, ky laborator ofron kushtet opmtimale për marrjen e çdo lloj shërbimi laboratorik.

Stafi i kualifikuar dhe në trajnim të vazhdueshëm i përbërë prej 37 profesionistësh mundëson për të jgithë pacientët e cdo grupmoshe nje gamë tepër të gjerë ekzaminimesh laboratorike;1300 ekzaminime të ndryshme referuar literaturës botërore dhe realizim sipas të gjitha standarteve ndërkombëtare.

Laboratori do të jetë në gatishmëri 24 orë në çdo ditë të javës, duke ofruar duke mundësuar çmime të favorshme për të gjitha llojet e ekzaminimeve dhe shërbimeve, si dhe oferta dhe paketa të vazhdueshme mbi ekzaminime të ndryshme për të gjitha grupmoshat.

Rrjeti laboratorik i Spitaleve Amerikane është i akredituar me ISO 15189:2012, ndër standartet më të rëndësishme mjekësore.

Akreditimi është kryer nga një ndër bordet më të njohura europiane, ESYD. Ky akreditim u arrit pas një pune të përbashkët më shumë se dyvjeçare të kryesuar nga stafi laboratorik dhe stafi i menaxhimit të cilësisë.

Rrjeti laboratorik është i shtrirë në 5 qendra të Spitalit Amerikan. Stafi i tij i kualifikuar, i nënshtrohet një programi trajnimi të vazhdueshëm duke garantuar nje sherbim cilesor, te sakte dhe te shpejte ne gjithe procesin e trajtimit shendetesor per pacientet qe i drejtohen Spitalit Amerikan.

Spitali Amerikan i përgjigjet thirrjes për ndihmë të familjes Muça, nga fshati Kodra Bujaras në Elbasan, të cilët prej ditësh apelonin mediatikisht për ndihmë për operacionin e djalit të tyre 13 vjeçar, Kleo Muça.

13 vjeçari Muça, për shkak të një aksidenti, pësoi 2 fraktura në të dyja këmbët, por më fatale rezultoi të jetë ajo e këmbës së djathtë.

Për shkak të kushteve minimale financiare dhe terrenit të vështirë ku ndodhet banesa e familjes Muça, Spitali Amerikan mori përsipër transportin me ambulancë dhe më tej kontrollin paraprak mjekësor për pacientin.

Kirurgët ortopedë pranë Spitalit Amerikan kanë kryer sot të gjitha kontrollet dhe ekzaminimet preoperatore të nevojshmë për të përcaktuar saktë gjendjen shëndetësore të pacientit, si edhe më pas trajtimin kirurgjikal, reponim i mbyllur i kockave të mwdha.

Spitali Amerikan, ndër vite ka provuar se mbetet lider në fushën e mjekësisë, jo vetëm për kushtet, stafin e kualifikuar dhe teknologjinë më moderne; por për veprimtaritë humane; ndërhyrjet, trajtimet dhe shërbimet falas gjithnjë në ndihmë të pacientëve në nevojë.

Federata Shqiptare e Sporteve me Kuaj në bashkëpunim me Bashkinë e Tiranës dhe Spitalin Amerikan organizuan diten e diele, 17 Prill Garën Ndërkombëtare të Kërcimit me Kuaj.

Sporti i hipizmit është i përhapur veçanërisht në vendet me tradita të mëdha sportive, dhe prej disa vitesh edhe në vendin tonë.

Nën kujdesin e veçantë të Federatës Shqiptare të Sporteve me Kuaj në Tiranë, vitet e fundit konstatohen përpjekje dhe iniciativa për të sjellë si aktivitet sportiv edhe rekreativ edhe në vendin tonë, disiplina të ndryshme të sportit të hipizmit.

Aktiviteti nisi në orën 10:30 pranë aneksit të Stadiumit “Selman Stermasi”. Në këtë kampionat garuan gjithësej 12 garues profesionistë nga vendi e me kombësi të ndryshme nga rajoni; si dhe me eksperiencë prej shumë vitesh në këtë disipline si garuesi Hellmut Meyer dhe Marcell Muller nga Gjermania, pjesemarres dhe fitues te shume garave nderkombetare.

