Ulet mosha për sëmundjet kardiovaskulare në Shqipëri.

Mjekët e Spitalit Amerikan: Në shtim rastet edhe tek 20-30 vjeçarët

Nëse më parë fëmijët sillnin në spital prindërit e tyre me atak ne zemër sot po ndodh e kundërta. Mjekët kardiologë të Spitalit Amerikan, ngrenë alarmin se është ulur ndjeshëm mosha e personave që vijnë në spital me një infarkt të miokardit. Sipas tyre mënyra e jetesës dhe stresi psikologjik janë faktorët kryesorë.” Sëmundjet më të shpeshta të zemrës, janë sëmundjet koronare apo sëmundjet kardiovaskulare, infarkti I miokardit. Shqetësues është fakti se nëse më përpara fëmija ka sjellë babain me infarkt, tani po ndodh e kundërta. Kjo tregon që edhe mosha është ulur deri në moshën 20-30 veçare ku rastet janë shtuar”, shprehen mjekët e spitalit Amerikan. Sipas tyre kontrollet periodike janë ato që do të conin në parandalim të sëmundjeve. Vetëm në njërin prej filaleve të spitalit Amerikan mesatarisht kryhen 30 vizita nga të rinj që shfaqin këto probleme. Gjithashtu nuk mungojnë edhe ndërhyrjet e specializuara në zemër që u shpëtojnë jetën dhjetra pacientëve. Sipas mjekëve të Spitalit Amerikan, edukimi për një zemër të shëndetshme duhet të nisi që në moshë të hershme. “Përdorimi I duhanit dhe i alkoolit, yndyrnat, stresi dhe përdorimi i lëndëve narkotike janë disa nga shkaktarët. Për të mbajtur një zemër të shëndetshme, prindërit duhet t’i edukojnë fëmijët për stilin e ushqyerjes, aktvitiete sportive dhe duhet t’I mësojnë si të përballen me stresin psikologjik”, shprehen mjekët. Sëmundjet kardiake renditen të parat për shkallën e vdekshmërisë. Shenjat e këtyre sëmundjeve si: dhimbje në kraharor, marrje fryme nuk duhen neglizhuar, drejtohuni sa me shpejt pranë spitalit.

Ortopedia në Spitalin Amerikan, me ndërhyrjet e reja kirurgjikale i kthehen jetës normale edhe pacientët mbi 70 vjeç

By Spitali Amerikan - Të Reja

Kirurgu Tonin Alia, sfida jonë rekuperimi i shpejtë dhe pa dhimbje i pacientëve

Nuk ka asnjë dallim mosha e pacientit. Sfida e ekipit të mjekëve ortopedë të spitalit Amerikan 3, drejtuar nga mjeku i njohur Tonin Alia, është rikthimi i tyre në jetën normale, pa dhimbje, pa simptoma invaliditeti. I tillë është rasti një 70 vjeçareje, e cila është drejtuar për ndihmë në spitalin Amerikan. “Pacientja u paraqit në gjendje të përkeqësuar, duke çaluar dhe në pamundësi për të zhvilluar jetën e saj normale. Sfida e ekipit tim është vendosja e një anatomie normale dhe të bëjmë një ndërhyrje kirurgjikale me parametrat më bashkëkohorë dhe me materialet me cilësore, në mënyrë që pacientja t’i rikthehet jetes normale”, shprehet mjeku Alia. Vetë pacientja pas ndërhyrjes, dëshmon se po rehabilitohet dhe gradualisht po i kthehet jetës normale.”Ndryshimi është i dukshëm. Jam shumë e kënaqur nga ndërhyrja dhe besoj që rekuperimi do jetë i shpejtë”, shprehet 70-vjeçarja. Mjeku Tonin Alia ka realizuar një sërë ndërhyrjesh kirurgjikale me të njëjtat metoda siç ato realizohen në vende të zhvilluara të Europës. Kirurgu I mirënjohur ortoped tashmë prej muajsh i është bashkuar Spitalit Amerikan. I ardhur nga Milano, pas një experience 28 vjeçare në spitalet më të njohura në Itali ka zgjedhur spitalin Amerikan për teknologjinë e avancuar që I mundëson kryerjen e ndërhyrjeve kirugjikale tepër të vështira. Doktor Tonin Alia, veprimtarinë më të madhe si kirurg i parë në sallën e operacionit e ka nisur në klinikën ortopedike të Spitalit “San Paolo” në Milano për të vazhduar më pas në Klinikën Ortopedike e Traumatologjike të Institutit Poliklinik “San Donato Milanese”.

Gjithçka që duhet të dini për të luftuar gripin te fëmijët tuaj.

By Spitali Amerikan - Të Reja

Dr. Niketa Koliçi, mjeke neonatologe në Spitalin Amerikan, jep disa këshilla se si të mbroni dhe të trajtoni fëmijet tuaj në këto ditë virozash.

Gripi është një infeksion i rrugëve respiratore i shkaktuar nga virusi influenza.

Gripi shpërthen çdo vit, zakonisht mes muajve nëntor dhe prill. Për shkak të ndryshimeve të shpeshta që pësojnë viruset e influenzes njerëzit nuk jane imunë për kohë të gjata. Kjo është arsyeja pse mund të sëmuremi disa herë brenda vitit me grip. Termi virozë e stinës ka të bëjë me viruset e influenzës që përhapen çdo vit.

Si përhapet gripi?
Viruset e influencës qendrojnë në hundë dhe orofarings. Fëmijët mund ta marrin nga motrat e vëllëzërit, prindërit, shokët e shkollës apo edukatoret.
Sporet zakonisht përhapen nëpërmjet:

Kontaktit të drejtpërdrejtë- puthja apo prekja me persona të sëmurë
Kontaktit jo të drejtpërdrejtë – nga prekja e të njëjtave objekte me personat e sëmurë
Nëpërmjet ajrit- nga tështimat ose kolla

Si ta kuptojmë kur fëmija është me grip?
Simptomat më tipike të gripit përfshijnë:

Temperaturë të papritur
Dhimbje koke e muskujsh
Lodhje të shprehur
Kollë të thatë
Mungesë oreksi

Tek fëmijet këto shenja shpesh shoqërohen me :

Temperaturë të lartë e pashpjegueshme, pa shenja të tjera shoqëruese
Shpesh ka temperaturë mbi 39.5 që shoqërohen edhe me konvulsione
Dhimbje stomaku, të vjella dhe diarre
Dhimbje veshi, sy të skuqur

A mund të shkaktojë gripi komplikacione të tjera?
Në individët e shëndetshëm gripi kalon pa problem serioze, temperatura dhe dhimbjet e muskujve zgjasin 2-4 ditë, kurse kolla dhe lodhja mund të vazhdojnë edhe për dy javë.
Te fëmijët mund të ndërlikohet me laringite, bronchiolitis apo pneumoni.
Gripi dobëson sistemin imunitar duke mundësuar mbivendosjen e infeksioneve bakteriale të veshit, mushkërive apo sinuseve.
Gripi është më i rrezikshëm në fëmijet më të vegjel se 2 vjeç të cilët janë të prekur nga sëmundje kronike të zemrës, mushkërive apo që vuajnë nga problemë neurologjike.
Në raste të rralla gripi shkakton komplikacione të zemrës apo trurit.

Kur duhet ti drejtohemi mjekut?
Nëse bebi juaj është më i vogël se 3 muajsh dhe:

Ka vështirësi në frymëmarrje
Nuk ushqehet apo vjell
Ka temperaturë > 38

Nëse fëmija juaj:

Merr frymë shpejt dhe me vështirësi
Ka dhimbje gjoksi dhe kollë me gjak
Kur kolla i provokon edhe të vjella
Merr shumë pak lëngje ose ka mbi 6 orë zgjuar,pa urinuar
Vjell për më shumë se 6 orë rresht,ose ka diarre profuze
Kur temperatura vazhdon për më shumë se 5 ditë

Dërgojeni urgjentisht në spital fëmijën tuaj nëse:

Ka vështiresi të theksuar për të marrë frymë, ose i janë nxirë buzët
Është i plogësht ose nuk mund të lëvizë
Kur nuk arrini ta zgjoni dot
Ka qafën të ngurtësuar
Është konfuz dhe nuk orientohet
Bën konvulsion

Çfarë të bëjmë kur fëmija është me grip?