3 çmime të rëndësishme u dhanë për konkurrentët në këtë garë, të cilat u shoqeruan me 3 kupa honorifike, ku çmimi i parë u fitua nga Himlmar Meyer, nga Gjermania; i dyti Andrian Todorov nga Bullgaria dhe cmimi i trete Adriatik Tafani nga Shqiperia.

Gjatë aktivitetit, biznese të ndryshme dhe brenda standarteve të vendosura nga APR-ja ofruan shërbime kulinarie (pije, ushqime fast – food) për pjesëmarrësit, vizitorët dhe sportdashësit.

Në këto evente të këtyre përmasave synohet të sillet në vëmendje rëndësia e ndërthurjes së elementëve sportivë dhe artistikë; përfshirja e të rinjve në iniciativa të tilla sensibilizuese me qëllim reduktimin e jetesës sedentare dhe ndikimit të drejtëpërdrejtë në cilësinë e jetës; si dhe shkëmbim të eksperiencave të tilla të standartit bashkëkohor në fushën e sporteve me kuaj.

Sot, në 7 Prill, në Ditën Botërore të Shëndetit, me fokus në sëmundjen e Diabetit; ditë e cila shënon dhe ditën e themelimit të Organizatës Botërore të Shëndetësisë (7 prill 1948); Spitali Amerikan mundësoi për të gjithë qytetarët shërbime dhe këshillim mjekësor.

Spitali Amerikan ishte prane qytetareve ne kryeqytet me 2 stendat ne Parkun Rinia dhe Parkun e Liqenit per te ofruar sherbime shendetesore falas; si matje glicemie dhe tensioni si dhe keshillim falas me mjekun e urgjences. Gjithashtu, te gjithe qytetaret u informuan mbi paketat dhe ofertat me fundit me sherbime mjekesore nga Spitali Amerikan; si dhe u shperndane materiale dhe revista informuese me informacione shendetesore te vlefshme per te gjitha grupmoshat. Stendat me sherbime dhe informacione mjekesore do te qendrojne edhe pergjate dites se neserme dhe fundjaves ne QTU.

Ky organizim vjen në vazhdimësi të nismave të ndryshme që Spitali Amerikan ndërmerr në kuadër të temave mbi shëndetësinë. Të vëmendshëm dhe të përgjegjshëm gjithnjë ndaj qytetarëve dhe pacientëve që prej vitesh i besojnë shëndetin e tyre, Spitali Amerikan mbetet lider në ofrimin e shërbimeve mjekësore në cilësi, kohë dhe standarte më të mira ndërkombëtare.

Edison Malaj, 12 vjeçari nga Tropoja, i është nënshtruar me sukses ndërhyrjes në shtyllën kurrizore nga mjekët profesionistë të Spitalit Amerikan, me në krye neurokirurgun Dr. Baris Saygili.
I lindur me probleme në shtyllën kurrizore, prej vitesh ai vuante nga vështirësitë në të ecur, inkontinencë dhe një sërë problemesh të tjera shëndetësore. Në pamundësi ekonomike për t’ju nënshtruar kontrolleve të nevojshme mjekësore dhe nga apeli në rrjete të ndryshme sociale; vetëm para pak javësh, familja Malaj e kontaktuar nga Spitali Amerikan pati mundësinë për të ndjekur dhe marrë shërbimet e duhura mjekësore nga mjekët specialistë dhe më pas për t’ju nënshtruar me sukses ndërhyrjes neurokirurgjikale.

Pas operacionit të suksesshëm në Spitalin Amerikan, mjekët shprehen se ai ndodhet në gjendje shumë të mirë shëndetësore dhe i aftë për t’ju rikthyer shumë shpejt normalitetit.
Familja Malaj nga Tropoja, e përbërë nga 5 persona, jeton prej vitesh në kushte tejet të vështira jetese dhe në pamundësi ekonomike për të përballuar shpenzimet për kurimin e Edisonit.