Mbajeni sa më rehat të mundeni. Ushqejeni me shumë lëngje dhe vakte të vogla me shumë kalori
Nëse ka temperaturë, visheni lehtë dhe mbani temperaturën e dhomës rreth 20.
Për të lehtësuar dhimbjet apo temperaturën më të lartë se 38.5 përdorni paracetamol. Ibuprofeni nuk duhet përdorur në fëmijët < 6 muajsh. Përdorni dozën e rekomandur nga mjeku jo më shpesh se 4 orë. Mos përdorni aspirinë.
Mos përdorni antigrip te fëmijët më të vegjel se 6 vjeç
Nëse fëmija juaj vuan nga sëmundje kronike që mund të dëmtojnë sistemin imunitar drejtohuni mjekut në dyshimin e parë që keni për gjendje gripale.

Si mund të parandalojmë shpërhapjen e gripit?

Mënyra më e mirë e parandalimit është vaksinimi. Fëmijët mbi 6 muaj duhet të vaksionohen një herë në vit. Vaksina është shumë e rëndësishme sidomos për fëmijët < 5 vjeç dhe ato që vuajnë nga sëmundje kronike
Kur në shtëpi kemi fëmijët më të vegjel se 5 vjeç duhen vaksinuar edhe anëtarët e tjerë të familjes
Të mbahet me rigorozitet higjena e duarve
Të shmangen shkëmbimet e lodrave dhe objekteve personale.

I ftohti, Mjekët Pneumologë të Spitalit Amerikan: Kur nuk duhen neglizhuar simptomat e sëmundjeve të mushkrive, Personat e rrezikuar dhe si të mbrohemi nga viruset gripale?

By Spitali Amerikan - Të Reja

Ulja e temperaturave riaktivizon sëmundjet e mushkrive të cilat në jo pak raste mund të kthehen në një rrezik serioz për shëndetin. Veçanërisht personat që vuajnë nga sëmundje kronike, por edhe fëmijët e të moshuarit, janë ata më të predispozuarit për tu prekur prej tyre. Për mjekët pneumologë, i ftohti jo domosdoshmërisht do të thotë prekje nga gripi e këto sëmundje, por pse atëherë ndodh që pikërisht dhjetori, janari e shkurti njihen si muajt e epidemive të shkaktuara nga i ftohti? Mjekët pneumologë pranë spitalit Amerikan , sqarojnë se ka disa faktorë që ndikojnë dhe që duhet të na bëjnë të jemi më vigjilentë e të mos neglizhojmë. “Faktori i parë ka të bëjë me imunitetin e organizmit. Me uljen e temperaturave edhe organizmi ka aftësinë të uli temperturën e vet dhe në lojë futen ato faktorë termo- rregullues që ndikojnë për të ruajtur temperaturën normale të trupit 37 gradë. Nëse ne nuk do ta ndihmojmë organizmin që ky lloj imuniteti të rrijë stabël, sulmi i viruseve do të jetë më i lartë” Mesazhet e parandalimit për të mbrojtur veten dhe të afërmit tuaj nga infeksionet respiratore të dimrit janë të njohura. Por ato nuk zbatohen domosdoshmërisht. Njerëzit, edhe nëse janë të vaksinuar kundër gripit, duhet të vazhdojnë të zbatojnë praktikat e higjienës për të mbrojtur veten dhe të tjerët nga sëmundjet e tjera. Vaksinimi sezonal i gripit mbetet një nga mënyrat më efektive për të parandaluar sëmundjet dhe për të mbrojtur ata rreth jush. Megjithatë, ky vaksinim nuk mbron nga të gjitha sëmundjet dhe një gjest i vetëm nuk mjafton. Vetëm respektimi i të gjithë gjesteve të parandalimit bën të mundur mbrojtjen nga të gjitha viruset e dimrit. Janë 7 gjeste parandaluese për tu mbrojtur kundër viruseve të dimrit: – Lani duart – Mbuloni hundën dhe gojën kur kolliteni ose teshtini – Pastroni hundën me një shami ose kartëpicetë njëpërdorimshme – Mos e prekni fytyrën, sidomos hundën dhe gojën

Kur jemi të sëmurë: – Qëndroni në shtëpi, kufizoni daljen, kontaktoni mjekun nëse është e nevojshme – Kufizoni kontaktet direkte dhe indirekte (nëpërmjet objekteve) – Vini një maskë, veçanërisht kur jeni në kontakt me njerëz të rrezikuar Personat që duhet të kenë më shumë kujdes, janë personat mbi 60 vjeç dhe personat me sëmundje kronike si ato të zemrës, të mushkrive, azmatikët etj. Ata nuk duhet të presin që gripi të përfundojë ciklin prej 4-5 ditësh, duhet të paraqiten tek mjeku menjëherë. Patologjitë më të shpeshta gjatë kësaj periudhe janë astma bronkiale,bronkiti kronik, sëmundjet kardiovaskulare.