Spitali Amerikan, si mbështetës gjithnjë i shtresave në nevojë dhe pacientëve me probleme specifike shëndetësore, edhe këtë herë ka mundësuar falas kujdesin, ndërhyrjen kirurgjikale dhe trajtimin mjekësor para dhe pas të nevojshëm për pacientin.

4 Mars 2016, mjekë, infermierë dhe staf mjekësor, vullnetarë në gjithë botën ,vishen me ngjyrën blu. Kjo nismë realizohet në kuadër të sensibilizimit dhe ndërgjegjësimit të njërëzve për kontrollimin, parandalimin dhe diagnostikimin në kohë të Kancerit Kolorektal.

Kanceri i zorrës së trashë prek njësoj si meshkujt dhe femrat. 1 në 20 persona mund të preket nga ky tumor. 90 % e pacientëve të prekur janë mbi moshën 50 vjeç.

Kanceri i zorrës së trashë është i parandalueshëm, i trajtueshëm dhe i shërueshëm nëse diagnostikohet në kohë.

Spitali Amerikan, si çdo vit i është bashkuar nismës botërore për sensibilizimin dhe ndërgjegjësimin kundër kancerit kolorektal. Sot në 4 mars, pranë Urgjencës së Spitalit Amerikan 1, stafi mjekësor, infermieror dhe administrativ, të veshur në ngjyrë blu janë mbledhur për t’i thënë stop kancerit kolorektal, i cili zë vendin e dytë të vdekjeve nga sëmundjet tumorale.

“Dress in Blue day, Albania” është dita botërore, ku çdo shtet solidarizohet me të gjithë pacientët e diagnostikuar me kancer kolorektal dhe thekson çdo herë e më shumë rëndësinë e kontrollit dhe parandalimit në kohë të tij.

Përgjatë muajit Mars, Spitali Amerikan ofron për të gjithë pacientët, kontrollin mjekësor Check Up Proktologji, me shërbime dhe ekzaminime diagnostikuese specifike për parandalimin dhe kurimin e kancerit të kolonit.

Thonë se duke zgjedhur dhe dëgjuar muzikën që ju lidhin me kujtimet qetësuese, ju mund të hiqni mendjen nga mendimet negative që janë shqetësuese. Në çdo rast kur përjetoni stres, vështirësi apo probleme shëndetësorë, muzika është një terapi e mirë relaksuese që të përjetoni një kënaqësi dhe qetësi shpirtërore, larg shqetësimeve tuaja.

Spitali Amerikan, në bashkëpunim me Teatrin Kombëtar të Operas dhe Baletit sjell në një mënyrë të veçantë për të gjithë pacientët e të dy spitaleve amerikane këtu në Tiranë dhe stafin, Koncertin e Muzikës së Dhomës. Kështu kanë zgjedhur të surprizojnë të gjithë pacientët e pavioneve me shtrim të të dy spitaleve ditën e shtunë duke ju dhuruar një kënaqësi të veçantë me muzikë të performuar nga profesionistët e orkestrës së TKOB, në ambjentet e Spitalit Amerikan 2.

15 instrumentistët virtuozë të Dhomës së Teatrit Kombëtar të Operas dhe Baletit, nën dirigjimin e Angelo Gabrielli, mexosopranos së mirënjohur Vikena Kamenica, fituesja e Festivalit te ketij vitit “ Marie Kraja” Enkeleda Kamani dhe Dorina Selimaj, soprano, soliste prej vitesh ne TKOB dhe instrumentistëve më në zë të teatrit performuan ne kete kocert.

Kjo nismë “dhuratë” ju kushtohet të gjithë pacientëve që ndodhen në të dy spitalet amerikane në Tiranë, të cilët përpos luftës me sëmundjen, trajtimit të vazhdueshëm mjekësor nën kujdesin e mjekëve profesionistë dhe të përkushtuar’; të mund të relaksohen dhe dëgjojnë një muzikë e cila zgjon ndjenjat më pozitive, mund stresin e vështirësite dhe zbukuron ambjentin përreth me nota muzikore.