Spitali Amerikan merr përsipër rastin e 4 vjeçares që ende nuk ecën.

By Spitali Amerikan - Të Reja

Spitali Amerikan merr përsipër rastin e 4 vjeçares që ende nuk ecën.
Fizioterapi falas në një kohë të pacaktuar.

Elona Çollaku është 4 vjeç, por nuk mundet të ecë. Pas një keqformimi të lindur, u desh një ndërhyrje kirurgjikale që në muajt e parë të jetës, që ajo të mundej gradualisht të ishte si gjithë fëmijët e tjerë. Për rastin e saj, mjekët sqarojnë se në javën e tretë dhe të katërt të shtatëzanisë, një pjesë e embrionit nuk u ngjit. Kjo solli si pasojë që në vendin ku duhet të krijijohej kanali i palcës së kurrizit, kockat, muskujt, lëkura, të krijohej një qeskë me lëngun e trurit dhe nuk u krijuan as nerva dhe as muskuj dhe as koçkë. Operacionet u kryen katër vite më parë, por asistenca mjekësore për Elonën është e domosdoshme edhe tani, me një shërbim tjetër po aq të rëndësishëm siç është fizioterapia. E ëma mes lotesh, tregon se nuk mundet dot ta përballojë ekonomikisht e nga ana tjetër dëshiron me zemër të shohë të bijën te ecë. Pas bërjes publik të këtij rasti ne media, Spitali Ameriikan, i cili ofron sot shërbimin me elitar të Fizioterapisë në vend, me qendrën më të madhe të këtij shërbimi në Shqipëri, iu përgjigj thirrjes për t’i ardhur në ndihmë familjes Çollaku. Shërbimi i Fizioterapisë do të të ofrohet falas për Elonën e vogël në mënyrë që ajo të mund të ecë si fëmijët e tjerë.

“Ne jemi njohur me rastin e vajzës, me problematikën e saj. Ajo ka nevojë për të marrë shërbimin e fizioterapisë . Ne do t’ja ofrojmë sigurisht pa asnjë detyrim financiar për një periudhë të pacaktuar , duke parë ecurinë e gjendjes së saj shëndetësore ”, shprehet Drejtoresha e Marrëdhënieve me Publikun dhe Marketingut në Spitalin Amerikan, Oriela Cano. Ajo sqaron se përveç fizioterapisë, vajzës do t’i ofrohet gjithë asistenca mjekësore për të cilën ajo do të ketë nevojë. Fizioterapia sot vërtet bën mrekulli duke ngritur në këmbë edhe persona të cilëve mjekët nuk i kanë ofruar asnjë alternativë tjetër.

Qendra më e madhe e fizioterapisë në Shqipëri, në Spitalin Amerikan 3, rikthen cilësinë e jetës së shëndetshme! Me ekipin e shkëlqyer të mjekëve italianë dhe shqiptarë përveç terapisë manuale, tek kjo qendër ofrohen 8 lloje të tjera terapish, të cilat sipas problematikës së pacientëve, një plani të detajuar trajtimi dhe një diagnostikimi të mirëfilltë imazherik bëjnë të mundur që pacienti jo vetëm të vlerësohet siç duhet, por të shkurtojë kohën e rehabilitimit. Elektro-terapia,

Ultratingulli, Rrezet infra të kuqe, Krioterapia, Parafino-terapia , Traksioni Vertebral janë shërbime të fizioterapisë që nuk do t’i gjeni në asnjë klinikë apo qendër tjetër. Me kombinimin e tyre dhe eksperiencën e mjekëve më të njohur të huaj e vendas, trajtimi bëhet edhe më i thjeshtë.

Spitali Amerikan në ndihmë të pacientëve në nevojë. I rikthen dritën e syve pacientit Shpëtim Balliu

By Spitali Amerikan - Të Reja

Lutjes së Suzana Balliut, drejtuar emisionit investigativ STOP për t’i kthyer shikimin vëllait të saj 55 vjecar,Shpëtimit, i është përgjigjur menjëherë Spitali Amerikan.