Instrumentistët do të luajnë muzikë të zgjedhur nga Benedetto Marcello dhe me se shumti nga Mozart me pjeset me te njohura “l’ho perduta” dhe “Deh Vieni Non Tardar” te Le nozze di Figaro etj.

Terapia e Mozart, nuk ka nevojë për aprovim si ilaçet e tjera, ajo është kura më e re, është zakonisht falas ose më pak e kushtueshme dhe aksesohet lehtë.

Pjesemarres ne kete event ishin Ministria e Kultures Zj. Mirela Kumbaro dhe Drejtoresha e Institutit Italian Zj. Adriana Fisena.

I ftuar special ishte Josif Gjipali, tenori shqipetar me fame boterore.

Spitali Amerikan është gjithnjë në pararojë të nismave dhe risive me karakter social e artistik për shërbimin sa më cilësor kundrejt pacientëve.

Spitali Amerikan vazhdon të jetë lider në kryerjen me sukses të ndërhyrjeve më të vështira kirurgjikale me metodat më të fundit teknologjike. Spitali Amerikan ka realizuar me sukses ndërhyrjen e vështirë kirurgjikale mininvazive me metodën me lazer në trajtimin e tumorit të laringut. Stafi i specializuar i mjekëve shqiptarë dhe të huaj sjellin metodën më të fundit të ndërhyrjes kirurgjikale për trajtimin e sëmundjeve tumorale të laringut në faza të avancuara.

Kirurgu Otorinolaringolog Alfred Aga i pajisur me eksperiencë disavjeçare në dy nga qendrat më të zhvilluara botërore në fushën e kërkim-zhvillimit të trajtimeve shëndetësore, si ai i Institutit Kombëtar Italian të Tumoreve në Romë dhe Klinikës Onkologjike të Kokës dhe të Qafës në Breshia – Itali, në bashkëpunim me Prof. Dr. Giorgio Peretti; Shef i Shoqatës së Laringologjisë Europiane, që njihet edhe si një nga kirurgët Otorinolaringolog më të mëdhenj në botë për kirurgjinë me lazer të laringut kanë realizuar me sukses në Spitalin Amerikan ndërhyrjen për kurimin e tumorit të laringut.

Në vijim janë realizuar 4 ndërhyrjet e para me lazer CO2 për tumore të laringut. Operacionet zgjaten rreth 1 orë secili dhe pacientët qendruan vetëm 1 ditë në spital. Ndërhyrja me lazer CO2 është shumë pak e dhimbshme dhe aplikohet në raste kur tumoret paraqiten në stadin fillestar. Rezultatet e shërimit me këtë teknikë janë shumë të mira, me një mbijetesë të pacientëve në rreth 90 % të rasteve. Edhe cilësia e zërit pas këtij operacioni është shumë e mirë, pra pacientët nuk humbasin zërin e tyre dhe nuk është e nevojshme t’iu bëhet traketotomia.

Për këtë arsye është shumë e rëndësishme që pacientët të diagnostikohen sa më shpejt dhe mjekët tërheqin vëmendjen që në raste të ngjirjes së zërit më shumë se 6 javë, pacienti duhet t’i nënshtrohet një vizite tek specialisti për të kryer një laringoskopi (ekzaminimin e kordave të zërit). Shumë e rëndësishme është edhe mbajtja nën kontroll e pacientëve edhe në periudhën postoperatore në mënyrë që në rast ripërsëritje të sëmundjes të rindërhyet në kohë, pasi përdorimi i lazerit mund të bëhet edhe disa herë në të njëjtin pacient. Që sot e tutje për pacientët shqiptarë Spitali Amerikan ofron mundësinë e trajtimit të sëmundjeve të zërit me konsulencën e një nga specialistëve më në zë në rrang botëror në fushën e laringologjisë, pa patur nëvojë t’u drejtohen klinikave të tjera jashtë vendit për trajtimin më të mirë.