I njohur me rastin, “Stop” kërkoi ndihmën dhe bashkëpunimin e Spitalit Amerikan për t’I rikthyer dritën e syve pacientit.

Me synimin dhe misionin, tashmë një traditë e Spitalit Amerikan për t’i ardhur në ndihmë të gjitha rasteve me probleme sociale dhe ekonomike që kanë nevojë për asistence të specializuar mjekësore; ekipi i mjekëve oftalmologë u kujdes që prej vizitës së parë të pacientit deri në kthimin total të shikimit.

Kirurgu oftalmolog pranë Spitalit Amerikan 3, Dr. Nadon Qafa pas përcaktimit të diagnozës, shfaqje e kataraktës në gradë të lartë në të dy sytë; premtoi dhe realizoi me sukses ndërhyrjen, e cila i riktheu përfundimisht shikimin pacientit.

Në një maratonë shërbimesh, ndërhyrje kirurgjikale, trajtimi post kirurgjikal dhe përkujdesjeje maksimale, sot Shpëtimi mund të shohë dhe gëzon shëndet të plotë.

“Dia Vita” zhvillon trajnimin për menaxhimin e urgjencave mjekësore

By Spitali Amerikan - Të Reja

Cilësi shërbimi sipas protokolleve europiane në qendrat e dializës në 5 qytete

Edukim në vazhdim i stafit mjekësor sipas protokolleve europiane në qendrat e dializës.Ky ishte qëllimi i trajnimit një javor të zhvilluar nga shoqëria “DiaVita” e cila ofron këtë shërbim me standarded më të larta në 5 qytete të vendit, si pjese e partneritetit publik privat. Stafi mjekësor që punon në qytetin e Shkodrës, Lezhës, Vlorës, Korccës dhe Elbasanit, nën kujdesin e shoqërisë konçesionare DiaVita dhe në bashkëpunim me Shoqërinë Italiane AEFFE AggiornaMenti InFormazione për Edukimin ECM, mori një cikël leksionesh mbi ndihmen e shpejtë tek fëmijët dhe të rriturit.

Edukimi u zhvillua konform protokolleve europiane më të fundit ILCOR – ERC 2015. Në fund të kursit i cili u zhvillua me tre module, stafi i trajnuar pervetesoi aftesitë për manaxhimin korrekt te trajtimit të urgjencave mjekësore të cilat do ti përdorë në dobi të pacienteve të dializës. Ky kurs ofroi njohuri që lidhen me aftësimin e stafit për të mbajtur funksionet vitale të pacientit në nevojë për ndihmë të shpejtë. Në Maj te vitit 2015 Ministria e Shëndetesisë shpalli tenderin për ofrimin e shërbimit të dializës në 5 qendra ku u shpall fitues projekti i bashkimit të shoqërive Evita dhe American Hospital të cilët themeluan shoqerinë koncesionare DiaVita. Që nga Maji i vitit 2017 DiaVita operon me kapacitet të plotë në Vlorë, Shkodër, Lezhë, Elbasan dhe Korcë duke i ardhur në ndihmë pranë vendbanimeve të tyre mbi 300 pacientëve që marrin shërbimin e dializës, duke rritur ndjeshëm cilësinë e shërbimit dhe cilësinë e jetës së këtyre pacientëve që më parë udhëtonin me ore të gjata për të marrë këteë shërbim larg vendbanineve të tyre.

S’keni vendosur ende për dhuratat e fundvitit? Klinika dermoestetike Vivia, ofron paketat me zbritje

By Spitali Amerikan - Të Reja

I keni menduar dhuratat e festave të fundvitit? Dilema merr fund sapo t’i hidhni një sy asaj çka klinika dermoestetike Vivia ka menduar për ju! Trajtime për fytyrën, trupin, flokët dhe jo vetëm kaq. Të gjitha me çmime ofertë vetëm për të marrë pjesë sado pak në atmosferën tuaj festive, për ta bërë edhe më të bukur këtë periudhë të vitit. Për mikeshat tuaja që preferojnë trajtimet e trupit, apo për të dashurit tuaj, Vivia ofron tre super paketa më vlerë vetëm 2500 lekë secila. Ju mund të zgjidhni mes :

· Trajtim trupi dedikuar atij..

· Trajtim i celulitit

· Trajtim lifting i kraharorit dhe gjoksit

Nëse doni të keni një trajtim të trupit dhe fytyrës mund të zgjidhni Paketën :

Trajtim fytyre me maskë Gold +trajtim I trupit me alga dhe ekstrakte bimore. Kjo paketë kushton 5000 lekë dhe ju mund tua dhuroni fare mirë, mikeshave apo partnereve tuaja.Paketat e mezoterapisë ofrohen gjithashtu me çmime preferenciale për të gjithë ata që duan t’I dhurojnë vetes apo një personi të dashur një nga këto shërbime të avancuara dhe ndër më të efektshmet për lëkurën e flokët.

Me çmime të reduktuara vijnë për ju në këtë fund vit:

· Plazma +Mezoterapi 150 euro

· Trajtim antinjollë me mezoterapi 70 euro

· Plazma +Mezoterapi për rënien e flokëve 100 euro

· PRP+Mezoterapi (qafë kraharor0 150 euro

Përfitoni nga këto oferta duke bërë zgjedhjen e duhur për të kënaqur të gjithë ata që kujdesen për veten. Në klinikën dermatologjike vivia, stafi më i kualifikuar dhe aparaturat më moderrne, garantojnë mirëqenien tuaj fizike, duke iu dhuruar pamjen dhe përkujdesjen që dëshironi!

Spitali Amerikan tërheq vëmendjen Europiane

By Spitali Amerikan - Të Reja

Health Business International, portali lider i biznesit privat shëndetësor në Europë e më gjerë, i ka kushtuar hapësirë ekskluzive intervistës me Dr. Klodian Allajbeu, CEO i Spitalit Amerikan.

Investimi më i madh privat shëndetësor në Shqipëri po kapërcen kufijtë e rajonit duke marrë vëmendjen europiane. Kjo jo vetëm për shkak të qëndrueshmërisë në treg dhe rritjes së vazhdueshme por edhe në sajë të mjekëve me eksperiencë ndërkombëtare, teknologjisë së avancuar që konkuron me spitalet me emër, mbulimit të një game gjithnjë e më të gjerë shërbimesh dhe risive si synimi i akreditimit në shkallën më të lartë ndërkombëtare nga JCI. Spitali Amerikan, prej 11 vitesh në Shqipëri, po hedh hapa të sigurtë duke u zgjeruar çdo ditë me degë të reja brenda vendit e jashtë tij. Me një vizion të qartë për të ardhmen e këtij investimi me impakt social madhor, CEO i këtij spitali, Dr. Klodian Allajbeu, është intervistuar së fundmi nga rrjeti dhe portali lider i politikave dhe biznesit shëndetësor privat; Healthcare Business International. Ky I fundit i ka kushtuar një artikull të veçantë Spitalit Amerikan, duke i dhënë jehonë ndërkombëtare zhvillimeve e aktualitetit në mjekësinë shqiptare. Në këtë intervistë Dr. Allajbeu tregon më shumë për objektivin e shtrirjes përtej Shqipërisë dhe Kosovës, duke e kthyer Spitalin Amerikan në një Institucion shëndetësor të konsoliduar e standardizuar në të gjithë rajonin.

Healthcare Europa

Ndryshimet radikale në mënyrën si operatorët paguhen pritet që të lejojnë dhënien e fondeve publike spitaleve private nëpërmjet subvensionimit për një gamë të caktuar proçedurash për herë të parë duke çuar kështu në zgjerimin e tregut.

Sistemi shëndetësor publik në Shqipëri është përballur gjithnjë me sfidën e mbulimit të shërbimit për shtresat me të ardhura të limituara ndërkohë që aktorët privatë janë të varur kryesisht në pagesat me lekë në dorë dhe në raste sporadike mbështeten nga fondet publike.

Duket se ndryshimi ka filluar. Në intervistën e tij CEO i Spitalit Amerikan, shpjegon se kjo praktikë po ndryshon. ”Deri tani, spitalet publike në Shqipëri janë financuar më fonde fikse çdo vit në rritje, dhe nga ana tjetër nuk ka ekzistuar kontrolli efikas për menaxhimin e ketyre fondeve. Shumë shpejt pritet të implementohet nga qeveria një sistem DRG (Grupi i Shpenzimeve sipas Diagnozave – Diagnosis Related Group) bazuar në një listë diagnozash e proçedurash për të cilat të dy sektorët, si ai publik edhe ai privat, do të rimbursohen.

“Pacientët do të kenë mundësinë të zgjedhin të shkojnë në një spital publik apo privat (me shpenzimet publike)” thotë Allajbeu. “Mund të jetë një sistem që kërkon një pagesë të pjesshme nga pacienti, por gjithsesi pagesa bazë behet nga fondi publik”

Kjo është një praktikë e ndjekur edhe në vende të tjera europiane. Struktura e implementimit të pagesave të DRG-së (paketave te rimbursuara) është prioritet i Ministrisë së Shëndëtësisë aprovuar nga qeveria dhe lista e proçedurave të subvensionuara pritet të publikohet në gjysmën e parë të vitit që vjen. Skema pritet të hyjë në fuqi në 2019. Allajbeu shprehet optimist për implementimin e një skeme të ngjashme DRG edhe në Kosovë e Maqedoni.

Healthcare Nova

Spitali Amerikan në Shqipëri ka pesë degë spitalore, një qendër mjekësore dhe një laborator qendror. Eshtë themeluar në 2006 me synim trajtimin e pacientëve që kërkonin shërim jashtë vendit dhe pa asnjë mbështetje nga fondet publike të cilat në atë kohë ishin të destinuara pothuajse ekskluzivisht për spitalet shtetërore. Por kjo e fundit pritet të ndryshojë. Për më shumë Healthcare Nova intervistoi Klodian Allajbeu, CEO i Spitalit Amerikan.

Si e pati zanafillën Spitali Amerikan?

Filluam në 2006 me kardiokirurgjinë. Duke qënë se në atë kohë në Shqipëri kardiokirurgjia pothuajse mungonte dhe se shumica e pacientëve detyrohej të udhetonte jashtë për të marrë trajtim, gjatë 2006-2010 ne u fokusuam pikërisht tek këta pacientë dhe ia dolem ti trajtojmë këtu.

Suksesi që patëm na lejoi zgjerimin duke bërë të mundur hapjen e një spitali me gamë të plotë shërbimesh ambulatore dhe dy salla kirurgjikale.

Cilët janë pacientët tuaj dhe si paguajnë ata?

Modeli që shfaq Shqipëria nuk është i njëjtë me atë të vendeve të tjera ne zhvillim. Këtu sigurimet shëndetësore nuk funksionojnë – dhe kompanitë private të sigurimeve nuk kanë të njëjtin efikasitet.

Në mënyrë që targeti ynë të mos ishte i limituar vetëm në personat me të ardhura të larta, u fokusuam në familjet me të ardhura mesatare; 6,000€ – 7,000€ në vit. Shqipëria është një treg në zhvillim, por ka një ekonomi relativisht të qëndrueshme e cila ka pësuar nje rritje prej 3-5% çdo vit. Eshtë një vend I pasur me burime natyrore si naftë dhe minerale, madje një gazsjellës, projekt i rëndësishëm në ndertim e sipër; TAP, do të përshkojë vendin tonë.

Në familjen tipike shqipëtare ekziston ende një mbeshtetje e fuqishme ku, nëse nevojitet, të gjithë se bashku paguajnë për shpenzimet shëndetësore të pjesëtarit në nevojë.

A merrni para nga fondi publik?

Ne jemi i vetmi institucion mjekësor në rajon, që kryen transplantin e veshkës, mëlçisë, implantin koklear dhe atë të kornesë. Qeveria së fundmi ka filluar të na paguajë për këto shërbime nëpërmjet fondit të sigurimeve.

Si fillim nuk kishit nga t’a dinit që do të kishit mbështetjen e qeverisë. A nuk ishte fillimi i biznesit në Shqipëri një sfidë e rrezikshme?

Ishte një lëvizje strategjike, pasi Shqipëria ka një situatë politikë të qëndrueshme. Nuk ka diferenca të thella ideologjike midis te majtës dhe të djathtës, si edhe nuk ka konflikte fetare. Ekonomia është në rritje dhe Shqipëria është një vend kandidat për të hyrë në Bashkimin Europian. Ne u sjellim politikëbërësve zhvillim dhe risi në shërbimin shëndetësor dhe për politiken reformat shëndetësore janë gjithnjë zhvillime që përkthehen në vota. Marrim shembull dializën. Themeluam qendrën tonë të parë të dializës në 2008. Në atë kohë filluam me 20 pacientë, ndërkohë që ishin 2000 të tillë që kishin nevojë për këtë shërbim. Më parë pacientët ishin të detyruar të shkonin në Greqi ose Itali dhe jo gjithmonë ishin në gjendje të paguanin 90 – 100€ për një seancë (rreth 14,000€ në vit). Tashmë shteti na ka financuar plotësisht për këtë shërbim.

Ofrojmë çmime konkuruese dhe gjithashtu tërheqim mjaft turistë nga rajoni, Italia apo Mbretëria e Bashkuar.

Si janë përqindjet e prurjeve privat/publik tek ju?

Rreth 82% e xhiros janë pagesa në dorë dhe 18% rimbursim nga shteti.

Si e shikoni tregun në tre vitet e ardhshme e më tej?

Duke vlerësuar tregun të cilin synojmë, pritshmëritë e mia janë drejt një rritjeje të madhe – Shqipëria ka 3,5 miljonë banorë; 2,5 miljonë ka Kosova dhe nëse përfshijmë edhe Maqedoninë bëhet një treg total prej rreth 8-9 miljonësh.

Dhe mendoni se interesi për sektorin privat si alternative ndaj atij publik do të jetë në rritje?

Po, qeveria po implementon një sistem të rimbursimit të paketave shëndetësore (DRG – Grupi i Shpenzimeve sipas Diagnozave) që do të rimbursojë si spitalet private edhe ato publike.

A përbën problem mbajtja në vend e burimeve njerëzore, a tërhiqen ata për të punuar jashtë vendit?

Po, tërhiqen. Por nga ana tjeter në burimet njerezore të spitaleve tona kemi arritur të tërheqim shumë shqiptarë të shkolluar jashtë Shqipërisë që kthehen edhe për arsye sentimentale, edhe sepse tek ne janë të mirë vlerësuar financiarisht.

Çfarë përmasash ka tregu shëndetësor shqipëtar – dhe si është ndarja publik/privat?

I gjithë tregu shëndetësor privat në Shqipëri mund të arrijë në 100 miljonë Euro dhe ky treg është rreth 15% e atij total.

Si janë financat tuaja?

Volumi ynë për 2017 do të jete rreth 40 miljonë Euro dhe do të kemi një EBITDA me dy shifra prej Janarit (EBITDA këtë vit pati rënie për shkak të blerjes së një spitali të ri). Po synojmë zgjerimin në vende të tjera, veçanërisht në Maqedoni dhe Serbi.

Risia në Spitalin Amerikan, çdo ditë vizita për pacientët në 8 shërbime

By Spitali Amerikan - Të Reja

Tani çdo pasdite, nga e hëna në të premte edhe si Poliklinikë në Spitalin Amerikan 3

Të gjithë ata që nuk mund të kryejnë paradite një vizitë tek mjeku specialist në Spitalin Amerikan, do ta kenë tashmë këtë mundësi pasdite. Duke filluar nga dita e hënë, për 8 shërbime të rëndësishme, Spitali Amerikan 3 do të funksionojë edhe me shërbim Poliklinike. Nga ora 16.00-20.00, mjekët e secilit prej shërbimeve do të presin pacientët për vizitat e nevojshme, duke ofruar shërbimin e kërkuar. Janë të shumtë qytetarët të cilët e kanë të pamundur të largohen nga puna, për të kryer ekzaminimet e nevojshme, ndaj Spitali Amerikan duke vlerësuar rëndësinë e kohës tuaj, vjen me këtë risi. Pacientët do të kenë mundësi të trajtohen pasdite në shërbimet si: Radiologji, Pneumologji, Hematologji, ORL, Gastrohepatologji, neurologji, toksikologji, Infektiv. Së shpejti do mundësohen shërbimet edhe në Kardiologji dhe Gjinekologji.

Çdo ditë nga e hëna në të premte, për çdo shqetësim që mund të shfaqni ju apo fëmijët tuaj veçanërisht me disa nga patologjitë që janë më prezente gjatë dimrit, stafi i Spitalit Amerikan do të jetë në dispozicion për t’ju ofruar cilësinë më maksimale të shërbimit.

Page 26 of 34«‹24 252627 28 ›»

Blog

Healthcare Europa

Healthcare Nova